Шанхайы ӕмгуыстады организаци

Хуссар Ир райдыдта экстремизмы ныхмӕ Конвенцимӕ ӕрбаиу кӕныны процедурӕтӕ

5
(ранӕуӕггонд 11:56 15.05.2020)
Хуссар Ирыстоны парламент амӕйразмӕ сратификаци кодта закон, цӕмӕй республикӕ ӕрбаиу уа Шанхайы ӕмгуыстады организацийы Конвенцимӕ экстремизмимӕ тох кӕныны фӕдыл

ЦХИНВАЛ, 14 май – Sputnik, Козаты Диана. Хуссар Ирыстон райдыдта мидӕггагон паддзахадон процедурӕтӕ, цӕмӕй республикӕ ӕрбаиу уа Шанхайы ӕмгуыстады организацийы Конвенцимӕ экстремизмимӕ тох кӕныны фӕдыл.

Президент Бибылты Анатолий ӕртыццӕджы бафыста ратификацион грамотӕ, кӕцымӕ гӕсгӕ ауадздзысты мидӕггагон паддзахадон процедурӕтӕ. Документ ныммыхуыр кодтой республикӕйы Фӕсарӕйнаг хъуыддӕгты министрады (ФХМ) сайтыл.

Документы тексты дзырдӕуы, Хуссар Ирыстоны парламент 20 марты законӕй кӕй сратификаци кодта Шанхайы ӕмгуыстады организацийы Конвенци экстремизмимӕ тох кӕныны фӕдыл.

Ратификацион грамотӕйы банысан кодтой, Конвенцийы принциптӕ цӕсгомджынӕй кӕй ӕххӕст кӕндзысты.

Ратификацион грамотӕ Хуссар Ирыстон Шанхайы ӕмгуыстады организацийы Конвенцимӕ ӕрбаиу кӕныны фӕдыл

Шанхайы ӕмгуыстады организацийы Конвенци экстремизмимӕ тох кӕныны фӕдыл бафыстӕуыд 2017 азы 9 июны горӕт Астанайы организацийы паддзахӕдтӕ-уӕнгты сӕргълӕуджыты Советы рабадтыл. Фарон сентябры Уӕрӕсейы ФХМ ӕрсидт алкӕцы бӕстӕмӕ дӕр, цӕмӕй ӕрбаиу уой экстремизмы ныхмӕ тох кӕныны фӕдыл Конвенцимӕ. Уӕрӕсейы ФХМ ног ӕртхъирӕнты фарстыты фӕдыл департаменты директор Владимир Тарабрин фехъусын кодта, УФ дарддӕр кӕй кусдзӕн ӕмгуыстад сфидар кӕныны фӕдыл ацы фадыджы.

5
Хуссар Иры Къуаисайӕ бӕрзонд хӕххон хъӕумӕ аразынц фӕндаг

Хуссар Иры Къуаисайӕ бӕрзонд хӕххон хъӕумӕ аразынц фӕндаг

0
(ранӕуӕггонд 14:15 28.05.2020)
Къуайса ӕмӕ Ӕхсӕрджыны хъӕу иугӕнӕг фӕндаг цыппар азы дӕргъы цалцӕг не рцыд, уымӕ гӕсгӕ йыл ранӕй-рӕтты ахизӕн нал уыд хӕдтулгӕтыл.

ЦХИНВАЛ, 28 май - Sputnik, Плиты Фатимӕ. Хуссар Ирыстоны цалцӕг кӕнынц бӕрзонд хӕххон хъӕумӕ фӕндаг. Ӕртӕ километры хӕрзарӕзт фӕндаг сбӕтдзӕн горӕт Къуайса ӕмӕ Ӕхсӕрджыны хъӕу, фехъусын кодта Sputnik Дзауы районы администрацийы пресс-секретарь Тедеты Лиана.

"Цалцӕггӕнӕн куыстытӕ уадзы горӕт Къуайсайы ЦКХ. Донцӕуӕнты ӕвӕрд цӕуынц трубӕтӕ, фӕндаджы уӕлцъар ӕмбӕрзынц бынӕттон хуырӕй. Фӕнагарӕзтадон куыстытӕ балхынцъ уыдзысты ӕввахс бонты", - загътой пресс-службӕйы.
В Южной Осетии проводят ремонт дороги к высокогорному селу
Пресс-служба Дзауского района
Хуссар Иры Къуаисайӕ бӕрзонд хӕххон хъӕумӕ аразынц фӕндаг

Къуайса ӕмӕ Ӕхсӕрджыны хъӕу иугӕнӕг фӕндаг цыппар азы дӕргъы цалцӕг не рцыд, уымӕ гӕсгӕ йыл ранӕй-рӕтты ахизӕн нал уыд хӕдтулгӕтыл.

0
Коронавирус

Югосетпотребнадзоры фехъусын кодтой коронавирусы фӕдыл ног бӕрӕггӕнӕнтӕ

7
(ранӕуӕггонд 11:52 28.05.2020)
Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы – иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл

ЦХИНВАЛ, 28 май - Sputnik, Козаты Диана. Хуссар Ирыстоны коронавирусы апарахаты уавӕр у стабилон. Ӕртыццӕджы цы тесттӕ ауагътой, уыдонӕй иу дӕр нӕ равдыста вирусы уӕвынад, загъта Sputnik Югосетпотребнадзоры комитеты сӕрдары хӕдивӕг Гаглойты Анна.

Республикон бирӕпрофилон медицинон центры хоскӕнынад нырма цӕуынц аст адӕймаджы, кӕцытӕн уый размӕ сбӕрӕг кодтой коронавирус.

"COVID-19 диагнозимӕ нӕм ис 8 адӕймаджы. Медицинон хъусдарды бын сты 70 адӕймаджы, уыдонӕй 53 – медицинон организациты", - загъта Гаглойты Анна.

Уый банысан кодта, цы дыууӕ медицинон кусӕджы фӕрынчын сты, уыдонӕн сӕ уавӕр у хуыздӕр ӕмӕ сӕ тагъд рӕстӕджы рафысдзысты рынчындонӕй.

Иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл.

Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы, уӕдӕй фӕстӕмӕ сбӕрӕг кодтой коронавирусӕй 37 рынчыны. Уыцы пациенттӕй иуӕн коронавирусы диагноз не сфидар кодтой.

7