Хӕлцадон продукттӕ

Хуссар Иры хъахъхъӕнджытӕ райсдзысты гуманитарон ӕххуыс

10
(ранӕуӕггонд 10:53 13.05.2020)
Хӕстон архӕйдтыты ветерантӕн гуманитарон ӕххуыс раттыны скъуыддзаг баст у дунейы коронавирусы апарахатимӕ

ЦХИНВАЛ, 13 май — Sputnik, Гӕбӕраты Элина. Хуссар Ирыстоны ӕнӕниздзинад хъахъхъӕнынад ӕмӕ социалон райрӕзты министрад президент Бибылты Анатолийы барамындмӕ гӕсгӕ бакодта гуманитарон ӕххуыс республикӕйы фӕцӕвуӕвджытӕн ӕххуысы фондӕн. Фонды сӕрдар Плиты Мӕдинӕ куыд радзырдта Sputnik, афтӕмӕй хӕлцадон продуктты хуызы ӕххуыс райсдзысты республикӕйы хӕстон архӕйдтыты 207 хайадисӕджы.

"Продукттӕ уарын райдыдтам дыццӕджы. Фыццаг рады хӕлцад бахӕссӕм ампутацитимӕ инвалидтӕн хӕдзӕрттӕм. Иннӕтӕ сӕхӕдӕг хӕссынц сӕ тыхтонтӕ фондӕй", - радзырдта Плиты Мӕдинӕ.

Уый загъта бузныг республикӕйы къухдариуӕгадӕн, сӕйраджыдӕр президентӕн, фондмӕ ӕппынӕдзух хъусдарды тыххӕй.

Глава Фонда поддержки раненных Мадина Плиева
Фонд поддержки раненных РЮО
Фонды сӕрдар Плиты Мӕдинӕ

"Продукттӕ самал кӕныны ма нын баххуыс кодтой ӕнӕниздзинад хъахъхъӕнынады министры хӕдивӕг Сиукъаты Наира ӕмӕ президенты уынаффӕгӕнӕг Джуссойты Алан. Ахӕм ӕххуыс уыд тынг ӕнӕмӕнгхъӕуӕг ацы ӕвзӕр дуджы, пандемийы уавӕрты", - бафтыдта фонды хистӕр.

1989-2008 ӕзты дӕргъы Хуссар Иры территорийыл хӕстон архайдтыты фӕстиуӕгӕн фӕцӕфуӕвджыты ӕмӕ инвалидты фонд кусы 2005 азӕй фӕстӕмӕ. Уӕд фонд уыд комитет "Мысӕн"-ы сконды. 2008 азы августы хӕсты фӕстӕ инвалидты нымӕц фӕфылдӕр, ӕмӕ уый фӕдыл сарӕзтой сӕхи организаци 2009 азы. Абоны бон йе сконды сты 207 адӕймаджы, кӕцытӕ фӕсахъат сты хӕстон архӕйдтыты фӕстиуӕгӕн.

 

10
Парламенты сесси

Хуссар Иры парламент фæнд кæны ауадзын сесси майрæмбоны

2
(ранӕуӕггонд 15:04 03.08.2021)
Уымæй размæ закондæттæг органы рабадт фæкъуыхцы ис кворумы æнæуæвынады аххосæй. Депутатты хсæн æнæразыдзинад сæвзæрд Центрæвзарæнкомы уæнгты снысан кæныны процедурæйы фæдыл

ЦХИНВАЛ, 3 авг – Sputnik, Козаты Диана. Хуссар Ирыстоны парламент снысан кодта радон рабадты датæ, уый фæнд кæнынц ауадзын майрæбоны, 6 августы, фехъусын кодта спикер Тадтаты Алан ПТРК "Ир" –ы эфиры.

Парламенты рабат, кæцыйы рæстæджы хъуамæ æркастаиккой президенты æнхъарæнмæ ЦӔК сæрдары бынатмæ æмæ фидар æрцыдаид йе ʻсконд, нæ ацыд.

"Мах хъуамæ æркæсæм медикты фиддонты фарстмæ, бахæссæм ивындзинæдтæ бюджетмæ, кæцытæ хауынц электрохаххы фæстауæрцон линийы арæзтадмæ. Боны фæткыл ма ис централон æвзарæн къамисы сконд сфидар кæныны фарст, архайгæйы æмгъуыд фæуд кæны 16 августы", - загъта Тадтаты Алан.

Уый ныфс бавæрдта, алцыдæр кæй уыдзæн "законы фæлгæтты".

"Алкæцы депутатæн дæр бар ис схъæлæс кæнын иу кæнæ иннæ кандидаты тыххæй, ахæм хаххыл цæудзæн хъæлæсæппæрст", - бафтыдта уый.

2
Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

6
(ранӕуӕггонд 16:56 03.08.2021)
Мугуты хъӕу у иунӕг, кӕцы фӕстаг ӕзты рцыд асфальт, йӕ иу хай сарӕзтой разамынад, аразинаг та баххӕст кӕндзысты Фӕндагарӕзтады комитет

ЦХИНВАЛ, 3 авг - Sputnik, Плиты Фатимӕ. Хуссар Ирыстоны Знауыры районы Мугуты хъӕумӕ фӕндаг президенты хӕслӕвӕрдмӕ гӕсгӕ бамбӕрздзысты асфальтӕй. Фӕндаг бӕтты столицӕ районы ӕртӕ хъӕуимӕ, фехъусын кодта Sputnik фӕндагон арӕзтады комитеты хистӕр Гуыззыдтаты Эдуард.

Фӕндаджы хай, кӕцы цӕуы Мугут ӕмӕ Тулдзыты хъӕуы мидӕг, уый арӕзт ӕрцыд 2018 азы Знауыры районы тыхтӕй. Ныридӕгӕн фӕндагон службӕты хъусдарды бын бахаудзӕн фӕндаджы 1 800 метры, кӕцы сбӕтдзӕн хъӕу Цхинвал-Знауыры трассӕимӕ.

"Фӕндаг кӕронмӕ арӕзт нӕ уыд. Президенты хӕслӕвӕрдмӕ гӕсгӕ аразӕм цы баззад, уый. Нӕ бӕрны ис 1850 метры дӕргъӕн фӕндаг, йӕ 50 процент цӕттӕ у асфальт кӕнынмӕ. Августы фыццаг хай хъуамӕ баххӕст кӕнӕм куыстытӕ",- загъта Гуыззыдтаты Эдуард.

Дыууӕ хъӕуы ис бирӕ цӕрӕгад, фылдӕр бӕрцӕй цӕрынц фӕндаггӕрӕтты. Хъӕуты цӕрджытӕ бирӕ ӕзты хъаст кодтой фӕндаджы рыджы бын кӕй фӕвӕййынц хъарм рӕстӕг, уымӕй. Сӕрдыгонд бон ацы фӕдагыл цӕуынц улӕфынмӕ донбылгӕрӕттӕм горӕты цӕрджытӕ.

"Раздӕр арӕзт ӕрцыд Тулдзыты хъӕуы мидӕг фӕндаг ӕмӕ Мугутӕн та йӕ иу хай. Ӕвзӕр фӕндагӕй дарддӕр мах тыхсӕм фӕндаджы рыгӕй, ам бирӕ хӕдтулгӕтӕ цӕуы Пронейы донбылгӕронмӕ улӕфынмӕ. Аразинаг ма цы баззад, уый куы баххӕст кӕной, уӕд бынтон сӕрибарӕй сулӕфдзыстӕм", - радзырдта хъӕуы цӕрӕг Виталий.

6