Ленингоры Стыр Фыдыбӕстон хӕсты мемориал

Ленингоры Стыр Фыдыбӕстон хӕсты мемориал цалцӕг кӕнынц Уӕлахизы бонмӕ

121
(ранӕуӕггонд 15:02 04.05.2020)
Ленингоры районы райгуырд Советон цӕдисы хъайтар Сабанты Григорий. Стыр Фыдыбӕстон хӕсты архайджытӕй ма ныр ам сӕрӕгас у ӕрмӕстдӕр Александр Миделашвили

ЦХИНВАЛ, 4 май — Sputnik, Плиты Фатимæ. Хуссар Ирыстоны Ленингоры поселочы централон парк, цы ран ис Стыр Фыдыбӕстон хӕсты цырт, хӕрзарӕзт цӕуы Уӕлахизы 75 азы юбилеймӕ. 

Ленингоры районы парк ӕвӕрд у поселочы тӕккӕ центры, ам ис культурӕйы хӕдзар дӕр. Улӕфӕн зонӕйы фидынц у Стыр Фыдыбӕстон хӕсты дзӕнӕттаг хъайтарты мемориал.

"Парчы уагъд цӕуынц хӕрзарӕзтадон куыстытӕ, цалцӕг кӕнынц Стыр Фыдыбӕстон хӕсты мемориал. Уӕлахизы бонмӕ сӕ хъуамӕ ӕркӕнӕм ӕмбӕлон уагмӕ. Ӕмрӕстӕджы ма цалцӕг кӕнӕм Ленингоры районы администрацийы бӕстыхай дӕр", - загъта Sputnik районы цӕрӕн-коммуналон хӕдзарады хистӕр Хуыгаты Василий.

Поселочы централон парчы фӕуадзынц хиирхӕфсӕн ӕмӕ нысаниуӕгджын мадзӕлттӕ. Азы райдайӕны ацы парчы ацыд зӕххы мӕр Уӕрӕсемӕ арвитыны цытджын церемони ӕппӕтуӕрӕсеон ӕфсӕддон-патриотикон акци "Горсть памяти"-йы фӕлгӕтты.

Ленингоры районы райгуырд Советон цӕдисы хъайтар Сабанты Григорий, Стыр Фыдыбӕстон хӕсты архайджытӕй ма ныр ам сӕрӕгас у ӕрмӕстдӕр Александр Миделашвили.

121
Рауагъдон бал

Хуссар Ирыстоны равзӕрстой фӕстаг дзӕнгӕрӕг ӕмӕ рауагъдон балы датӕтӕ

139
(ранӕуӕггонд 21:26 02.06.2020)
Хуссар Иры рауагъдонты сӕйраг бӕрӕгбонон мадзӕлтты датӕтӕ не 'нтыст сбӕлвырд кӕнын коронавирусы апарахаты тасӕй тобӕтӕ хынцгӕйӕ

ЦХИНВАЛ, 2 июн - Sputnik, Плиты Фатимӕ. Хуссар Ирыстоны ахуырады министрады равзӕрстой фӕстаг дзӕнгӕрӕг ӕмӕ рауагъдон балы датӕтӕ, фехъусын кодтой Sputnik уагдоны пресс-службӕйы.

Хуссар Иры рауагъдонты сӕйраг бӕрӕгбонон мадзӕлтты датӕтӕ не 'нтыст сбӕлвырд кӕнын коронавирусы апарахаты тасӕй тобӕтӕ хынцгӕйӕ.

"Развӕлгъау сбӕлвырд кодтам 17 июны ауадзын фӕстаг дзӕнгӕрӕг ӕмӕ 18 июны та рауагъдон бал. Раздӕрау та йӕ организаци фӕнд кӕнӕм бакӕнын сывӕллӕтты сфӕлдыстадон галуаны бӕрны. Фӕлӕ уыдон дырыс датӕтӕ не сты ӕмӕ сӕ ауадзын баст уыдзӕн коронавирусы фӕдыл уавӕримӕ", - загътой пресс-службӕйы.

Рауагъдон бал хицӕнӕй ауадзынц ӕрвылаз Дзауы районы дӕр.

"Дзауы районы ахуырдзаутӕн сӕ бал республикӕйы скъолатимӕ иумӕ Цхинвалы банхъардзысты ауадзын, фӕлӕ ацы фарст нырма скъуыддзаг нӕу", - загътой ахуырады министрады.

Хуссар Ирыстоны ацы аз скъолайӕн хӕрзбон зӕгъдзысты 468 ахуырдзауы, уыдонӕй цыппар иттӕг хорз нысӕнттыл. Иу чызг у сызгъӕрин майданмӕ претендент. Цыппар иууыл хуыздӕр бӕрӕггӕнӕнтимӕ ахуырдзауы сты гимназитӕ "Рухс" ӕмӕ "Альбион"-ӕй.

139
МСНК кусджытӕ

МХМ къордтӕ райдыдтой цӕттӕ кӕнын Уӕлахизы парадмӕ Цхинвалы

7
(ранӕуӕггонд 16:00 02.06.2020)
Хуссар Ирыстоны Мидхъуыддӕгты министрады кусджытӕ райдыдтой рӕнхъон тренировкӕтӕ Милицийы сӕрмагонд нысаниуӕджы къорды бӕстыхайы

ЦХИНВАЛ, 2 июн - Sputnik. Хуссар Ирыстоны Мидхъуыддӕгты министрады (МХМ) парадон къордтӕ, кӕцытӕ хайад райсдзысты бӕрӕгбонон маршы Цхинвалы центры, райдыдтой рӕнхъон цӕттӕкӕнынад, хъусын кӕны МХМ пресс-службӕ.

Амӕйразмӕ республикӕйы президент Бибылты Анатолий фехъусын кодта, Стыр Фыдбӕстон хӕсты Уӕлахизы 75 азы юбилейы цытӕн бӕрӕгбонон парад кӕй ацӕудзӕн Хуссар Ирыстоны столицӕйы 24 июны. Майы республикӕйы ацыдысты сӕрмагонд парадтӕ Стыр Фыдыбӕстон хӕсты ветерантӕн.

"Ныртӕккӕ парадон къордтӕ кусынц рӕнхъон цӕттӕкӕнынадыл. Парады хайад райсынмӕ цӕттӕ кӕнынц мидхъуыддӕгты органты 200-мӕ ӕввахс кусӕджы – сылгоймӕгты парадон къорд, милицийы сӕрмагонд нысаниуӕджы къорды кусджытӕ, афтӕ ма Хуссар Ирыстоны МХМ курсанттӕ, кӕцытӕ ахуыр кӕнынц УФ МХМ профилон ахуырадон уагдӕтты", - радзырдтой уагдоны.

Афтӕ ма парады рацӕудзӕн милицийы сӕрмагонд нысаниуӕджы къорды (МСНК) бронетехникӕ дӕр – цыппар БТР-80. Нырма репетицитӕ цӕуынц МСНК бӕстыхайы, уый фӕстӕ уыдон адарддӕр уыдзысты республикӕйы Хъахъхъӕнынады министрады ӕмӕ УФ 4-ӕм ӕфсӕддон базӕйы плацыл. Уӕлахизы парады генералон репетицитӕ уагъд цӕудзысты Театралон фӕзуатыл 19-22 июны.

7