Геноциды музей Цхинвалы

Хуссар Иры скъоладзауты хсæн расидтысты конкурс геноциды 100 азы темæйыл 

66
(ранӕуӕггонд 15:30 05.05.2020)
Сочинениты конкурсы æртæ уæлахиздзауы нæмттæ фæбæрæг уыдзысты 16 июны, сæ хорзæх кæныны цытджын церемони цæудзæн президенты хайадистæй

ЦХИНВАЛ, 6 май — Sputnik, Плиты Фатимæ. Хуссар Ирыстоны расидтысты конкурс хуыздæр сочинени ныффыссыны фæдыл ахæм темæйыл: "Геноцид осетинского народа в 1920 году... Что я о нем знаю?". Мадзал аразы президенты æххæстбарджын сывæллæтты барты фæдыл Козаты Гульнара Мысæн азы фæлгæтты.

"Конкурсы сæ бон у хайад райсын 14–17 азы кары фæсивæдæн. Ист цæуынц сочиненитæ, кæцытæ сты нывонд ирон адæмы фыццаг геноциды трагикон цаутæн. Скъоладзаутæ сæ куыстыты гæнæн ис æмæ æнцой кæной хистæрты мысинæгтыл. Сочиненитæ гæнæн ис ныффыссын эссе, очерк, радзырд æмæ æмдзæвгæйы хуызы", - загъта Sputnik Козаты Гульнара.

Конкурсы уагæвæрдмæ гæсгæ, æрмæг хъæуы æрвитын электронон хуызы, æдæппæт фондз сыфы бæрц. Куыстытæ ист цæудзысты 5 июньмæ. Ӕртæ уæлахиздзауы нæмттæ фæбæрæг уыдзысты 16 июны, хуыздæр куыстытæ равзардзæн жюри историктæ æмæ 100 аз размæ цауты специалистты скондæй. Хорзæх кæныны цытджын церемони цæудзæн президенты хайадистæй.

66
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

8
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

8
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

11
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

11