Ӕнӕмӕлгӕ полк

Зассеты Жанна: домдзӕн "Ӕнӕмӕлгӕ полк"-ӕн традицион цыд ауадзын

6
(ранӕуӕггонд 15:57 28.04.2020)
Хуссар Ирыстоны культурӕйы министр загъта йӕ хъуыды "Ӕнӕмӕлгӕ полк"-ы онлайн-цыд ауадзыны фӕдыл

ЦХИНВАЛ, 28 апр – Sputnik, Гӕбӕраты Элина. Хуссар Ирыстоны нырма не ‘ркастысты "Ӕнӕмӕлгӕ полк"-ы цыд онлайн режимы ауадзыны фарстмӕ, фехъусын кодта Sputnik культурӕйы министр Зассеты Жанна.

Амӕйразмӕ президент Бибылты Анатолийы барамындӕй Уӕлахизы боны цытӕн мадзӕлттӕ аргъӕвтой коронавирусы тасы тыххӕй.

"Ӕнӕмӕлгӕ полк"-ы цыд, кӕцы нывонд у Стыр Фыдыбӕстон хӕсты 75-ӕм юбилейӕн, ацы аз 9 майы ацӕудзӕн видеотрансляцийы режимы пандемийы тыххӕй. Онлайн-акци нывӕндынц ауадзын интернеты уылты дунейы 170 бӕстӕйы.

"Ӕз домдзӕн "Ӕнӕмӕлгӕ полк"-ӕн традицион цыд ауадзын. Цыды рӕстӕджы адӕм ӕмбӕлынц, кӕрӕдзиимӕ ныхӕстӕ кӕныц, уыдон цӕрынц уымӕй иннӕ парады онг", - загъта министр.

Зассеты Жанна банысан кодта, "Ӕнӕмӕлгӕ полк"-ы цыд кӕй ацӕудзӕн Уӕлахизы Парад Цхинвалы ауадзыны бон.

Уагдоны сӕргълӕууӕг бафтыдта, ӕввахс рӕстӕджы кӕй ацӕудзӕн Уӕлахизы боны парадмӕ цӕттӕкӕнынады фӕдыл штабы рабадт, цы ран ӕркӕсдзысты ацы фарстмӕ.

2019 азы Хуссар Ирыстоны авд мин цӕрӕгӕй фылдӕр хайад райстой акци "Ӕнӕмӕлгӕ полк"-ы.

Акци "Ӕнӕмӕлгӕ полк" Хуссар Ирыстоны уагъд цӕуы дыууӕ этапы: фыццаг, офицерон полчы, раивы "удӕгас". Цыдмӕ рахизынц адӕм, кӕцытӕ 1989-2008 азты фесӕфтой сӕ хиуӕтты республикӕйы хӕдбардзинады тыххӕй хӕсты рӕстӕджы.

6
Хуссар Ир карантины

"Зынаргъ коронавирус": цас лӕууы Хуссар Ирӕн COVID-19-имӕ тох

5
(ранӕуӕггонд 15:26 27.05.2020)
Фӕрӕзтӕ, сӕйраджыдӕр, хицӕн кӕнынц паддзахады сӕргълӕууӕг ӕмӕ хицауады фӕстауӕрцон фондтӕй

ЦХИНВАЛ, 27 мая – Sputnik, Козаты Диана. Коронавирусон инфекцийы апарахат ма ‘руадзынӕн ӕмӕ COVID-19-ӕй рынчынты хоскӕнынадӕн Хуссар Ирыстон ныридӕгӕн рахицӕн кодта 11 милуан сомы. Президенты администрацийы бӕрӕггӕнӕнтӕм гӕсгӕ, фӕрӕзты фылдӕр хай рахицӕн кодтой президент ӕмӕ хицауады фӕстауӕрцон фондтӕй.

Цӕвиттонӕн, уазӕгдон "Алан" сцалцӕг кӕныныл бахардз кодтой 243 мин сомы. Дзауы районы рынчындон бацӕттӕ кӕнынӕн президенты фондӕй рахицӕн кодтой 142 мин сомы.

