Курсанттӕ

Хуссар Ирмӕ сӕрдыгон каникулты ӕрыздӕхдзысты 300-мӕ ӕввахс курсанты

17
(ранӕуӕггонд 14:31 30.04.2020)
Студенттӕ Хуссар Ирыстонмӕ куы ‘рцӕуой, уӕд сӕ бакӕндзысты стационарон карантины

ЦХИНВАЛ, Sputnik - 30 апр, Коцты Анна. Хуссар Ирыстоны Хъахъхъӕнынады министрад ӕмӕ Мидхъуыддӕгты министрады (МХМ) разамонджытӕ бакусдзысты Уӕрӕсейы профилон ахуырадон уагдӕттӕй студентты ӕрыздӕхыны фӕткыл. Ахӕм хӕслӕвӕрд министртӕн радта паддзахады сӕргълӕууӕг Бибылты Анатолий.

"Фыццӕгӕм майы онг мах хъуамӕ зонӕм, цас студенты нӕм ӕрыздӕхдзӕн Уӕрӕсейӕ", - фехъусын кодта Бибылты Анатолий коронавирусон инфекцийы апарахат ма ‘руадзыны фӕдыл оперативон штабы рабадтыл.

Гассеты Ибрагимы ныхӕстӕм гӕсгӕ уӕрӕсейаг ахуырадон уагдӕтты Хъахъхъӕнынады министрады хаххыл ахуыр кӕнынц 272 курсанты Хуссар Ирыстонӕй.

"Уыдонӕй 117 курсанты ахуыр кӕнынц Санкт-Петербурджы, 84 курсанты та Мӕскуыйы. Иннӕтӕ ахуыр кӕнынц Уӕрӕсейы ӕндӕр горӕтты, - Рязаны, Костромайы, Новосибирскы. УФ Хъахъхъӕнынады министрады ӕфсӕддон ахуыргӕнӕндӕтты ахуырадон аз фӕуд кӕны ӕмгъуыдӕй раздӕр", - загъта Гассеты Ибрагим.

Курсантты ӕрыздӕхыныл бакусдзӕн Хуссар Ирыстоны хицауад. Студенттӕ Хуссар Ирыстонмӕ куы ‘рцӕуой, уӕд сӕ бакӕндзысты стационарон карантины. Ӕнӕниздзинад хъахъхъӕнынады министры ныхӕстӕм гӕсгӕ, рынчындоны ис фаг бынӕттӕ.

Афтӕ ма карантинӕн бацӕттӕ кодтой районон рынчындӕттӕ Дзау ӕмӕ Знауыры.

17
Цхинвал

Хуссар Иры цӕрджытӕм ацы къуыри ӕнхъӕлмӕ кӕсынц дӕргъвӕтин улӕфт бонтӕ

2
Республикӕйы цӕрджытӕ улӕфдзысты ӕртӕ боны фӕд-фӕдыл Хуссар Ирыстоны хӕдбардзинад расидыны Акт райсыны боны цытӕн

ЦХИНВАЛ, 28 май — Sputnik. Хуссар Ирыстон ацы къуыри нысан кӕны РХИ хӕдбардзинады Акт райсыны бон, уый фӕдыл республикӕйы цӕрджытӕ улӕфдзысты ӕртӕ боны.

Бӕргбонон датӕ майрӕмбонмӕ кӕй ӕрхаудта, уый фӕдыл кусӕгон цӕрджытӕн дӕргъвӕтин улӕфт бонтӕ уыдзысты 29-31 майы.

Хуссар Ирыстоны хӕдбардзинад расидыны Акт райста республикӕйы Уӕлдӕр совет 1992 азы 29 майы. Президенты барамындмӕ гӕсгӕ, ацы датӕ бахастой Хуссар Ирыстоны бӕрӕгбонтӕ ӕмӕ зӕрдылдарӕн датӕты къӕлиндармӕ.

