РХИ театр

"Ӕрра уарзт": Хуссар Иры театр цӕттӕ кӕны ног комеди 

47
(ранӕуӕггонд 11:26 04.05.2020)
Сюжетмӕ гӕсгӕ, спектаклы хъайтар нӕлгоймаг бацыд дохтырмӕ рохы низимӕ, йӕ фӕстӕ дохтыры къӕсӕрыл балӕууыд йе 'мкъай, стӕй та дыккаг. Интригӕ равдысты кӕронмӕ ӕвзӕрын кӕндзӕн фарстытӕ

ЦХИНВАЛ, 4 май — Sputnik, Плиты Фатимæ. Хуссар Ирыстоны паддзахадон театры труппӕ ӕвӕстиатӕй бавдисдзӕн кӕсджытӕн комеди "Ӕрра уарзт" (Любовь до потери памяти), куыддӕр коронавирусы фӕдыл тобӕтӕ ист ӕрцӕуой республикӕйы, фехъусын кодтой Sputnik ПДТ пресс-службæйы.

Уӕрӕсейаг драматург Валентин Красногоровы ӕрмӕгыл кусынц актерты къорд режиссер Чилӕхсаты Эдуарды разамындӕй. 

"Мах, сфӕлдыстадон къорды, хъӕуы ӕрмӕстдӕр дыууӕ къуыри ӕмӕ спектакль уыдзӕн цӕттӕ адӕмы размӕ хӕссынӕн. Кусын ыл райдыдтам январы", - хъусын кӕны пресс-службӕ режиссеры ныхӕстӕ.

Сюжетмӕ гӕсгӕ, спектаклы хъайтар нӕлгоймаг бацыд дохтырмӕ рохы низимӕ, йӕ фӕстӕ дохтыры къӕсӕрыл балӕууыд йе 'мкъай, стӕй та дыккаг.

"Мах архайӕм сценӕйыл интригӕ саразын, кӕцы равдысты кӕронмӕ ӕвзӕрын кӕндзӕн фарстытӕ", - дзырдӕуы хъусинаджы.

Режиссеры ныхӕстӕ гӕсгӕ, пьесӕ ӕвӕрд ӕрцыд бирӕ бӕстӕты ӕмӕ йӕ алкӕцы адӕм дӕр сӕхирдыгонау рацарӕзтой. Ирон "Ӕрра уарзт",- ы даер уыдзӕн йӕхи сусӕгдзинӕдтӕ.

"Фӕивтам нӕмттӕ, архайд цы бынаты цӕуы, уый ӕмӕ йӕм бахастам чысыл ивындзинӕдтӕ. Фӕлӕ бӕстонӕй мах "Ӕрра уарзт" цахӕм уыдзӕн, уый раргом уыдзӕн премьерӕйы рӕстӕджы" , - зӕгъы режиссер.

Чилӕхсаты Эдуардӕн Хуссар Ирыстоны паддзахадон драмон театры сценӕйыл ис бирӕ ӕнтыстджын куыстытӕ. Уыдонӕй иу у кӕсӕджы уарзон комеди "Сылгоймаг, нӕлгоймаг, мард, рудзынг".

Театры пресс-службӕйы минӕвары ныхӕстӕм гӕсгӕ, режиссер фылдӕр бӕрцӕй кусы артистты иу къордимӕ. Ацы хатт дӕр та кусы йе 'мкурсонтӕ, Адӕмон артисттӕ Пӕррӕстаты Дмитрий ӕмӕ Бибылты Сосланимӕ. Уымӕй дарддӕр ма пьесӕйы архайынц сгуыхт артисттӕ - Куымӕридтаты Батрадз, Натия Чохели ӕмӕ Харебаты Жан-Жак. Ног фӕлтӕрӕй сценӕйыл уыдзӕн ӕвзонг курдиатджын актрисӕ Бекъойты Зӕринӕ.

47
Парламенты сесси

Хуссар Иры парламент фæнд кæны ауадзын сесси майрæмбоны

2
(ранӕуӕггонд 15:04 03.08.2021)
Уымæй размæ закондæттæг органы рабадт фæкъуыхцы ис кворумы æнæуæвынады аххосæй. Депутатты хсæн æнæразыдзинад сæвзæрд Центрæвзарæнкомы уæнгты снысан кæныны процедурæйы фæдыл

ЦХИНВАЛ, 3 авг – Sputnik, Козаты Диана. Хуссар Ирыстоны парламент снысан кодта радон рабадты датæ, уый фæнд кæнынц ауадзын майрæбоны, 6 августы, фехъусын кодта спикер Тадтаты Алан ПТРК "Ир" –ы эфиры.

