Карантин

Хуссар Иры скъолаты карантин адарддӕр кодтой ахуырадон азы фӕудмӕ

25
(ранӕуӕггонд 14:17 08.05.2020)
Хуссар Ирыстоны скъолаты дистанцион ахуыр адарддӕр уыдзӕн 20 майы онг, уый фӕстӕ скъоладзаутӕ ацӕудзысты сӕрдыгон каникулты. Афтӕ ма карантин адарддӕр кодтой республикӕйы сабидӕтты

ЦХИНВАЛ, 8 мая - Sputnik, Гӕбӕраты Элина. Хуссар Ирыстоны скъолаты ахуырадон аз фӕуыдзӕн 20 майы, уыцы рӕстӕгмӕ скъоладзаутӕ дистанцион ахуыр кӕндзысты, фехъусын кодта ахуырады министрады пресс-секретарь Плиты Яна.

Уый банысан кодта, нысӕнттӕ кӕй ӕвӕрдзысты ӕнӕхъӕн ахуырадон азы фӕстиуджытӕм гӕсгӕ.

"Ахуырад ӕмӕ зонады министр Гасситы Натали радзырдта, хицауады уынаффӕмӕ гӕсгӕ, рауагъдонтӕ фӕлварӕнтӕ кӕй нӕ дӕтдзысты – уыдон райсдзысты аттестаттӕ ӕнӕхъӕн азы фӕстиуджыты нысӕнттӕм гӕсгӕ", - банысан кодта Плиты Яна.

Пресс-секретарь бафтыдта, хистӕркъласонты кӕй нӕ ныууадзысты ӕнӕ традицион рауагъдон балӕй, бӕрӕгбонон мадзал сорганизаци кӕндзысты фӕстӕдӕр, республикӕйы коронавирусимӕ уавӕр куы фӕхуыздӕр уа, уӕд.

"Сабидӕттӕ уыдзысты карантиныл, цалынмӕ хицауад арӕнӕвӕрдон мадзӕлттӕ сиса", - бафтыдта уый.

Хуссар Ирыстоны паддзахадон университеты фехъусын кодтой, вирусимӕ уавӕры фӕдыл сесси кӕй ацӕудзӕн хуымӕтӕгдӕр режимы.

"Дипломты хъахъхъӕнынад ӕмӕ паддзахадон фӕлварӕнтӕ ацӕудзысты июлы, кӕд уӕдмӕ республикӕйы сисой арӕнӕвӕрдтӕ", - банысан кодтой ХИПУ пресс-службӕйы.

Хуссар Ирыстоны марты кӕрӕттӕй ис арӕнӕвӕрдтӕ COVID-19-ы апарахат ма ‘руадзыны нысанӕн. Майрӕмбоны хицауады барамындӕй карантинон мадзӕлттӕ адарддӕр кодтой 31 майы онг республикӕйы коронавирусӕй фыццаг фӕрынчынуӕвджыты сбӕрӕг кӕныны тыххӕй. Абоны бон Хуссар Ирыстоны ис коронавирусон инфекцийӕ 15 рынчыны.

25
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

9
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

9
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

12
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

12