Коронавирус

Хуссар Иры ӔХМ: "сырх зонӕйы" ацыд сабыр ӕхсӕв

13
(ранӕуӕггонд 14:02 15.05.2020)
Ныртӕккӕ "сырх зонӕйы" ис 53 адӕймаджы – 30 рынчыны ӕмӕ медиктӕ, кӕцытӕ сӕм сӕ хъус дарынц

ЦХИНВАЛ, 15 мая — Sputnik, Козаты Диана. Коронавирусӕй рынчынтӕ, кӕцытӕ сты "сырх зонӕйы", сӕхи хатынц хорз, загътой Sputnik Ӕнӕниздзинад хъахъхъӕнынады министрады пресс-службӕйы сӕйраг инфекционист Джиоты Элеонорайыл ӕнцойгӕнгӕйӕ.

Хуссар Ирыстоны ивгъуыд суткӕйы не сбӕрӕг кодтой коронавирусӕй рынчынты. Медиктӕ фидарӕй загътой, рынчынтӕ иууылдӕр кӕй уыдысты карантины.

"30 пациенты уавӕр у стабилон. Уыдонмӕ ис чысыл температурӕ - 37,2 – 37,5 градусы. Ӕххӕст сын кӕнынц ӕнӕмӕнгхъӕуӕг ӕххуыс. Медицинон уагдӕтты нӕй хостӕ ӕмӕ сӕрмагонд хъахъхъӕнынады фӕрӕзты цухдзинад", - баныфсӕвӕрдтой Ӕнӕниздзинад хъахъхъӕнынады министрады пресс-службӕйы.

Уагдоны банысан кодтой, ныртӕккӕ "сырх зонӕйы" кӕй ис 53 адӕймаджы – 30 рынчыны ӕмӕ медиктӕ, кӕцытӕ сӕм сӕ хъус дарынц. Медицинон кусджытӕ уым хъуамӕ арвитой авд боны, уый фӕстӕ уырдӕм бацӕудзӕн дохтырты ӕндӕр сменӕ.

Амӕйразмӕ республикӕмӕ Мӕскуыйӕ ӕрырвыстой гуманитарон ӕххуысы дыууӕ парти, кӕцыты уыдысты хъахъхъӕнӕн фӕрӕзтӕ ӕмӕ рӕуджыты вентиляцийы аппаратты хардзгӕнӕн ӕрмӕджытӕ.

Хуссар Ирыстон 6 майы онг ӕнтыстджынӕй тох кодта республикӕмӕ коронавирусон инфекцийы ӕрбахызтимӕ. Марты кӕрӕттӕй ӕхгӕд сты ахуырадон уагдӕттӕ, тобӕ сӕвӕрдтой адӕмы массон ӕмбырдтыл ӕмӕ автотранспорты змӕлдыл.

Уӕрӕсеимӕ арӕны уылты хизыныл тобӕ сӕвӕрдтой 5 апрелы ӕмӕ адарддӕр уыдзӕн 31 майы онг, кӕронмӕ ӕхгӕд у республикӕйы арӕн Гуырдзыстонимӕ.

13
Хуссар Иры Къуаисайӕ бӕрзонд хӕххон хъӕумӕ аразынц фӕндаг

Хуссар Иры Къуаисайӕ бӕрзонд хӕххон хъӕумӕ аразынц фӕндаг

2
(ранӕуӕггонд 14:15 28.05.2020)
Къуайса ӕмӕ Ӕхсӕрджыны хъӕу иугӕнӕг фӕндаг цыппар азы дӕргъы цалцӕг не рцыд, уымӕ гӕсгӕ йыл ранӕй-рӕтты ахизӕн нал уыд хӕдтулгӕтыл.

ЦХИНВАЛ, 28 май - Sputnik, Плиты Фатимӕ. Хуссар Ирыстоны цалцӕг кӕнынц бӕрзонд хӕххон хъӕумӕ фӕндаг. Ӕртӕ километры хӕрзарӕзт фӕндаг сбӕтдзӕн горӕт Къуайса ӕмӕ Ӕхсӕрджыны хъӕу, фехъусын кодта Sputnik Дзауы районы администрацийы пресс-секретарь Тедеты Лиана.

"Цалцӕггӕнӕн куыстытӕ уадзы горӕт Къуайсайы ЦКХ. Донцӕуӕнты ӕвӕрд цӕуынц трубӕтӕ, фӕндаджы уӕлцъар ӕмбӕрзынц бынӕттон хуырӕй. Фӕнагарӕзтадон куыстытӕ балхынцъ уыдзысты ӕввахс бонты", - загътой пресс-службӕйы.
В Южной Осетии проводят ремонт дороги к высокогорному селу
Пресс-служба Дзауского района
Хуссар Иры Къуаисайӕ бӕрзонд хӕххон хъӕумӕ аразынц фӕндаг

Къуайса ӕмӕ Ӕхсӕрджыны хъӕу иугӕнӕг фӕндаг цыппар азы дӕргъы цалцӕг не рцыд, уымӕ гӕсгӕ йыл ранӕй-рӕтты ахизӕн нал уыд хӕдтулгӕтыл.

2
Коронавирус

Югосетпотребнадзоры фехъусын кодтой коронавирусы фӕдыл ног бӕрӕггӕнӕнтӕ

8
(ранӕуӕггонд 11:52 28.05.2020)
Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы – иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл

ЦХИНВАЛ, 28 май - Sputnik, Козаты Диана. Хуссар Ирыстоны коронавирусы апарахаты уавӕр у стабилон. Ӕртыццӕджы цы тесттӕ ауагътой, уыдонӕй иу дӕр нӕ равдыста вирусы уӕвынад, загъта Sputnik Югосетпотребнадзоры комитеты сӕрдары хӕдивӕг Гаглойты Анна.

Республикон бирӕпрофилон медицинон центры хоскӕнынад нырма цӕуынц аст адӕймаджы, кӕцытӕн уый размӕ сбӕрӕг кодтой коронавирус.

"COVID-19 диагнозимӕ нӕм ис 8 адӕймаджы. Медицинон хъусдарды бын сты 70 адӕймаджы, уыдонӕй 53 – медицинон организациты", - загъта Гаглойты Анна.

Уый банысан кодта, цы дыууӕ медицинон кусӕджы фӕрынчын сты, уыдонӕн сӕ уавӕр у хуыздӕр ӕмӕ сӕ тагъд рӕстӕджы рафысдзысты рынчындонӕй.

Иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл.

Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы, уӕдӕй фӕстӕмӕ сбӕрӕг кодтой коронавирусӕй 37 рынчыны. Уыцы пациенттӕй иуӕн коронавирусы диагноз не сфидар кодтой.

8