Хуссар Иры иу суткӕмӕ не сбӕрӕг кодтой COVID-19-ӕй рынчынты

© geraltКоронавирус
Коронавирус - Sputnik Хуссар Ирыстон
Рафыссын
Хуссар Ирыстоны ивгъуыд къуырийӕ фыццаг хатт нӕ фӕивта коронавирусӕй рынчынты нымӕц. Ныртӕккӕ республикӕйы сбӕрӕг кодтой COVID-19-ӕй 23 фӕрынчынуӕвӕджы

ЦХИНВАЛ, 12 май - Sputnik, Козаты Диана. Ивгъуыд суткӕйы цы тесттӕ ауагътой, уыдонӕй иу дӕр нӕ равдыста коронавирусы уӕвынад, радзырдта Sputnik Югосетпотребнадзоры комитеты сӕрдары хӕдивӕг Гаглойты Анна.

"COVID-19-ӕй ног фӕрынчынуӕвджыты не сбӕрӕг кодтам. Хуссар Ирыстоны 12 маймӕ сбӕрӕг кодтой коронавирусӕй 23 рынчыны. Медицинон хъусдарды бын сты 300 адӕймаджы", - загъта Гаглойты Анна.

Коронавирусӕй фыццаг фӕрынчынуӕвӕджы сбӕрӕг кодтой ивгъуыд къуыри. Уый фӕстӕ рынчынты нымӕц ӕрвылбон фылдӕр кодта.

Карантин - Sputnik Хуссар Ирыстон
Хуссар Иры скъолаты карантин адарддӕр кодтой ахуырадон азы фӕудмӕ

Амӕйразмӕ республикӕйы къухдариуӕгад баххуыс кодта уӕрӕсейаг ӕфсӕддон ахуырадон уагдӕтты курсанттӕн ӕрыздӕхын сӕ фыдыбӕстӕмӕ. Фӕрынчынуӕвджыты фылдӕр хай сты уыцы курсанттӕ.

Хуссар Ирыстон 6 майы онг ӕнтыстджынӕй тох кодта республикӕмӕ коронавирусон инфекцийы ӕрбахызтимӕ. Марты кӕрӕттӕй ӕхгӕд сты ахуырадон уагдӕттӕ, тобӕ сӕвӕрдтой адӕмы массон ӕмбырдтыл ӕмӕ автотранспорты змӕлдыл.

Уӕрӕсеимӕ арӕны уылты хизыныл тобӕ сӕвӕрдтой 5 апрелы ӕмӕ адарддӕр уыдзӕн 31 майы онг, кӕронмӕ ӕхгӕд у республикӕйы арӕн Гуырдзыстонимӕ.

Ног хабӕртты лентӕ
0