2
Хуссар Ир карантины

"Зынаргъ коронавирус": цас лӕууы Хуссар Ирӕн COVID-19-имӕ тох

5
(ранӕуӕггонд 15:26 27.05.2020)
Фӕрӕзтӕ, сӕйраджыдӕр, хицӕн кӕнынц паддзахады сӕргълӕууӕг ӕмӕ хицауады фӕстауӕрцон фондтӕй

ЦХИНВАЛ, 27 мая – Sputnik, Козаты Диана. Коронавирусон инфекцийы апарахат ма ‘руадзынӕн ӕмӕ COVID-19-ӕй рынчынты хоскӕнынадӕн Хуссар Ирыстон ныридӕгӕн рахицӕн кодта 11 милуан сомы. Президенты администрацийы бӕрӕггӕнӕнтӕм гӕсгӕ, фӕрӕзты фылдӕр хай рахицӕн кодтой президент ӕмӕ хицауады фӕстауӕрцон фондтӕй.

Цӕвиттонӕн, уазӕгдон "Алан" сцалцӕг кӕныныл бахардз кодтой 243 мин сомы. Дзауы районы рынчындон бацӕттӕ кӕнынӕн президенты фондӕй рахицӕн кодтой 142 мин сомы.

Югосетпотребнадзор райста иу милуан соммӕ ӕввахс сӕрмагонд хъахъхъӕнынады фӕрӕзтӕ, ифтонггарз ӕмӕ вирусологион лабораторийӕн ӕрмӕджытӕ балхӕнынӕн.

Республикӕйы ӕмбӕстӕгтӕн гуманитарон ӕххуыс ласыны хӕрдзтӕн пандемийы рӕстӕджы рахицӕн кодтой 263 мин сомы.

Ацы фӕрӕзтӕ – иу милуан ӕмӕ 600 мин сомы – рахицӕн кодтой президенты фӕстауӕрцон фондӕй.

Хицауадон фондӕй ӕхцатӕ рахицӕн кодтой Ӕнӕниздзинад хъахъӕнынады министрад, Дзауы район ӕмӕ Хъахъхъӕнынады министрадӕн.

Ӕнӕниздзинад хъахъхъӕнынад ӕмӕ социалон райрӕзты министрад райстой 6,5 милуан сомы хостӕ ӕмӕ медицинон ӕрмӕджытӕ балхӕнынӕн.

Дзауы районы администрацийӕн рахицӕн кодтой сӕдӕ мин сомӕй фылдӕр районон рынчындонӕн ифтонггарз балхӕнынӕн, афтӕ ма медицинон уагдоны рудзгуытыл хызӕгтӕ сӕвӕрынӕн.

Иу милуан сомы бахардз кодтой УФ ӕфсӕддон ахуырадон уагдӕтты курсантты ӕрласыныл, кӕцытӕ цыдысты сӕ фыдыбӕстӕмӕ Уӕрӕсейы ахуыр ӕмгъуыдӕй раздӕр кӕй фӕцис, уый тыххӕй.

Афтӕ ма ӕрдӕг милуан сомӕй фылдӕр бахардз кодта МХМ сӕрмагонд хъахъхъӕнынады ӕмӕ дезинфекцион фӕрӕзтӕ балхӕнынӕн.

Уымӕй дарддӕр, стыр суммӕ хардз кӕнынц карантиныл уӕвӕг адӕмы хӕлцадыл. Пациентты хиуӕтты нал уадзынц хӕссын медицинон уагдӕттӕм хӕлцадон продукттӕ.

Инфекциимӕ тох нырма нӕ фӕцис. Республикӕйы медицинон уагдӕтты хоскӕнынад нырма цӕуынц аст адӕймаджы коронавирусы диагнозимӕ. Афтӕ ма республикӕмӕ ӕрцӕудзысты МХМ курсанттӕ ӕмӕ республикӕйы ӕмбӕстӕгтӕ ФХМ хаххыл.

5