Ӕхсӕнадӕмон Сырх Дзуары комитет

Хуссар Иры къухдариуӕгад ӕмӕ Сырх Дзуар дарддӕр агурдзысты ӕбӕрӕгӕй фесӕфӕг адӕмы

5
(ранӕуӕггонд 17:08 04.05.2020)
Ӕхсӕнадӕмон Сырх Дзуары комитет республикӕйы ӕххуыс кӕны сбӕрӕг кӕнын гоймӕгты хъысмӕт, кӕцытӕ ӕбӕрӕгӕй фесӕфтысты 1990-2008 ӕзты хӕстыты рӕстӕджы

ЦХИНВАЛ, 4 мая – Sputnik, Козаты Диана. Фӕсконфликтон уавӕр ӕрбиноныг кӕныны фӕдыл ӕххӕстбарджын минӕвар Джиоты Мурӕт Сырх Дзуары минӕварады сӕргълӕууӕг Кармен Эчесарретимӕ ӕрдзырдта организацийы архайды фӕдыл карантинон уавӕрты.

Ӕхсӕнадӕмон организацийы сӕргълӕууӕгимӕ фембӕлд ацыд къуырисӕры, фехъусын кодтой ӕххӕстбарджын минӕвары аппараты. Фембӕлды хайад райстой адӕймаджы барты фӕдыл ӕххӕстбарджын Тасойты Инал ӕмӕ ӕххӕстбарджын минӕвары хӕдивӕг Коцты Егор, афтӕ ма Сырх Дзуары комитеты кусджытӕ Тедеты Нана ӕмӕ Тедеты Марина.

"Ӕрдзырдтой Ӕхсӕнадӕмон Сырх Дзуары комитеты гуманитарон архайдыл Хуссар Ирыстоны ныры уавӕрты, сӕйраджыдӕр, Гуырдзыстонмӕ хӕстӕг районты. Сӕйраг хъусдард здӕхт уыд Хуссар Ирыстоны ӕбӕрӕгӕй фесӕфӕг цӕрджыты хъысмӕт сбӕрӕг кӕныны хъуыддагмӕ", - фехъусын кодтой аппараты.

Ӕхсӕнадӕмон Сырх Дзуары комитет республикӕйы ӕххуыс кӕны сбӕрӕг кӕнын гоймӕгты хъысмӕт, кӕцытӕ ӕбӕрӕгӕй фесӕфтысты 1990-2008 ӕзты хӕстыты рӕстӕджы. Нысангонд ӕрцыд, 170 бинонтӕй фылдӕр кӕй ӕнхъӕлмӕ кӕсынц  сӕ хиуӕтты хъысмӕты фӕдыл информацимӕ.

5
Хуссар Иры Къуаисайӕ бӕрзонд хӕххон хъӕумӕ аразынц фӕндаг

Хуссар Иры Къуаисайӕ бӕрзонд хӕххон хъӕумӕ аразынц фӕндаг

0
(ранӕуӕггонд 14:15 28.05.2020)
Къуайса ӕмӕ Ӕхсӕрджыны хъӕу иугӕнӕг фӕндаг цыппар азы дӕргъы цалцӕг не рцыд, уымӕ гӕсгӕ йыл ранӕй-рӕтты ахизӕн нал уыд хӕдтулгӕтыл.

ЦХИНВАЛ, 28 май - Sputnik, Плиты Фатимӕ. Хуссар Ирыстоны цалцӕг кӕнынц бӕрзонд хӕххон хъӕумӕ фӕндаг. Ӕртӕ километры хӕрзарӕзт фӕндаг сбӕтдзӕн горӕт Къуайса ӕмӕ Ӕхсӕрджыны хъӕу, фехъусын кодта Sputnik Дзауы районы администрацийы пресс-секретарь Тедеты Лиана.

"Цалцӕггӕнӕн куыстытӕ уадзы горӕт Къуайсайы ЦКХ. Донцӕуӕнты ӕвӕрд цӕуынц трубӕтӕ, фӕндаджы уӕлцъар ӕмбӕрзынц бынӕттон хуырӕй. Фӕнагарӕзтадон куыстытӕ балхынцъ уыдзысты ӕввахс бонты", - загътой пресс-службӕйы.
В Южной Осетии проводят ремонт дороги к высокогорному селу
Пресс-служба Дзауского района
Хуссар Иры Къуаисайӕ бӕрзонд хӕххон хъӕумӕ аразынц фӕндаг

Къуайса ӕмӕ Ӕхсӕрджыны хъӕу иугӕнӕг фӕндаг цыппар азы дӕргъы цалцӕг не рцыд, уымӕ гӕсгӕ йыл ранӕй-рӕтты ахизӕн нал уыд хӕдтулгӕтыл.

0
Коронавирус

Югосетпотребнадзоры фехъусын кодтой коронавирусы фӕдыл ног бӕрӕггӕнӕнтӕ

7
(ранӕуӕггонд 11:52 28.05.2020)
Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы – иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл

ЦХИНВАЛ, 28 май - Sputnik, Козаты Диана. Хуссар Ирыстоны коронавирусы апарахаты уавӕр у стабилон. Ӕртыццӕджы цы тесттӕ ауагътой, уыдонӕй иу дӕр нӕ равдыста вирусы уӕвынад, загъта Sputnik Югосетпотребнадзоры комитеты сӕрдары хӕдивӕг Гаглойты Анна.

Республикон бирӕпрофилон медицинон центры хоскӕнынад нырма цӕуынц аст адӕймаджы, кӕцытӕн уый размӕ сбӕрӕг кодтой коронавирус.

"COVID-19 диагнозимӕ нӕм ис 8 адӕймаджы. Медицинон хъусдарды бын сты 70 адӕймаджы, уыдонӕй 53 – медицинон организациты", - загъта Гаглойты Анна.

Уый банысан кодта, цы дыууӕ медицинон кусӕджы фӕрынчын сты, уыдонӕн сӕ уавӕр у хуыздӕр ӕмӕ сӕ тагъд рӕстӕджы рафысдзысты рынчындонӕй.

Иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл.

Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы, уӕдӕй фӕстӕмӕ сбӕрӕг кодтой коронавирусӕй 37 рынчыны. Уыцы пациенттӕй иуӕн коронавирусы диагноз не сфидар кодтой.

7