Фабрикӕ БТК-4 бахуыдта хъахъхъӕнӕн костюмтæ Хуссар Иры медиктӕн

Фабрикӕ БТК-4 бахуыдта хъахъхъӕнӕн костюмтæ Хуссар Иры медиктӕн

83
(ранӕуӕггонд 15:09 05.05.2020)
Медикты сӕрмагонд дарӕс хуыд цӕуынц полиэфирон хъуымацӕй, уый фӕрцы сын ис æхсӕн ӕмӕ цалдӕр хатты спайда кӕнæн

ЦХИНВАЛ, 5 май — Sputnik, Плиты Фатимæ. Хуссар Ирыстоны Ӕнӕниздзинад хъахъхъӕнынады министрады заказмӕ гӕсгӕ хуыйӕн фабрикӕ БТК-4 цæттæ кӕны 300 хъахъхъӕнӕн костюмы РБМЦ медиктӕн. Рог сӕудӕджерады амалиуӕгад ныридæгæн фæуд кæны куыст.

Пошив защитной формы на БТК
© Photo : ИА "Рес"
Фабрикӕ БТК-4 бахуыдта хъахъхъӕнӕн костюмтæ Хуссар Иры медиктӕн

Хъахъхъӕнӕн комбинезонтӕ ӕмӕ бахилæтӕ хуыд цӕуынц цалдӕр боны, заказ ӕххӕст кӕнынц уагдоны 50 кусӕджы.

"Заказыл куыст фæуд кæны, 300 хъахъхъӕнӕн комбинезонтӕ æмæ бахилæтæ сцæттæ кæндзысты Хуссар Ирыстоны медиктæн. Ацы къуыри цæттæ заказы иуæгтæ лæвæрд æрцæудзысты  республикон медицинон уагдæттæн", - загътой Sputnik Ӕнӕниздзинад хъахъхъӕнынады министрады пресс-службæйы.

Медикты сӕрмагонд дарӕс хуыд цӕуынц полиэфирон хъуымацӕй, уый фӕрцы сын ис æхсӕн ӕмӕ цалдӕр хатты спайда кӕнæн.

Дунейы коронавирусы апарахаты фæстæ компаниты къорд БТК йæ фабрикæты срæвдз кодта индивидуалон хъахъхъæды æрмæг хуыйыны куыст.

Пошив защитной формы на БТК
© Photo : ИА "Рес"
Фабрикӕ БТК-4 бахуыдта хъахъхъӕнӕн костюмтæ Хуссар Иры медиктӕн

"Мах цæттæ стæм хуымæтæг маскæтæ аразынмæ æмæ сæ фидæны дæр уадздзыстæм. Ныридæгæн уыдон цæуынц сертификаци. Уагдон æрвиты маскæтæ хицæн регионтæм, сæ нымæцы  Минпромторгимæ баныхасы фæлгæтты", - хъусын кæны компаниты къорд БТК-ы сайт компанийы кусæг Сергей Базоевы ныхæстæ.

83
Цхинвалы сӕйраг фонтаны фӕлвӕрдон скуыст

Театралон фӕзуатыл ауагътой Цхинвалы сӕйраг фонтаны фӕлвӕрдон скуыст

0
(ранӕуӕггонд 10:37 22.10.2020)
Фонтан хъуамӕ радтаиккой эксплуатацимӕ Паддзахадон драмон театры бӕстыхаимӕ иумӕ 2018 азы. Уый фӕстӕ объекты баконд цалдӕр хатт аргъӕвтой

ЦХИНВАЛ, 22 окт — Sputnik, Гӕбӕраты Элина. Хуссар Ирыстоны столицӕйы сӕйраг фӕзуатыл ауагътой фӕлвӕрдон скуыст республикӕйы иууыл егъаудӕр фонтанӕн.

Фонтаны арӕзтадӕн ис рагон истори. Фӕстаг хатт фонтан нывӕдысты раттын эксплуатацимӕ ацы аз уалдзӕджы, фӕлӕ уӕд специалисттӕн нӕ бантыст ӕрцӕуын республикӕмӕ карантины тыххӕй.

Ныртӕккӕ куыстытыл архайынц фирмӕ ООО "Про-Микс"-ы специалисттӕ, кӕцытӕ сарӕзтой бирӕ фонтантӕ Цӕгат Кавказы.

