Хуссар Иры ӔХМ сӕргълӕууӕг радзырдта COVID-19-ӕй рынчынты уавӕры тыххӕй

© Sputnik / Наталья АйриянТотчиты Георгий
Тотчиты Георгий - Sputnik Хуссар Ирыстон
Рафыссын
Медиктӕ дарддӕр уадзынц тестт адӕмӕн, кӕцытӕ контакт кӕнынц коронавирусон инфекцийӕ рынчынтимӕ. Республикӕйы ӕртыццӕгмӕ сбӕрӕг кодтой COVID-19-ӕй 25 фӕрынчынуӕвӕджы

ЦХИНВАЛ, 13 май - Sputnik, Гӕбӕраты Ян. Хуссар Ирыстоны ӕмбӕстӕгты уавӕр, кӕцытӕн сбӕрӕг кодтой коровирусы уӕвынад, у стабилон, низ сын цӕуы рог формӕйы, загъта Sputnik республикӕйы ӕнӕниздзинад хъахъхъӕнынады министр Тотчиты Георгий.

Коронавирус - Sputnik Хуссар Ирыстон
Хуссар Иры иу суткӕмӕ сбӕрӕг кодтой коронавирусӕй дыууӕ фӕрынчынуӕвӕджы

Абоны бон республикӕйы сбӕрӕг кодтой COVID-19-ӕй 25 фӕрынчынуӕвӕджы. Уыдон иууылдӕр ӕрцыдысты Хуссар Ирыстонмӕ Уӕрӕсеимӕ арӕны сӕхгӕды фӕстӕ ӕмӕ уыдысты карантины.

Министры ныхӕстӕм гӕсгӕ, хоскӕнынады цы адӕм сты, уыдон иууылдӕр райсдзысты ӕнӕмӕнгхъӕуӕг ӕххуыс.

Афтӕ ма Тотчиты Георгий бафтыдта, дарддӕр кӕй уадзынц тестт адӕмӕн, кӕцытӕ контакт кӕнынц коронавирусон инфекцийӕ рынчынтимӕ.

Иумӕйагӕй республикӕйы ауагътой цыппар сӕдӕ тестӕй фылдӕр. Амӕйразмӕ хъусын кодтой, Хуссар Ирыстонмӕ кӕй ӕрцыдысты дыууӕ специалисты Ставрополы емынӕйы ныхмӕ интситутӕй, кӕцытӕ баххуыс кӕндзысты сӕ коллегӕтӕн республикӕйы ауадзын тесттӕ. Медиктӕ семӕ ӕрхастой тест-системӕтӕ 200 басгӕрст ауадзыны фӕдыл. Афтӕ ма республикӕмӕ ӕрласдзысты Ставрополӕй тест-системӕты ноджы иу парти, кӕцы фаг уыдзӕн 800 анализӕн.

Уымӕй дарддӕр Ӕнӕниздзинад хъахъхъӕнынады министрады сӕргълӕууӕг фехъусын кодта, уагдон кӕй балхӕдта сӕрмагонд хъахъхъӕнӕн костюмтӕ медицинон персоналӕн.

"Уыдон ныридӕгӕн хӕссынц инфекцион хайадмӕ ӕмӕ сӕ дӕттынц кусджытӕн, кӕцытӕ кусынц "сырх зонӕйы", реанимацийы хайадмӕ, афтӕ ма тагъд ӕххуысы персоналӕн", - загъта министр.

Хуссар Ирыстон 6 майы онг ӕнтыстджынӕй тох кодта республикӕмӕ коронавирусон инфекцийы ӕрбахызтимӕ. Марты кӕрӕттӕй ӕхгӕд сты ахуырадон уагдӕттӕ, тобӕ сӕвӕрдтой адӕмы массон ӕмбырдтыл ӕмӕ автотранспорты змӕлдыл.

Уӕрӕсеимӕ арӕны уылты хизыныл тобӕ сӕвӕрдтой 5 апрелы ӕмӕ адарддӕр уыдзӕн 31 майы онг, кӕронмӕ ӕхгӕд у республикӕйы арӕн Гуырдзыстонимӕ.

Ног хабӕртты лентӕ
0