Хуссар Ирмӕ ӕрыздӕхтысты ноджы 14 курсанты: уыдон сты карантины

© Sputnik / Наталья АйриянКурсанттӕ
Курсанттӕ - Sputnik Хуссар Ирыстон
Рафыссын
Амӕйразмӕ президент Бибылты Анатолий бахӕс кодта баххуыс кӕнын уӕрӕсейаг ӕфсӕддон ахуырадон уагдӕтты курсанттӕн ӕрыздӕхын сӕ фыдыбӕстӕмӕ

ЦХИНВАЛ, 15 май — Sputnik, Козаты Диана. Хуссар Ирыстонмӕ ӕрцыд уӕрӕсейаг ӕфсӕддон ахуырадон уагдӕтты курсантты радон къорд, уыдоны иууылдӕр бакодтой дыууӕкъуырион карантины, загъта Югосетпотребнадзоры комитеты сӕрдары хӕдивӕг Гаглойты Анна.

"Республикӕмӕ ӕрыздӕхтысты 14 курсанты. Уыдоны бакодтой карантины уазӕгдон "Алан"-мӕ. Абон сын райдайдзысты аразын анализтӕ", - загъта Гаглойты Анна.

Уагдоны майрӕмбон фехъусын кодтой, республикӕйы ивгъуыд суткӕйы кӕй не сбӕрӕг кодтой коронавирусӕй ног рынчынты. 48 тесты нӕ равдыстой вирусы уӕвынад.

Коронавирус - Sputnik Хуссар Ирыстон
Хуссар Иры не сбӕрӕг кодтой коронавирусӕй ног фӕрынчынуӕвджыты

Амӕйразмӕ хъусын кодтой, уӕрӕсейаг ӕфсӕддон ахуырадон уагдӕтты кӕй ахуыр кӕнынц 270 курсанты Хуссар Ирыстонӕй. Ахуырадон аз УФ Хъахъхъӕнынады министрады ахуыргӕнӕндӕтты фӕцис коронавирусы пандемийы тыххӕй. Хуссар Ирыстоны Хъахъхъӕнынады министрад президенты фӕдзӕхстӕй сорганизаци кодта хуссарирыстойнаг курсантты ӕрыздӕхт сӕ хӕдзӕрттӕм.

Хуссар Ирыстон 6 майы онг ӕнтыстджынӕй тох кодта республикӕмӕ коронавирусон инфекцийы ӕрбахызтимӕ. Марты кӕрӕттӕй ӕхгӕд сты ахуырадон уагдӕттӕ, тобӕ сӕвӕрдтой адӕмы массон ӕмбырдтыл ӕмӕ автотранспорты змӕлдыл.

Уӕрӕсеимӕ арӕны уылты хизыныл тобӕ сӕвӕрдтой 5 апрелы ӕмӕ адарддӕр уыдзӕн 31 майы онг, кӕронмӕ ӕхгӕд у республикӕйы арӕн Гуырдзыстонимӕ.

Ног хабӕртты лентӕ
0