Гасситы Натали

Гасситы Натали радзырдта ахуыры азы кӕрон ӕмӕ рауагъдон фӕлварӕнты тыххӕй

139
(ранӕуӕггонд 11:12 18.05.2020)
Хуссар Иры 2020 азы скъолатӕн хӕрзбон зӕгъдзысты 468 ахуырдзауы, сӕ нымӕцы цыппар медалисты, иу та сызгъӕрин майданмӕ претендент

ЦХИНВАЛ, 18 май – Sputnik, Плиты Фатимæ. Хуссар Ирыстоны Ахуырады министрады коллегийы уынаффӕмӕ гӕсгӕ, дунейы ӕмӕ республикӕйы дӕр коронавирусы фӕдыл уавӕр хынцгӕйӕ, скъолаты нӕ уыдзӕн рауагъдон фӕлварӕнтӕ. Дистанцион ахуыр та цӕудзӕн 20 майы онг, фехъусын кодта Sputnik Ахуырады министр Гасситы Натали.

Хуссар Иры ӕппӕт ахуырадон уагдӕтты дӕр уалдзыгон улӕфтыты размӕ бакодтой карантин, фӕстӕдӕр скъолаты фылдӕр бӕрц срӕвдз кодтой дистанцион ахуырад.

"Ахуырады министрады коллеги рахаста уынаффӕ, цӕмӕй дистанцион ахуырад цӕуа 20 майы онг. Уый фӕстӕ мах фӕуд кӕнӕм ахуыры процесс ӕппӕт кълӕсты ахуырдзаутӕн дӕр ӕнӕ хизӕн ӕмӕ рауагъдон фӕлварӕнтӕй", - загъта Гасситы Натали.

Уый ма радзырдта, ахуыры балхынцъы фӕстӕ кӕй бацӕттӕ кӕндзысты аттестаттӕ дӕр.

"20 майы фӕстӕ скъолатӕн лӕвӕрд ӕрцӕудзӕн ӕмгъуыд ӕппӕт документаци бацӕттӕ кӕнынӕн, уый фӕстӕ  ратдзыстӕм аттестаттӕ. Ацы аз скъолайӕн хӕрзбон зӕгъдзысты 468 рауагъдоны, сӕ нымӕцы цыппар медалисты, сӕ иу у сызгъӕрин майданмӕ претендент", - бафтыдта министр.

139
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

8
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

8
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

11
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

11