Югосетпотребнадзор райста иу милуан соммӕ ӕввахс сӕрмагонд хъахъхъӕнынады фӕрӕзтӕ, ифтонггарз ӕмӕ вирусологион лабораторийӕн ӕрмӕджытӕ балхӕнынӕн.

Республикӕйы ӕмбӕстӕгтӕн гуманитарон ӕххуыс ласыны хӕрдзтӕн пандемийы рӕстӕджы рахицӕн кодтой 263 мин сомы.

Ацы фӕрӕзтӕ – иу милуан ӕмӕ 600 мин сомы – рахицӕн кодтой президенты фӕстауӕрцон фондӕй.

Хицауадон фондӕй ӕхцатӕ рахицӕн кодтой Ӕнӕниздзинад хъахъӕнынады министрад, Дзауы район ӕмӕ Хъахъхъӕнынады министрадӕн.

Ӕнӕниздзинад хъахъхъӕнынад ӕмӕ социалон райрӕзты министрад райстой 6,5 милуан сомы хостӕ ӕмӕ медицинон ӕрмӕджытӕ балхӕнынӕн.

Дзауы районы администрацийӕн рахицӕн кодтой сӕдӕ мин сомӕй фылдӕр районон рынчындонӕн ифтонггарз балхӕнынӕн, афтӕ ма медицинон уагдоны рудзгуытыл хызӕгтӕ сӕвӕрынӕн.

Иу милуан сомы бахардз кодтой УФ ӕфсӕддон ахуырадон уагдӕтты курсантты ӕрласыныл, кӕцытӕ цыдысты сӕ фыдыбӕстӕмӕ Уӕрӕсейы ахуыр ӕмгъуыдӕй раздӕр кӕй фӕцис, уый тыххӕй.

Афтӕ ма ӕрдӕг милуан сомӕй фылдӕр бахардз кодта МХМ сӕрмагонд хъахъхъӕнынады ӕмӕ дезинфекцион фӕрӕзтӕ балхӕнынӕн.

Уымӕй дарддӕр, стыр суммӕ хардз кӕнынц карантиныл уӕвӕг адӕмы хӕлцадыл. Пациентты хиуӕтты нал уадзынц хӕссын медицинон уагдӕттӕм хӕлцадон продукттӕ.

Инфекциимӕ тох нырма нӕ фӕцис. Республикӕйы медицинон уагдӕтты хоскӕнынад нырма цӕуынц аст адӕймаджы коронавирусы диагнозимӕ. Афтӕ ма республикӕмӕ ӕрцӕудзысты МХМ курсанттӕ ӕмӕ республикӕйы ӕмбӕстӕгтӕ ФХМ хаххыл.

5
Хъахъхъӕнынады министрад

Хуссар Иры райдыдтой исын документтӕ УФ ӕфсӕддон ахуыргӕнӕндӕттӕм бацӕуыны фӕдыл

4
(ранӕуӕггонд 14:24 27.05.2020)
Ӕнӕмӕнгхъӕуӕг документтӕ исдзысты Хуссар Ирыстоны Ӕфсӕддон комиссариаты 4 июны онг

ЦХИНВАЛ, 27 май — Sputnik. Хуссар Ирыстоны Хъахъхъӕнынады министрад ӕртыццӕгӕй фӕстӕмӕ райдыдта исын хуссарирыстойнаг абитуриентты документтӕ, кӕцыты фӕнды бацӕуын Уӕрӕсейы Хъахъхъӕнынады министрады ӕфсӕддон ахуырадон уагдӕттӕм, хъусын кӕны уагдоны пресс-службӕ.

Документтӕ исдзысты 4 июны онг.

"Хуссар Ирыстоны Хъахъхъӕнынады министрады 27 майӕ фӕстӕмӕ райдыдтой исын куырдиӕттӕ, цӕмӕй хуссарирыстойнаг абитуриенттӕ бацӕуой Уӕрӕсейы Федерацийы Хъахъхъӕнынады министрады ӕфсӕддон ахуырадон уагдӕттӕм", - дзырдӕуы хъусинаджы.

Пресс-службӕйы бафтыдтой, абитуриенттӕн сӕ бон кӕй у райсын ӕнӕмӕнгхъӕуӕг информаци республикӕйы Ӕфсӕддон комиссариаты.

4