Сырх Дзуары мисси Хуссар Иры

Сырх Дзуары мисси Хуссар Иры нысан кӕны йӕ дунейон бӕрӕгбон

49
(ранӕуӕггонд 15:06 08.05.2020)
Комитеты хæстæ республикӕйы дзæвгар сты æмæ сыл кусы æппынæдзух. Сырх Дзуары программæйы фæлгæтты уæззау уавæрты цæрæг æмбæстæгтæ кæддæриддæр æййафынц социалон æххуыс

ЦХИНВАЛ, 8 май – Sputnik, Дриаты Лейла. Сырх Дзуары Дунеон Комитет йæ хæрзиуæгон архайд Хуссар Ирыстоны райдыдта 2008-æм азы ирон-гуырдзиг хӕсты фæстæ куыд горæты, афтæ хъæууон бынæтты дæр æмæ уӕдӕй нырмӕ кæны комплексон æххуыс иууыл æвæрæздæр æмæ тыхстдæр æмбæстæгтæн.

Комитеты хæстæ республикӕйы дзæвгар сты æмæ сыл кусы æппынæдзух. 1989-1992 æмæ 2008-æм хæстон азты рæстæджы чи фесæфт, уыдон хъысмæт рабæрæг кæнын у йæ сæйрагдæр хæс æмæ нысан æмæ йын æнтысгæ дæр дзæвгар æрмæг æртымбыл кæнын бантыст.

Конфликты рæстæджы бирæ бинонты уæнгтæ фæхицæн сты, нал сын вæййы кæрæдзимæ бастдзинад æмæ уыцы хъуыддаг сæндидзын кæныныл дæр кусы Комитет. Алырдæм дæр арæхсы - дохтыры агъоммæ хъæугæ æххуыс бакæнын, æнæнхъæлæджы уавæры домæнтæм гæсгæ архайын æмæ адæммæ фæкæсынмæ.

Æмбæстæгтæй нырма ис, æвæрæз цард чи кæны, стæй бирæсывæллонджын бинонтæ, фæкæсинаг ацæргæ ныййарджытæ æмæ Сырх Дзуары программæйы фæлгæтты уыдон кæддæриддæр æййафынц социалон æххуыс хæлцадон æмæ æнæхæлцадон товартæй. Комитеты кусджытæ дарддæр дæр цæуынц ацæргæ иунæг адæймæгты хæдзæрттæм æмæ се ‘ххуысы хай бакæнынц санитарон æгъдауæй.

Уымæй уæлдай ма Комитет се ‘нцой балæууы, медицинон æххуысмæ сæм чи фæсиды, уыцы æмбæстæгтæн дæр. Иудзырдæй, Сырх Дзуары Дунеон Комитетæн йæ разы бирæ хæстæ ис æмæ сыл кусгæ дæр кæны æвæллайгæйæ.

Дунеон Сырх Дзуар у æхсæнадæмон организаци æмæ иу кæны Сырх Дзуары æхсæнады Лигæйы, сырæзт 1919 азы, йе сконды сты Сырх Дзуар æмæ Сырх Æрдæгмæйы националон æхсæнадтæ. Сырх Дзуары Комитетæн ис хъæздыг истори æмæ у Уæрæсейы рагондæр æхсæнадон организаци. Ацы Комитет уæвынад кæны алы регионы дæр. 1925 азы уымæн йæ ном раивд æрцыд Сырх Дзуар æмæ Сырх Æрдæгмæйы æхсæнады Цæдисæй.

49
Цхинвал

Хуссар Иры цӕрджытӕм ацы къуыри ӕнхъӕлмӕ кӕсынц дӕргъвӕтин улӕфт бонтӕ

2
Республикӕйы цӕрджытӕ улӕфдзысты ӕртӕ боны фӕд-фӕдыл Хуссар Ирыстоны хӕдбардзинад расидыны Акт райсыны боны цытӕн

ЦХИНВАЛ, 28 май — Sputnik. Хуссар Ирыстон ацы къуыри нысан кӕны РХИ хӕдбардзинады Акт райсыны бон, уый фӕдыл республикӕйы цӕрджытӕ улӕфдзысты ӕртӕ боны.

Бӕргбонон датӕ майрӕмбонмӕ кӕй ӕрхаудта, уый фӕдыл кусӕгон цӕрджытӕн дӕргъвӕтин улӕфт бонтӕ уыдзысты 29-31 майы.

