Хуссар Ирмӕ ӕрыздӕхдзысты Уӕрӕсейӕ республикӕйы ноджы 20 ӕмбӕстаджы

© Sputnik / Natalia AiriyanАрӕн
Арӕн - Sputnik Хуссар Ирыстон
Рафыссын
Республикӕйы къухдариуӕгад сорганизаци кодта ӕмбӕстӕгты ӕрыздӕхт 14 апрелы. Ӕмбӕстӕгты ласынц къордтӕй фӕйнӕ 10 адӕймаджы

ЦХИНВАЛ, 28 апр - Sputnik, Коцты Анна. Хуссар Ирыстоны ӕмбӕстӕгты ӕртыккаг къорд ӕрыздӕхдзӕн республикӕмӕ ацы къуыри, уӕрӕсейаг-хуссарирыстойнаг арӕны уылты рахиздзысты 20 адӕймаджы.

Уый тыххӕй дыццӕджы фехъусын кодта ФХМ сӕргълӕууӕг Медойты Дмитрий республикӕмӕ коронавирусы ӕрбахызт ма ‘руадзыны фӕдыл оперативон штабы рабадтыл.

"Ӕмбӕстӕгты ласдзыстӕм дыууӕ этапы. Дӕс адӕймаджы ӕрыздӕхдзысты абон, дыккаг къорд та цыппӕрӕмы, 30 апрелы", - загъта Медойты Дмитрий.

Пассажиртӕ Цхинвалмӕ куы 'рцӕуой, уӕд сӕ бакӕндзысты карантины республикон рынчындонмӕ.

Арӕн - Sputnik Хуссар Ирыстон
Хуссар Ирмӕ ӕрыздӕхыны фӕдыл УФ консулон агентадмӕ бахатыд ноджы 60 адӕймаджы

Республикӕйы ӕмбӕстӕгты ӕрыздӕхт реализаци цӕуы Хуссар Ирыстоны ФХМ консулон агентады уылты РЦИ-Аланийы. Абоны бон дипломатон минӕварадмӕ бадзырдтой 57 ӕмбӕстаджы, кӕцыты фӕнды ӕрцӕуын Хуссар Ирыстонмӕ. Ӕмбӕстӕгты ласынц ӕнӕаргъӕй паддзахадон транспортыл.

Хуссар Ирыстоны абоны бон нӕй коронавирусӕй фӕрынчынуӕвджытӕ. Республикӕйы хицауад бакодта уӕлӕмхасӕн карантинон мадзӕлттӕ республикӕйы коронавирусы апарахат ма ‘руадзыны нысанӕн. Уӕрӕсеимӕ арӕн сӕхгӕдтой 1 майы онг. Марты республикӕйы къухдариуӕгад фехъусын кодта Гуырдзыстонимӕ паддзахадон арӕны сӕхгӕды тыххӕй. Республикӕйы ӕхгӕд сты ахуырадон уагдӕттӕ ӕмӕ ӕхсӕнадон бынӕттӕ. Кусынц ӕрмӕстдӕр хӕлцадон дуканитӕ ӕмӕ афтектӕ.

Амӕйразмӕ президент Бибылты Анатолий адарддӕр кодта ӕнӕкусӕгон бонтӕ 30 апрелы онг.

Ног хабӕртты лентӕ
0