"Куыстытӕн фестӕм сӕ 98 проценты. Фонтаны скуыст у зын процесс. Куыстыты кӕронбӕттӕн этап цӕудзӕн дыууӕ къуырийы дӕргъы, мӕйы кӕронмӕ нывӕндӕм ауадзын фонтаны фӕлварӕн скуыст", - фехъусын кодта Sputnik фирмӕйы разамонӕг Евгений Иванидзе.

Уый ма банысан кодта, ныры куыстытӕ баст кӕй сты ифтоггарз компьютеры программӕтимӕ баиу кӕнынимӕ.

Знон изӕры ацыд фонтаны тестон скуыст. Цхинвалы цӕрджыты зӕрдиагӕй кастысты фонтаны рӕсугъддзинӕдтӕм.

"Нӕ мӕ уырны, кӕй банхъӕлмӕ кастыстӕм фонтаны скуыстмӕ. Бирӕ проблемӕтӕ уыд, фӕлӕ ныр фӕзуат сфӕлындзӕн фонтанӕй", - радзырдта Sputnik столицӕйы цӕрӕг Александр.

Фонтан хъуамӕ радтаиккой эксплуатацимӕ Паддзахадон драмон театры бӕстыхаимӕ иумӕ 2018 азы. Уый фӕстӕ объекты баконд цалдӕр хатт аргъӕвтой.

Тестирование фонтана в Цхинвале
© Sputnik / Элина Габараева
Тестирование фонтана в Цхинвале
0
Уӕрӕсейы ӕфсӕддон-быдырон госпиталь коронавирусӕй рынчынтӕн

Хуссар Ир ракуырдта Уӕрӕсейӕ ӕфсӕддон-быдырон госпиталь коронавирусӕй рынчынтӕн

4
(ранӕуӕггонд 10:00 22.10.2020)
Республикӕйы къухдариуӕгад ракуырдта Уӕрӕсейы хъахъхъӕнынадон уагдонӕй сӕвӕрын Хуссар Иры территорийыл госпиталь 150 бынат ӕмӕ профилон специалисттимӕ

ЦХИНВАЛ, 22 окт - Sputnik. Президент Бибылты Анатолийы уынаффӕйӕ Хуссар Ирыстоны Хъахъхъӕнынады министрад арвыста фыстӕг Уӕрӕсейы Хъахъхъӕнынады министрадмӕ, цӕмӕй республикӕйы сӕвӕрой ӕфсӕддон-быдырон госпиталь коронавирусӕй рынчынтӕн, хъусын кӕны паддзахады сӕргълӕууӕджы пресс-секретарь Гасситы Дина.

"Уӕрӕсейы хъахъхъӕнынады министр Сергей Шойгуйы номыл фыстӕджы Хуссар Ирыстоны хъахъхъӕнынады министр Гассеты Ибрагим банысан кодта, республикӕйы кӕй фылдӕр кӕны коронавирусӕй рынчынты нымӕц ӕмӕ ракуырдта, цӕмӕй ӕввахс рӕстӕджы республикӕйы территорийыл сӕвӕрой госпиталь 150 бынатимӕ, афтӕ ма профилон специалисттӕ ӕмӕ ӕмбӕлон медицинон ифтонггарзимӕ", - банысан кодта Гасситы Дина.

Афтӕ ма Хъахъхъӕнынады министрад ракуырдта радиацион, химикон ӕмӕ биологон хъахъхъӕнынады ӕфсӕдтӕй биолаборатори коронавирусы фӕдыл тесттӕ уадзынӕн, ӕфсӕддон дӕлхайӕдты ӕмӕ социалон объектты дезинфекци ауадзынӕн.

Хуссар Ирыстоны майы райдайӕнӕй сбӕрӕг кодтой коронавирусӕй 305 рынчыны, уыдонӕй 215 адӕймагыл низ бахӕцыд Уӕрӕсеимӕ арӕны баконды фӕстӕ. Дыууы рынчыны амардысты.

Республикӕйы сӕхгӕдтой карантиныл скъолатӕ, ХИПУ ӕмӕ цалдӕр сабидоны, ӕдасдзинады мадзӕлттӕ райстой бюджетон организациты, кӕцыты ис коронавирусӕй рынчынтӕ.

4