Дзауы рынчындон

Курсантты фыццаг къорд ӕрыздӕхдзӕн Хуссар Ирмӕ къуырисӕры

11
(ранӕуӕггонд 15:01 04.05.2020)
Республикӕмӕ пандемийы тыххӕй иумӕйагӕй ӕрыздӕхдзысты уӕрӕсейаг ахуырадон уагдӕтты 270 курсанты

ЦХИНВАЛ, 4 мая - Sputnik. Хуссар Ирыстонмӕ абон, 4 майы, ӕрыздӕхдзӕн уӕрӕсейаг ахуырадон уагдӕтты курсантты фыццаг къорд, уый тыххӕй фехъусын кодтой коронавирусон инфекцийы апарахат ма ‘руадзыны фӕдыл оперативон штабы рабадтыл, кӕцы ацыд премьер-министр Пухаты Эрикы къухдариуӕгады бын.

Хицауады пресс-службӕ куыд хъусын кӕны, афтӕмӕй, республикӕмӕ фыццаг ӕрыздӕхынц курсанттӕ Новосибирск ӕмӕ Рязанӕй, кӕцыты бакӕндзысты карантины Дзауы рынчындонмӕ.

Хуссар Ирыстоны сӕйраг санитарон дохтыр Коцты Марина банысан кодта, Югосетпотребнадзоры комитет кӕй цӕттӕ кӕны ӕмбӕстӕгты райсынмӕ. Республикӕмӕ иумӕйагӕй ӕрыздӕхдзысты уӕрӕсейаг ахуырадон уагдӕтты 270 курсанты.

"Махмӕ ӕрцӕуынц курсанттӕ, ӕмӕ сын мах цӕттӕ кӕнӕм бынӕттӕ республикӕйы медицинон уагдӕтты. Афтӕ ма басгӕрстам Дзауы рынчындон, уым ис хорз уавӕртӕ курсанттӕн", - загъта Коцты Марина.

Республикӕйы Ӕнӕниздзинад хъахъхъӕнынады министр Тотчиты Георгий баныфсӕвӕрдта, медицинон персоналмӕ кӕй ис алцыдӕр ӕмбӕстӕгтимӕ кусынӕн карантины.

Хицауады сӕрдар ӕрсидт уагдӕтты разамонджытӕм сорганизаци кӕнын карантины ӕмбӕлон уавӕртӕ курсанттӕн.

"Ӕрцӕугӕ курсанттимӕ хъуамӕ мацы контакттӕ уа. Арӕнӕвӕрдон фӕтктӕ куы ӕххӕст кӕнӕм, ӕрмӕстдӕр уӕд уыдзӕн хорз фӕстиуджытӕ коронавирусимӕ тохы", - банысан кодта Пухаты Эрик.

Хуссар Ирыстоны абоны бон нӕй коронавирусӕй фӕрынчынуӕвджытӕ. Республикӕйы хицауад бакодта уӕлӕмхасӕн карантинон мадзӕлттӕ республикӕйы коронавирусы апарахат ма ‘руадзыны нысанӕн. Ӕхгӕд сты паддзахадон арӕнтӕ Гуырдзыстон ӕмӕ Уӕрӕсеимӕ. Республикӕйы ӕхгӕд сты ахуырадон уагдӕттӕ ӕмӕ ӕхсӕнадон бынӕттӕ. Кусынц ӕрмӕстдӕр хӕлцадон дуканитӕ ӕмӕ афтектӕ.

11
Цхинвалы аразынц ног цӕрӕн корпус Хъайтарты уынгыл

Цхинвалы аразынц ног цӕрӕн корпус Хъайтарты уынгыл

3
Корпус аразынц хӕдзары бынаты, кӕцы бахъыгдард ис 2008 азы хӕсты рӕстӕджы. Арӕзтад райдыдта ацы аз августы, объект эксплуатацимӕ ратдзысты 2021 азы кӕрӕтты

ЦХИНВАЛ, 30 ноя – Sputnik, Хъуылымбегты Азӕмӕт. Цхинвалы активон темптӕй цӕуы ног фондзуӕладзыгон хӕдзары арӕзтад Хъайтарты уынджы кӕроны. Хӕдзар аразынц 118-ӕм корпусы бӕсты, кӕцы бахъыгдард ис 2008 азы хӕсты рӕстӕджы.

Ног хӕдзары дӕр уыдзӕн 60 фатеры. Йӕ арӕзтадмӕ "СТМ-ЮГ" фирмӕ ӕрӕвнӕлдта июлы. Абоны бон аразджытӕ фӕуд кӕнынц ӕртыккаг уӕладзыджы арӕзтад. Арӕзтадон организацийы минӕвар Джиоты Андрей фехъусын кодта Sputnik, объектыл кӕй архайынц 50 кусӕджы.

