Россотрудничествойы акци Георгиаг Лентӕ

Цхинвалы сывӕллӕттӕ байуӕрстой сӕдӕгай Георгиаг лентӕтӕ

12
(ранӕуӕггонд 15:38 05.05.2020)
Традицион акци ацы аз афтӕ уӕрӕх нӕ ауагътой ивгъуыд азтӕм абаргӕйӕ коронавирусы пандемийы фӕдыл арӕнӕвӕрдты тыххӕй

ЦХИНВАЛ, 5 мая - Sputnik, Козаты Диана. Хуссар Ирыстоны столицӕйы Стыр уӕлахизы бӕрӕгбоны хӕдразмӕ байуӕрстой сдӕгай Георгиаг лентӕтӕ.

Традицион акци сорганизаци кодтой уӕрӕсейаг ӕмбӕстӕгты Координацион совет ӕмӕ ӕхсӕнад "Россы".

Акци ацыд столицӕйы централон алвӕндӕгтӕй иуыл. Организацийы активисттӕ лӕвар кодтой зӕрдылдарӕн лентӕтӕ цӕрджытӕн, байуӕрстой сӕ дуканиты ӕмӕ ма иу ӕрурӕдтой рацӕугӕ хӕдтулгӕтӕ дӕр.

"Ацы акцийӕн ис ахсджиаг бынат рӕзгӕ фӕлтӕры патриотикон хъомылады. Мах ӕй уадзӕм ӕрвылаз, фӕлӕ ацы аз, коронавирусы уавӕр хынцгӕйӕ, акци афтӕ уӕрӕх нӕ ауагътам", - загъта Координацион советы разамонӕг Наталья Жуйкова.

Цӕрджытӕ сӕхӕдӕг дӕр куырдтой фылдӕр лентӕтӕ, шофыртӕ та сӕ уайтагъд коддтой сӕ хӕдтулгӕтыл.

  • Россотрудничествойы акци Георгиаг Лентӕ
    Россотрудничествойы акци "Георгиаг Лентӕ"
    © Sputnik / Natalia Airiyan
  • Россотрудничествойы акци Георгиаг Лентӕ
    Россотрудничествойы акци "Георгиаг Лентӕ"
    © Sputnik / Natalia Airiyan
  • Россотрудничествойы акци Георгиаг Лентӕ
    Россотрудничествойы акци "Георгиаг Лентӕ"
    © Sputnik / Natalia Airiyan
1 / 3
© Sputnik / Natalia Airiyan
Россотрудничествойы акци "Георгиаг Лентӕ"

Хуссар Ирыстоны столицӕйы ацы аз аргъӕвтой Уӕлахизы парад коронавирусы апарахаты тасы тыххӕй. Президент Бибылты Анатолий фехъусын кодта, парад Цхинвалы кӕй ацӕудзӕн Мӕскуыйы парадимӕ иу бон.

12
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

9
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

9
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

12
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

12