Хуссар Ирыстоны хӕдбардзинад расидыны Акт райста республикӕйы Уӕлдӕр совет 1992 азы 29 майы. Президенты барамындмӕ гӕсгӕ, ацы датӕ бахастой Хуссар Ирыстоны бӕрӕгбонтӕ ӕмӕ зӕрдылдарӕн датӕты къӕлиндармӕ.

2
Хуссар Ир карантины

"Зынаргъ коронавирус": цас лӕууы Хуссар Ирӕн COVID-19-имӕ тох

5
(ранӕуӕггонд 15:26 27.05.2020)
Фӕрӕзтӕ, сӕйраджыдӕр, хицӕн кӕнынц паддзахады сӕргълӕууӕг ӕмӕ хицауады фӕстауӕрцон фондтӕй

ЦХИНВАЛ, 27 мая – Sputnik, Козаты Диана. Коронавирусон инфекцийы апарахат ма ‘руадзынӕн ӕмӕ COVID-19-ӕй рынчынты хоскӕнынадӕн Хуссар Ирыстон ныридӕгӕн рахицӕн кодта 11 милуан сомы. Президенты администрацийы бӕрӕггӕнӕнтӕм гӕсгӕ, фӕрӕзты фылдӕр хай рахицӕн кодтой президент ӕмӕ хицауады фӕстауӕрцон фондтӕй.

Цӕвиттонӕн, уазӕгдон "Алан" сцалцӕг кӕныныл бахардз кодтой 243 мин сомы. Дзауы районы рынчындон бацӕттӕ кӕнынӕн президенты фондӕй рахицӕн кодтой 142 мин сомы.

Югосетпотребнадзор райста иу милуан соммӕ ӕввахс сӕрмагонд хъахъхъӕнынады фӕрӕзтӕ, ифтонггарз ӕмӕ вирусологион лабораторийӕн ӕрмӕджытӕ балхӕнынӕн.

Республикӕйы ӕмбӕстӕгтӕн гуманитарон ӕххуыс ласыны хӕрдзтӕн пандемийы рӕстӕджы рахицӕн кодтой 263 мин сомы.

Ацы фӕрӕзтӕ – иу милуан ӕмӕ 600 мин сомы – рахицӕн кодтой президенты фӕстауӕрцон фондӕй.

Хицауадон фондӕй ӕхцатӕ рахицӕн кодтой Ӕнӕниздзинад хъахъӕнынады министрад, Дзауы район ӕмӕ Хъахъхъӕнынады министрадӕн.

Ӕнӕниздзинад хъахъхъӕнынад ӕмӕ социалон райрӕзты министрад райстой 6,5 милуан сомы хостӕ ӕмӕ медицинон ӕрмӕджытӕ балхӕнынӕн.

Дзауы районы администрацийӕн рахицӕн кодтой сӕдӕ мин сомӕй фылдӕр районон рынчындонӕн ифтонггарз балхӕнынӕн, афтӕ ма медицинон уагдоны рудзгуытыл хызӕгтӕ сӕвӕрынӕн.

Иу милуан сомы бахардз кодтой УФ ӕфсӕддон ахуырадон уагдӕтты курсантты ӕрласыныл, кӕцытӕ цыдысты сӕ фыдыбӕстӕмӕ Уӕрӕсейы ахуыр ӕмгъуыдӕй раздӕр кӕй фӕцис, уый тыххӕй.

Афтӕ ма ӕрдӕг милуан сомӕй фылдӕр бахардз кодта МХМ сӕрмагонд хъахъхъӕнынады ӕмӕ дезинфекцион фӕрӕзтӕ балхӕнынӕн.

Уымӕй дарддӕр, стыр суммӕ хардз кӕнынц карантиныл уӕвӕг адӕмы хӕлцадыл. Пациентты хиуӕтты нал уадзынц хӕссын медицинон уагдӕттӕм хӕлцадон продукттӕ.

Инфекциимӕ тох нырма нӕ фӕцис. Республикӕйы медицинон уагдӕтты хоскӕнынад нырма цӕуынц аст адӕймаджы коронавирусы диагнозимӕ. Афтӕ ма республикӕмӕ ӕрцӕудзысты МХМ курсанттӕ ӕмӕ республикӕйы ӕмбӕстӕгтӕ ФХМ хаххыл.

5