Цхинвал ӕмӕ Мӕскуы бафыстой бадзырд Хуссар Ирӕн финансон ӕххуысы фӕдыл

Цхинвал ӕмӕ Мӕскуы бафыстой бадзырд Хуссар Ирӕн финансон ӕххуысы фӕдыл

8
(ранӕуӕггонд 15:13 12.05.2020)
Хуссар Ирыстонӕн социалон экономикон ӕххуыс бакӕнын фӕдыл Инвестпрограммӕ 2020-2022 ӕзтӕм сфидар кодтой ӕхсӕнхицауадон къамисы рабадтыл 2019 азы апрелы

ЦХИНВАЛ, 12 мая – Sputnik, Козаты Диана. Мӕскуыйы бафыстой бадзырд Хуссар Ирыстонӕн финансон ӕххуыс бакӕныны фӕдыл. Документ хъуамӕ ӕрбиноныг кӕна дыууӕ бӕстӕйы нормативон акттӕ финансон фарстыты Цӕгат Кавказы хъуыддӕгты фӕдыл министрады функцитӕ УФ экономикӕйы министрадӕн раттыны фӕстӕ.

Мӕскуыйы Хуссар Ирыстоны финансты министрад ӕмӕ УФ экономикон райрӕзты министрад бафыстой бадзырд Хуссар Ирыстонӕн финансон ӕххуыс бакӕныны фӕдыл. Документы бын сӕ къухфысттӕ ӕрӕвӕрдтой хуссарирыстойнаг минӕвар Гасситы Знауыр ӕмӕ УФ экономикон райрӕзты министры фыццаг хӕдивӕг Михаил Бабич, хъусын кӕны Хуссар Ирыстоны минӕварады пресс-службӕ Мӕскуыйы.

"Уый у техникон документ. Уӕрӕсейы кӕй сликвидаци кодтой Цӕгат Кавказы хъуыддӕгты фӕдыл министрад ӕмӕ йын йӕ функцитӕ кӕй радтой экономикӕйы министрадӕн, уый фӕдыл хъуыдис бафыссын ног бадзырд", - банысан кодта Sputnik Хуссар Ирыстоны финансты министры фыццаг хӕдивӕг Тыбылты Марина.

Документтӕм гӕсгӕ, Уӕрӕсе финансон ӕххуыс кӕндзӕн Хуссар Ирыстонӕн.

Хуссар Ирыстонӕн социалон экономикон ӕххуыс бакӕнын фӕдыл Инвестпрограммӕ 2020-2022 ӕзтӕм сфидар кодтой ӕхсӕнхицауадон къамисы рабадтыл 2019 азы апрелы.

Ӕртӕазон программӕйы, кӕцыйы бюджет у 4,5 миллиард сомы, ис 52 мадзалы, кӕцытӕ здӕхт сты социалон объектты дарддӕры арӕзтадмӕ.

8

КТ

Компьютерон томограф Цхинвалы скусдзӕн цыппӕрӕмы

0
(ранӕуӕггонд 11:43 28.05.2020)
Компьютерон томографы куысты згъуыдтытӕ фӕзынд январы. Ӕхсӕнад, рынчындоны ифтонгад кӕй нӕ кусы ӕмбӕлон уагыл, уый тыххӕй базыдта коронавирусы апарахаты фӕстӕ. Ацы низы диагностикӕйӕн ӕнӕмӕнг хъӕуы КТ

ЦХИНВАЛ, 28 май - Sputnik, Козаты Диана. Хуссар Ирыстоны Республикон бирӕпрофилон медицинон центры компьютерон томограф сараздзысты цыппӕрӕмы, загъта хицауады рабадты Ӕнӕниздзинад хъахъхъӕнынады министр Тотчиты Георгий.

Компьютерон томографы куысты згъуыдтытӕ фӕзынд январы. Ӕхсӕнад, рынчындоны ифтонгад кӕй нӕ кусы ӕмбӕлон уагыл, уый тыххӕй базыдта коронавирусы апарахаты фӕстӕ. Ацы низы диагностикӕйӕн ӕнӕмӕнг хъӕуы КТ. 

"Аппараты цалцӕджы куыстытӕ балхынцъ уыдзысты абон. Уый фӕстӕ кусдзысты гемодиализы аппаратыл", - загъта министр.

Хуссар Ирыстоны РБМЦ дохтыр, анестезиолог - реаниматолог Плиты Александр радзырдта Sputnik, ӕртыццӕджы республикӕмӕ кӕй ӕрцыдысты ӕртӕ специалисты ӕхсӕнадӕмон фирмӕйӕ, кӕцытӕ кусынц бӕрзондтехнологион ифтонгадимӕ. Уыдон рахастой, КТ-йӕн цы хъуаг кодта, уыцы деталь.

"Донецкаг фирмӕйы минӕвӕрттӕ, кӕцытӕ сӕхимӕ ӕмӕ ӕппӕт Уӕрӕсейы сӕ хъус дарынц 150 КТ-йы аппаратмӕ, рацыдысты Цхинвалмӕ знон. Уыдон рахастой, цы деталь нӕ фаг кодта КТ-йӕн, уый. Мӕ хъуыдымӕ гӕсгӕ йӕ абон сцалцӕг кӕндзысты", - загъта Плиты Александр.

0
Уӕлахизы бон

Бибылты Анатолий фехъусын кодта, кӕд рацӕудзӕн Хуссар Иры Ӕнӕмӕлгӕ полк

6
(ранӕуӕггонд 11:46 28.05.2020)
Амӕйразмӕ паддзахады сӕргълӕууӕг фехъусын кодта, Цхинвалы Уӕлахизы парад кӕй ацӕудзӕн уӕрӕсейаг столицӕйы парадимӕ иу бон – 24 июны

ЦХИНВАЛ, 28 май - Sputnik, Козаты Диана. Хуссар Ирыстоны президент Бибылты Анатолий фехъусын кодта, акци "Ӕнӕмӕлгӕ полк" республикӕйы кӕй ацӕудзӕн 26 июны.

Паддзахады сӕргълӕууӕг бахӕс кодта хъахъхъӕнынад ӕмӕ культурӕйы министртӕн бакусын организацион фарстытыл.

"Нӕ фыдтӕ ӕмӕ фыды фыдтӕ сӕхи иттӕг хорз равдыстой, ӕмӕ махӕн бар нӕй, цӕмӕй ма банысан кӕнӕм ацы бӕрӕгбон. Мах хъуамӕ бузныг зӕгъӕм, ацы бӕрӕгбон нын чи ӕрхаста, уыдонӕн", - загъта президент.

Амӕйразмӕ фехъусын кодтой Уӕлахизы парад ауадзыны датӕ дӕр, кӕцы аргъӕвтой коронавирусы пандемийы тыххӕй. Цхинвалы Уӕлахизы парад ацӕудзӕн Мӕскуыйы Сырх Фӕзуатыл парадимӕ иу бон – 24 июны.

6