Парламенты рабат, кæцыйы рæстæджы хъуамæ æркастаиккой президенты æнхъарæнмæ ЦӔК сæрдары бынатмæ æмæ фидар æрцыдаид йе ʻсконд, нæ ацыд.

"Мах хъуамæ æркæсæм медикты фиддонты фарстмæ, бахæссæм ивындзинæдтæ бюджетмæ, кæцытæ хауынц электрохаххы фæстауæрцон линийы арæзтадмæ. Боны фæткыл ма ис централон æвзарæн къамисы сконд сфидар кæныны фарст, архайгæйы æмгъуыд фæуд кæны 16 августы", - загъта Тадтаты Алан.

Уый ныфс бавæрдта, алцыдæр кæй уыдзæн "законы фæлгæтты".

"Алкæцы депутатæн дæр бар ис схъæлæс кæнын иу кæнæ иннæ кандидаты тыххæй, ахæм хаххыл цæудзæн хъæлæсæппæрст", - бафтыдта уый.

2
Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

6
(ранӕуӕггонд 16:56 03.08.2021)
Мугуты хъӕу у иунӕг, кӕцы фӕстаг ӕзты рцыд асфальт, йӕ иу хай сарӕзтой разамынад, аразинаг та баххӕст кӕндзысты Фӕндагарӕзтады комитет

ЦХИНВАЛ, 3 авг - Sputnik, Плиты Фатимӕ. Хуссар Ирыстоны Знауыры районы Мугуты хъӕумӕ фӕндаг президенты хӕслӕвӕрдмӕ гӕсгӕ бамбӕрздзысты асфальтӕй. Фӕндаг бӕтты столицӕ районы ӕртӕ хъӕуимӕ, фехъусын кодта Sputnik фӕндагон арӕзтады комитеты хистӕр Гуыззыдтаты Эдуард.

Фӕндаджы хай, кӕцы цӕуы Мугут ӕмӕ Тулдзыты хъӕуы мидӕг, уый арӕзт ӕрцыд 2018 азы Знауыры районы тыхтӕй. Ныридӕгӕн фӕндагон службӕты хъусдарды бын бахаудзӕн фӕндаджы 1 800 метры, кӕцы сбӕтдзӕн хъӕу Цхинвал-Знауыры трассӕимӕ.

"Фӕндаг кӕронмӕ арӕзт нӕ уыд. Президенты хӕслӕвӕрдмӕ гӕсгӕ аразӕм цы баззад, уый. Нӕ бӕрны ис 1850 метры дӕргъӕн фӕндаг, йӕ 50 процент цӕттӕ у асфальт кӕнынмӕ. Августы фыццаг хай хъуамӕ баххӕст кӕнӕм куыстытӕ",- загъта Гуыззыдтаты Эдуард.

Дыууӕ хъӕуы ис бирӕ цӕрӕгад, фылдӕр бӕрцӕй цӕрынц фӕндаггӕрӕтты. Хъӕуты цӕрджытӕ бирӕ ӕзты хъаст кодтой фӕндаджы рыджы бын кӕй фӕвӕййынц хъарм рӕстӕг, уымӕй. Сӕрдыгонд бон ацы фӕдагыл цӕуынц улӕфынмӕ донбылгӕрӕттӕм горӕты цӕрджытӕ.

"Раздӕр арӕзт ӕрцыд Тулдзыты хъӕуы мидӕг фӕндаг ӕмӕ Мугутӕн та йӕ иу хай. Ӕвзӕр фӕндагӕй дарддӕр мах тыхсӕм фӕндаджы рыгӕй, ам бирӕ хӕдтулгӕтӕ цӕуы Пронейы донбылгӕронмӕ улӕфынмӕ. Аразинаг ма цы баззад, уый куы баххӕст кӕной, уӕд бынтон сӕрибарӕй сулӕфдзыстӕм", - радзырдта хъӕуы цӕрӕг Виталий.

6