Гуфта-Къуаиса фӕндаг

Карантинмӕ ӕнӕкӕсгӕйӕ: премьер бахӕс кодта фӕтагъддӕр кӕнын Гуфта-Къуаиса фӕндаджы арӕзтад

11
Пухаты Эрик бахахх кодта Инвестпрограммӕйы ацы азы объектты эксплуатацимӕ раттыны ахсджиагдзинад

ЦХИНВАЛ, 14 май - Sputnik. Хуссар Ирыстоны премьер-министр Пухаты Эрик басгӕрста республикӕйы Дзауы районы Гуфта-Къуаисайы фӕндаджы арӕзтад, хъусын кӕны хицауады пресс-службӕ.

Объектыл ауагътой егъау куыстытӕ фӕндаг ауӕрӕх кӕныны фӕдыл, афтӕ ма сарӕзтой ӕмӕ сцалцӕг кодтой хидтӕ. Афтӕ ма фӕндаджы уӕззау фадыджы сӕвӕрдтой сындзджын хызӕг, цӕмӕй бахъахъхъӕной фӕндаг дуртӕ ӕмӕ зӕйты ӕрцыдӕй.

Хицауады сӕрдар банысан кодта, инфраструктурӕйы ахсджиаг объекты кӕй сӕвӕрдзысты асфальт ӕмӕ йӕ ратдзысты эксплуатацийы азы кӕрӕттӕм.

"Карантинмӕ ӕнӕкӕсгӕйӕ, республикӕйы арӕзтадон куыстытӕ не ‘рурӕдтой. Ӕвзӕр боныгъӕд бирӕ рӕстӕг фадат нӕ дӕтта уадзын зӕххон куыстытӕ ацы фадыджы, уый фӕдыл фӕфӕстиат стӕм графикӕй. Ӕз радтон ӕмбӕлон фӕдзӕхсттӕ, цӕмӕй фӕтагъддӕр кӕной арӕзтадон куыстытӕ ӕмӕ аразджытӕ радтой объект эксплуатацийы нывӕзтгонд ӕмгъуыдмӕ", - загъта Пухаты Эрик.

Афтӕ ма хицауады сӕрдар бахӕс кодта Паддзахадон унитарон куыстуат "Дорэкспострой"-ы генералон директор Мӕхъиты Семенӕн, цӕмӕй ӕрвылбон йӕ цӕст дара фӕндаджы арӕзтадмӕ ӕмӕ хъусын кӕна проблемӕты тыххӕй.

11
Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

2
(ранӕуӕггонд 15:51 19.04.2021)
Республикӕйы рухс ахицӕн къуырисӕры цалдӕр сахаты размӕ. Специалисттӕ банысан кодтой, авари ауиварс кӕныныл куыстытӕ нырма дӕр кӕй цӕуынц

ЦХИНВАЛ, 19 апр - Sputnik, Хъуылымбегты Зӕлинӕ. Хуссар Ирыстоны сӕндидзын кодтой электроифтонгад, фӕлӕ энергетикӕйы куджытӕ нырма дӕр кусынц аварийы аххосӕгтӕ аиуварс кӕныныл.

Хуссар Ирыстоны электроэнерги ахицӕн къуырисӕры ӕмбисбон электрохызӕгтыл аварийы тыххӕй.

"Энергетиктӕ ссардтой аварийы бынат ӕмӕ кусынц проблемӕ аиуварс кӕныныл, ӕввахс рӕстӕджы рухс нырма гӕнӕн ис ахицӕн уа цыбыр ӕмгъуыдмӕ", - радзырдта Sputnik "Энергоресурс"-ы генералон директоры хӕдивӕг Гӕбӕраты Анатолий.

Гендиректоры хӕдивӕджы ныхӕстӕм гӕсгӕ, республикӕйы ӕввахс цалдӕр сахаты гӕнӕн ис хицӕн кӕна рухс цыбыр ӕмгъуыдмӕ.

2
Коронавирус

"Югосетпотребнадзор"-ы радзырдтой коронавирусæй ног рынчынты тыххæй

2
(ранӕуӕггонд 15:53 19.04.2021)
Республикӕйы пандемийы райдианӕй коронавирусон инфекцийæ ӕдӕппӕт фæрынчын сты 3292 адæймаджы, сæнæнизуæвджыты нымæц та у 2931

ЦХИНВАЛ, 19 апр — Sputnik, Хъуылымбегты Зæлинæ. Хуссар Ирыстоны ивгъуыд майрæмбоны рабæрæг кодтой фондз ног фæрынчынуæвæджы коронавирусæй, æрхаста тестыты бæрæггæнæнтæ санитарон уагдоны сӕргълӕууӕг Коцты Марина. Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры иртæстты тыххæй та фехъусын кæндзысты сом райсом.

"Майрæмбоны саразгæ 124 иртæстæй COVID-19 рабӕрӕг кодтой фондз адæймагæн", - загъта сæйраг санитарон дохтыр.

Коцты Марина бафтыдта, медицинон хыгъдӕй кӕй систой фараст адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2 931 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 361 адӕймаджы.

Республикӕйы пандемийы рӕстӕджы ӕдӕппӕт сарӕзтой 21 396 тесты коронавирусон инфекци рабӕрӕг кӕныны фӕдыл, уыдонӕй 3 292 радтой ӕвӕрццаг фӕстиуӕг.

2
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

0
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

0
Темӕтӕ:
Радио иронау