Хуссар Иры ветерантӕн Уӕлахизы 75 азмӕ бафиддзысты милуан сомӕй фылдӕр

Хуссар Иры ветерантӕн Уӕлахизы 75 азмӕ бафиддзысты милуан сомӕй фылдӕр

7
(ранӕуӕггонд 14:45 27.04.2020)
Ӕхцатӕ рахицӕн кӕндзысты ӕртындӕс ветеранӕн, кӕцытӕ абоны бон цӕрынц Хуссар Ирыстоны, ӕмӕ фӕсчъылдымы архайджытӕн, кӕцыты нымӕц нырма бӕрӕг нӕу

ЦХИНВАЛ, 27 апр — Sputnik, Козаты Диана. Хуссар Ирыстоны президенты фӕстауӕрцон фондӕй рахицӕн кодтой иу милуан сомӕй фылдӕр Стыр Фыдыбӕстон хӕсты ветерантӕн ӕмӕ фӕсчъылдымы архайджытӕн фиддонтӕ бафидыны нысанӕн, загъта Sputnik финансты министр Хӕбӕлаты Аза.

Апрелы президент Бибылты Анатолий бафыста барамынд фиддонтӕ бафидыны фӕдыл ӕмбӕстӕгты кӕцыдӕр категоритӕн Стыр Уӕлахизы 75-ӕм афӕдзы боны цытӕн. Президенты барамындмӕ гӕсгӕ, ветерантӕн бафиддзысты фӕйнӕ 75 мин сомы, фӕсчъылдымы архайджытӕн та, кӕцыты схорзӕхджын кодтой ССРЦ ордентӕ кӕнӕ майдантӕй, бафиддзысты фӕйнӕ 50 000 сомы.

"Фӕрӕзтӕ ныридӕгӕн бахастой президенты администрацийы номхыгъдмӕ. Фӕйнӕ 75 мин сомы райсдзысты Стыр Фыдыбӕстон хӕсты 13 ветераны ӕмӕ фӕйнӕ 50 мин сомы та фӕсчъылдымы архайджытӕ, кӕцытӕн ис советон хорзӕхтӕ", - загъта Хӕбӕлаты Аза.

Президенты администрацийы радзырдтой Sputnik, ветерантӕ кӕй райсдзысты сӕ фиддонтӕ майы дӕргъы, традицимӕ гӕсгӕ сӕ ратдзӕн президент.

Президенты администрацийы разамонӕджы хӕдивӕг Джуссойты Алан банысан кодта, фӕсчъылдымы архайджытӕ гӕнӕн ис разыной ӕртӕйӕ фылдӕр – сӕ нымӕц сын бӕрӕг кӕнынц.

7

КТ

Компьютерон томограф Цхинвалы скусдзӕн цыппӕрӕмы

0
(ранӕуӕггонд 11:43 28.05.2020)
Компьютерон томографы куысты згъуыдтытӕ фӕзынд январы. Ӕхсӕнад, рынчындоны ифтонгад кӕй нӕ кусы ӕмбӕлон уагыл, уый тыххӕй базыдта коронавирусы апарахаты фӕстӕ. Ацы низы диагностикӕйӕн ӕнӕмӕнг хъӕуы КТ

ЦХИНВАЛ, 28 май - Sputnik, Козаты Диана. Хуссар Ирыстоны Республикон бирӕпрофилон медицинон центры компьютерон томограф сараздзысты цыппӕрӕмы, загъта хицауады рабадты Ӕнӕниздзинад хъахъхъӕнынады министр Тотчиты Георгий.

Компьютерон томографы куысты згъуыдтытӕ фӕзынд январы. Ӕхсӕнад, рынчындоны ифтонгад кӕй нӕ кусы ӕмбӕлон уагыл, уый тыххӕй базыдта коронавирусы апарахаты фӕстӕ. Ацы низы диагностикӕйӕн ӕнӕмӕнг хъӕуы КТ. 

"Аппараты цалцӕджы куыстытӕ балхынцъ уыдзысты абон. Уый фӕстӕ кусдзысты гемодиализы аппаратыл", - загъта министр.

Хуссар Ирыстоны РБМЦ дохтыр, анестезиолог - реаниматолог Плиты Александр радзырдта Sputnik, ӕртыццӕджы республикӕмӕ кӕй ӕрцыдысты ӕртӕ специалисты ӕхсӕнадӕмон фирмӕйӕ, кӕцытӕ кусынц бӕрзондтехнологион ифтонгадимӕ. Уыдон рахастой, КТ-йӕн цы хъуаг кодта, уыцы деталь.

"Донецкаг фирмӕйы минӕвӕрттӕ, кӕцытӕ сӕхимӕ ӕмӕ ӕппӕт Уӕрӕсейы сӕ хъус дарынц 150 КТ-йы аппаратмӕ, рацыдысты Цхинвалмӕ знон. Уыдон рахастой, цы деталь нӕ фаг кодта КТ-йӕн, уый. Мӕ хъуыдымӕ гӕсгӕ йӕ абон сцалцӕг кӕндзысты", - загъта Плиты Александр.

0
Уӕлахизы бон

Бибылты Анатолий фехъусын кодта, кӕд рацӕудзӕн Хуссар Иры Ӕнӕмӕлгӕ полк

6
(ранӕуӕггонд 11:46 28.05.2020)
Амӕйразмӕ паддзахады сӕргълӕууӕг фехъусын кодта, Цхинвалы Уӕлахизы парад кӕй ацӕудзӕн уӕрӕсейаг столицӕйы парадимӕ иу бон – 24 июны

ЦХИНВАЛ, 28 май - Sputnik, Козаты Диана. Хуссар Ирыстоны президент Бибылты Анатолий фехъусын кодта, акци "Ӕнӕмӕлгӕ полк" республикӕйы кӕй ацӕудзӕн 26 июны.

Паддзахады сӕргълӕууӕг бахӕс кодта хъахъхъӕнынад ӕмӕ культурӕйы министртӕн бакусын организацион фарстытыл.

"Нӕ фыдтӕ ӕмӕ фыды фыдтӕ сӕхи иттӕг хорз равдыстой, ӕмӕ махӕн бар нӕй, цӕмӕй ма банысан кӕнӕм ацы бӕрӕгбон. Мах хъуамӕ бузныг зӕгъӕм, ацы бӕрӕгбон нын чи ӕрхаста, уыдонӕн", - загъта президент.

Амӕйразмӕ фехъусын кодтой Уӕлахизы парад ауадзыны датӕ дӕр, кӕцы аргъӕвтой коронавирусы пандемийы тыххӕй. Цхинвалы Уӕлахизы парад ацӕудзӕн Мӕскуыйы Сырх Фӕзуатыл парадимӕ иу бон – 24 июны.

6