Хуссар Иры фӕсивӕд уарынц хӕлцады тыхтонтӕ тыхст бинонтыл

Хуссар Иры фӕсивӕд уарынц хӕлцады тыхтонтӕ тыхст бинонтыл

174
(ранӕуӕггонд 12:42 12.05.2020)
Ӕхсай бинонтӕ столицӕ ӕмӕ районты райстой се 'ххуысы тыхтонтӕ, ноджы ма уый бӕрц та райсдзысты фӕстӕдӕр

ЦХИНВАЛ, 12 май — Sputnik, Плиты Фатимӕ. Хуссар Ирыстоны фӕсивӕдон ӕхсӕнадон организаци "Ныхас"  хӕрзаудӕн акцийы фӕлгӕтты уары хӕлцалон продуктты тыхтонтӕ ӕххуысхъуаг, бирӕсывӕллонджын бинонтӕ, иунӕг пенсионертӕ ӕмӕ сахъат адӕмыл, фехъусын кодтой Sputnik организацийы минӕвӕрттӕ.

Активисты МО Ныхас продолжают благотворительную акцию Поделись своей добротой
Хуссар Иры фӕсивӕд уарынц хӕлцады тыхтонтӕ тыхст бинонтыл

Хӕрзаудӕн акци арӕзт цӕуы тӕссаг вирусы апарахаты фӕдыл сӕвзӕргӕ уавӕры тыхст адӕммӕ фӕкӕсыны охыл. 

"Ӕхсӕнадон организацийы хъусдарды бын бахаудтой тыхст бинонтӕ столицӕйы ӕмӕ районты. Ныридӕгӕн 60 бинонтӕ райстой сӕ тыхтонтӕ, ноджы ма уый бӕрц ӕрцӕудзӕн уӕрст", - загътой активисттӕ.

Тыхтонты ис фыццаг ӕнӕмӕнгхъӕугӕ хӕлцадон продукттӕ. Ӕххуысхъуаг адӕмы номхыгъдтӕ цӕттӕ кӕнынц организацийы активисттӕ, бадзурынц сӕм адӕм сӕхӕдӕг дӕр.

Активисты МО Ныхас продолжают благотворительную акцию Поделись своей добротой
Хуссар Иры фӕсивӕд уарынц хӕлцады тыхтонтӕ тыхст бинонтыл
Коронавирусы апарахаты тасӕй республикӕйы цы тобӕтӕ бакодтой, уыдон бирӕ бинонты бюджет ноджы фӕкъаддӕр кодтой, стӕй ма кӕцыдӕр продукттӕн фӕфылдӕр сты сӕ ӕргътӕ дӕр, уымӕ гӕсгӕ бирӕтӕ нал ӕххӕссынц сӕ хӕрдзтыл.

174
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

9
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

9
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

12
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

12