Йӕ ныхӕстӕм гӕсгӕ арӕзтад адарддӕр уыдзӕн зымӕгон периоды дӕр. Ис нӕм сӕрмагонд фӕрӕзтӕ, кӕцыты руаджы фадат ис кусын уазал боныгъӕды рӕстӕджы дӕр.

"Бӕстыхӕйтты та сӕвӕрдзыстӕм хъармгӕнӕн ифтоггарз мидӕггагон куыстытӕн", - загъта Джиоты Андрей.

Бирӕуӕладзыгон хӕдзары арӕзтад балхынцъ кӕндзысты фидӕн азы кӕрӕттӕм.

Хӕсты рӕстӕджы цы бирӕуӕладзыгон хӕдзар бахъыгдард ис, уый цӕрджытӕ бирӕ хатт бадзырдтой хицауадмӕ, цӕмӕй ацы хӕдзар ныппырх кӕной ӕмӕ ног саразой. Ныр ацы фарст аскъуыддзаг кодтой. Объект бахастой 2020-2022 азты инвестицион нывӕзтмӕ.

Хуссар Ирыстонӕн социалон экономикон ӕххуыс бакӕнын фӕдыл Инвестпрограммӕ 2020-2022 ӕзтӕм сфидар кодтой ӕхсӕнхицауадон къамисы рабадтыл 2019 азы апрелы.

Ӕртӕазон программӕйы, кӕцыйы бюджет у 4,5 миллиард сомы, ис 52 мадзалы, кӕцытӕ здӕхт сты социалон объектты дарддӕры арӕзтадмӕ.

3
зынфӕдисонты къордтӕ

Трансформатор РБМЦ ссыгъд цыбыр аныдзӕвды тыххӕй. Зынгсирвӕзт ахуыссын кодтой

2
(ранӕуӕггонд 13:43 30.11.2020)
Хуссар Ирыстоны столицӕйы бирӕпрофилон медицинон центры инфекцион рынчындоны трансформатор ссыгъд къуырисӕры райсом. Бӕллӕхы бынатмӕ уайтагъд ӕрбахӕццӕ сты зынфӕдисонты къордтӕ

ЦХИНВАЛ, 30 ноя – Sputnik, Хъуылымбегты Азӕмӕт. Цхинвалы бирӕпрофилон медицинон центры инфекцион рынчындоны трансформаторы ссыгъды аххосаг уыд цыбыр аныдзӕвд, уӕлвӕткон цау ныридӕгӕн аиуварс кодтой, фехъусын кодтой Sputnik Хуссар Ирыстоны УУМ радгӕсон хайады.

"Зынгсирвӕзт ахуыссын кодтой. Йӕ ахоссаг ссис цыбыр аныдзӕвд. Цауы бынаты куыстой зынфӕдисонтӕ ӕмӕ ирвӕзынгӕнджытӕ", - загътой радгӕсон хайады.

Хуссар Ирыстоны столицӕйы бирӕпрофилон медицинон центры инфекцион рынчындоны трансформатор ссыгъд къуырисӕры райсом. Бӕллӕхы бынатмӕ уайтагъд ӕрбахӕццӕ сты зынфӕдисонты къордтӕ.

2
Дойаты Герман рамбылдта ӕвзист майдан Сыбыры федералон зылды чемпионаты

Ирон богал ссис Сыбыры федералон зылды чемпионаты призер

0
(ранӕуӕггонд 14:11 30.11.2020)
Ӕвзист майдан спортсменæн дæтты Уæрæсейы чемпионаты архайыны бар, кӕцы ацӕудзӕн Ростовы иннӕ аз январы

ЦХИНВАЛ, 30 ноя – Sputnik. Грекъаг-римаг стилы богал Цӕгат Ирыстонӕй Дойаты Герман рамбылдта ӕвзист майдан Сыбыры федералон зылды чемпионаты. Уый тыххӕй хъусын кӕны республикӕйы спорты министрады пресс-службӕ.

Дойаты Герман кады пьедесталы дыккаг къӕпхӕнмӕ схызт 60 кг онг уæзы категорийы архайгӕйӕ.

Ацы хатдзӕг спортсменæн дæтты Уæрæсейы чемпионаты архайыны бар, кӕцы ацӕудзӕн Ростовы 2021 азы январы.

Богалы бацæттæ кодта тренер Фæрниаты Сослан.

Амӕй размӕ та фехъусын кодтой, цӕгатирыстойнаг спортсмен Тыбылты Георгий кӕй рамбылдта ӕвзист майдан Уӕрӕсейы фыццагады греко-римаг хъӕбысхӕстӕй 21 азы кары онг фӕсивӕды хсӕн Владимиры.

0