Концерт ХИПУ

Уӕлахизы бон Цхинвалы ацӕудзӕн онлайн-концерт

78
(ранӕуӕггонд 10:39 06.05.2020)
Бӕрӕгбонмӕ сфӕлдыстадон нывӕзт цӕттӕ кӕны ХИПУ, уый трансляци цӕудзӕн университеты актон залы сценӕйӕ

ЦХИНВАЛ, 6 май — Sputnik, Плиты Фатимæ. Хуссар Ирыстоны Паддзахадон университет Стыр Уӕлахизы бон ратдзӕн онлайн-концерт сфӕлдыстадон студентты тыхтӕй. Концерт трансляци цӕудзӕн ХИПУ-йы официалон сайтыл ӕмӕ йӕ фӕрстыл социалон хызӕгтӕ Facebook ӕмӕ Instagram-ы, хъусын кӕны ахуырадон уагдоны сайт.

Концерт райдайдзӕн 9 майы 11 сахатыл.

"Студенттӕ сӕххӕст кӕндзысты хӕстон зарджытӕ. Мадзал ахӕсдзӕн иу сахат ӕмӕ ӕрдӕг, комкоммӕ трансляцийӕ дарддӕр ма ӕвдыст ӕрцӕудзӕн фӕлхатт дӕр. Мӕхӕдӕг сӕххӕст кӕндзӕн хӕстон зарӕг "Возвращайся домой", - загъта концерты архайӕг, студенткӕ Джиоты Люба.

Хуссар Ирыстоны, куыд ӕппӕт Уӕрӕсейы дӕр, афтӕ Стыр Фыдыбӕстон хӕсты Уӕлахизы 75 азы бон уӕрӕхӕй банысан кӕныны фадӕттӕ сты къуындӕг коронавирусы апарахат ма рауадзыны фӕдыл тобӕты аххосӕй. Бирӕ мадзӕлттӕ кӕнынц онлайн форматмӕ.

78
Хуссар Ир карантины

"Зынаргъ коронавирус": цас лӕууы Хуссар Ирӕн COVID-19-имӕ тох

5
(ранӕуӕггонд 15:26 27.05.2020)
Фӕрӕзтӕ, сӕйраджыдӕр, хицӕн кӕнынц паддзахады сӕргълӕууӕг ӕмӕ хицауады фӕстауӕрцон фондтӕй

ЦХИНВАЛ, 27 мая – Sputnik, Козаты Диана. Коронавирусон инфекцийы апарахат ма ‘руадзынӕн ӕмӕ COVID-19-ӕй рынчынты хоскӕнынадӕн Хуссар Ирыстон ныридӕгӕн рахицӕн кодта 11 милуан сомы. Президенты администрацийы бӕрӕггӕнӕнтӕм гӕсгӕ, фӕрӕзты фылдӕр хай рахицӕн кодтой президент ӕмӕ хицауады фӕстауӕрцон фондтӕй.

Цӕвиттонӕн, уазӕгдон "Алан" сцалцӕг кӕныныл бахардз кодтой 243 мин сомы. Дзауы районы рынчындон бацӕттӕ кӕнынӕн президенты фондӕй рахицӕн кодтой 142 мин сомы.

Югосетпотребнадзор райста иу милуан соммӕ ӕввахс сӕрмагонд хъахъхъӕнынады фӕрӕзтӕ, ифтонггарз ӕмӕ вирусологион лабораторийӕн ӕрмӕджытӕ балхӕнынӕн.

Республикӕйы ӕмбӕстӕгтӕн гуманитарон ӕххуыс ласыны хӕрдзтӕн пандемийы рӕстӕджы рахицӕн кодтой 263 мин сомы.

Ацы фӕрӕзтӕ – иу милуан ӕмӕ 600 мин сомы – рахицӕн кодтой президенты фӕстауӕрцон фондӕй.

Хицауадон фондӕй ӕхцатӕ рахицӕн кодтой Ӕнӕниздзинад хъахъӕнынады министрад, Дзауы район ӕмӕ Хъахъхъӕнынады министрадӕн.

Ӕнӕниздзинад хъахъхъӕнынад ӕмӕ социалон райрӕзты министрад райстой 6,5 милуан сомы хостӕ ӕмӕ медицинон ӕрмӕджытӕ балхӕнынӕн.

Дзауы районы администрацийӕн рахицӕн кодтой сӕдӕ мин сомӕй фылдӕр районон рынчындонӕн ифтонггарз балхӕнынӕн, афтӕ ма медицинон уагдоны рудзгуытыл хызӕгтӕ сӕвӕрынӕн.

Иу милуан сомы бахардз кодтой УФ ӕфсӕддон ахуырадон уагдӕтты курсантты ӕрласыныл, кӕцытӕ цыдысты сӕ фыдыбӕстӕмӕ Уӕрӕсейы ахуыр ӕмгъуыдӕй раздӕр кӕй фӕцис, уый тыххӕй.

Афтӕ ма ӕрдӕг милуан сомӕй фылдӕр бахардз кодта МХМ сӕрмагонд хъахъхъӕнынады ӕмӕ дезинфекцион фӕрӕзтӕ балхӕнынӕн.

Уымӕй дарддӕр, стыр суммӕ хардз кӕнынц карантиныл уӕвӕг адӕмы хӕлцадыл. Пациентты хиуӕтты нал уадзынц хӕссын медицинон уагдӕттӕм хӕлцадон продукттӕ.

Инфекциимӕ тох нырма нӕ фӕцис. Республикӕйы медицинон уагдӕтты хоскӕнынад нырма цӕуынц аст адӕймаджы коронавирусы диагнозимӕ. Афтӕ ма республикӕмӕ ӕрцӕудзысты МХМ курсанттӕ ӕмӕ республикӕйы ӕмбӕстӕгтӕ ФХМ хаххыл.

5
Хъахъхъӕнынады министрад

Хуссар Иры райдыдтой исын документтӕ УФ ӕфсӕддон ахуыргӕнӕндӕттӕм бацӕуыны фӕдыл

4
(ранӕуӕггонд 14:24 27.05.2020)
Ӕнӕмӕнгхъӕуӕг документтӕ исдзысты Хуссар Ирыстоны Ӕфсӕддон комиссариаты 4 июны онг

ЦХИНВАЛ, 27 май — Sputnik. Хуссар Ирыстоны Хъахъхъӕнынады министрад ӕртыццӕгӕй фӕстӕмӕ райдыдта исын хуссарирыстойнаг абитуриентты документтӕ, кӕцыты фӕнды бацӕуын Уӕрӕсейы Хъахъхъӕнынады министрады ӕфсӕддон ахуырадон уагдӕттӕм, хъусын кӕны уагдоны пресс-службӕ.

Документтӕ исдзысты 4 июны онг.

"Хуссар Ирыстоны Хъахъхъӕнынады министрады 27 майӕ фӕстӕмӕ райдыдтой исын куырдиӕттӕ, цӕмӕй хуссарирыстойнаг абитуриенттӕ бацӕуой Уӕрӕсейы Федерацийы Хъахъхъӕнынады министрады ӕфсӕддон ахуырадон уагдӕттӕм", - дзырдӕуы хъусинаджы.

Пресс-службӕйы бафтыдтой, абитуриенттӕн сӕ бон кӕй у райсын ӕнӕмӕнгхъӕуӕг информаци республикӕйы Ӕфсӕддон комиссариаты.

4