Мады бон

Хуссар Иры цæрджытæ сæ зæнæгæн фиддонтæ райсдзысты Уæрæсейы

14
(ранӕуӕггонд 14:53 14.05.2020)
Уæрæсейы паддзахадæй финансон æххуыс аххæсдзæн Хуссар Ирыстоны цæрджытыл, кæцытæн ис  уæрæсейаг æмбæстагад

ЦХИНВАЛ, 14 май – Sputnik, Плиты Фатимæ. Хуссар Ирыстоны цæрджытæй уæрæсейаг æмбæстагад кæмæн ис, уыдонæн сæ бон у 16 азы кары онг сывæллæттæн райсын фиддонтæ. Фæрæзтæ райсыны фæдыл куырдиæттæ бадæттæн ис Паддзахадон лæггæдты сайтыл, науæд та Цæгат Ирыстоны Пенсион фонды  ууылты.

Уæрæсейы коронавирусы апарахаты рæстæджы бакодтой æххуыс дыууæ фадаты. Бинонтæ, цы ран хъомыл кæнынц æртæ азы кары онг сывæллæттæ, райсдзысты апрель, май æмæ июны фæйнæ фондз мин сомы, æртæ азæй 16 азы онг сабиты ныййарджытæ та райсдзысты иухаттон æххуыс 10 мины бæрц.

"Мах кусæм, куырдиæттæ хъæуы бадæттын Паддзахадон лæггæдты порталмæ, ахæм фадæттæй кæмæн нæ бантыса, уыдон та хъæуы бахатын Цæгат Ирыстоны пенсион фондмæ. Куырдиæттæ ис цæудзысты 1 октябрьмæ", - загъта Sputnik Цæгат Ирыстоны Пенсион фонды разамонæджы хæдивæг Федор Великий.

Йæ ныхæстæм гæсгæ, Уæрæсейы æмбæстæгтæн, кæцытæн арæны æхгæды аххосæй сæ бон нæу ныццæуын Уæрæсемæ, сæ бон у фæрæзтæ райсой банчы картæмæ.

"Паддзахадон лæггæдты порталы уылты куырдиæттæ сæ бон у бавдисын Хуссар Иры цæрджытæн, уыдонæн фадат ис фæрæзтæ райсын банчы картæмæ", - бафтыдта уый.

Мæйы райдайæны Уæрæсейы президент Владимир Путин йæ ныстуаны фехъусын кодта ацы ногдзинæдты тыххæй. Хæрзиуæг æххæссы æрмæст Уæрæсейаг æмбæстагад кæмæн ис, уыцы адæмыл.

14
Гуырдзыстонимӕ арӕн

Ӕрмӕстдӕр иуырдӕм: Ленингоры районы цалдӕр цӕрӕгӕн бар радтой ацӕуын Гуырдзыстонмӕ

0
(ранӕуӕггонд 11:17 28.05.2020)
Районы цӕрджытӕ ӕрыздӕхдзысты фӕстӕмӕ республикӕмӕ карантинон арӕнӕвӕрдтӕ куы сисой, уӕд

ЦХИНВАЛ, 28 май - Sputnik, Козаты Диана. Хуссар Ирыстоны хицауад бар радта Ленингоры районы цалдӕр цӕрӕгӕн ацӕуын Гуырдзыстонмӕ. Хицауады сӕрдар Пухаты Эрикы ныхӕстӕм гӕсгӕ, адӕмӕн бар радтой ацӕуын ӕрмӕстдӕр иуырдӕм, фӕстӕмӕ сӕ ӕрбауадздзысты арӕнӕвӕрдтӕ сисыны фӕстӕ.

Гуырдзыстонимӕ арӕн кӕронмӕ сӕхгӕдтой 5 апрелы коронавирусӕй фыццаг фӕрынчынуӕвджытӕ дзы куы фӕзынд, уый фӕстӕ.

"Иу сылгоймаджы фӕнды ацӕуын йе ‘мъкай кӕй амард, уый фӕдыл. Дыккаг цӕрӕджы фӕнды ацӕуын уӕззау низӕн схос кӕныны тыххӕй, ноджы ма иу сылгоймаг ракуырдта бар ахизын арӕны сӕрты йе ‘мкъайы уӕззау уавӕры тыххӕй", - банысан кодта Пухаты Эрик хицауады рабадтыл.

Хицауад бахӕс кодта Паддзахадон ӕдасдзинады комитетӕн сорганизаци кӕнын ацы ӕмбӕстӕгты ацыд Гуырдзыстонмӕ.

Амӕйразмӕ Хуссар Ирыстон бакодта арӕнӕвӕрдтӕ Уӕрӕсеимӕ арӕны уылты хизыныл. Фӕлӕ республикӕйы цӕрджытӕ, кӕцытӕ баззадысты фӕсарӕнты, ӕздӕхынц сӕ фыдыбӕстӕмӕ организацигонд къордтӕй. Се ‘рцыды фӕстӕ уыдоны ӕнӕмӕнг бакӕнынц дыууӕкъуырион карантины.

0
Цхинвал

Хуссар Иры цӕрджытӕм ацы къуыри ӕнхъӕлмӕ кӕсынц дӕргъвӕтин улӕфт бонтӕ

3
Республикӕйы цӕрджытӕ улӕфдзысты ӕртӕ боны фӕд-фӕдыл Хуссар Ирыстоны хӕдбардзинад расидыны Акт райсыны боны цытӕн

ЦХИНВАЛ, 28 май — Sputnik. Хуссар Ирыстон ацы къуыри нысан кӕны РХИ хӕдбардзинады Акт райсыны бон, уый фӕдыл республикӕйы цӕрджытӕ улӕфдзысты ӕртӕ боны.

Бӕргбонон датӕ майрӕмбонмӕ кӕй ӕрхаудта, уый фӕдыл кусӕгон цӕрджытӕн дӕргъвӕтин улӕфт бонтӕ уыдзысты 29-31 майы.

Хуссар Ирыстоны хӕдбардзинад расидыны Акт райста республикӕйы Уӕлдӕр совет 1992 азы 29 майы. Президенты барамындмӕ гӕсгӕ, ацы датӕ бахастой Хуссар Ирыстоны бӕрӕгбонтӕ ӕмӕ зӕрдылдарӕн датӕты къӕлиндармӕ.

3