Рауагъдон бал Цхинвалы

Пандемийы фыдӕнӕн: Цхинвалы ауадздзысты рауагъдон бал

183
(ранӕуӕггонд 10:56 19.05.2020)
Хуссар Иры ахуыры аз фӕуыдзӕн 20 майы ӕнӕ рауагъдон ӕмӕ хизӕн фӕлварӕтӕй. Ӕдӕппӕтӕй скъола фӕуд кӕнынц 468 сывӕллоны

ЦХИНВАЛ, 18 май – Sputnik, Плиты Фатимæ. Хуссар Ирыстоны скъолаты, пандемимӕ ӕнӕкӕсгӕйӕ, ацӕудзысты рауагъдон бал ӕмӕ фӕстаг дзӕнгӕрӕг. Сӕ датӕтӕ сын сфидар кӕндзысты коронавирусы уӕрӕх апарахат ма рауадзыны фӕдыл бӕрнон службӕты рекомендацимӕ гӕсгӕ, фехъусын кодта Sputnik Ахуырады министр Гасситы Натали.

Хуссар Иры ахуыры аз фӕуыдзӕн 20 майы ӕнӕ рауагъдон ӕмӕ хизӕн фӕлварӕтӕй.

"Фӕстаг дзӕнгӕрджытӕ нӕ ацӕудзысты ӕрвылазон нывӕзтмӕ гӕсгӕ, ӕвӕццӕгӕн, чысыл фӕфӕстӕдӕр уыдзысты, фӕлӕ бӕрӕгбон уыдзӕн. Гӕнӕн ис ӕмӕ сӕ иу бон дӕр ауадзӕм. Ныридӕгӕн ӕнхъӕлмӕ кӕсӕм рекомендацитӕм ӕмбӕлон структурӕтӕй", - загъта министр.

Ӕдӕппӕтӕй Хуссар Ирыстоны ацы аз скъола фӕуд кӕнынц 468 сывӕллоны.

Хуссар Ирыстоны рауагъдонты хсӕн ацы аз ис цыппар медалисты, иу чызг у сызгъӕрин майданмӕ претендент.  Цыппар иууыл хуыздӕр бӕрӕггӕнӕнтимӕ ахуырдзауы сты гимназитӕ "Рухс"  ӕмӕ "Альбион"-ӕй.

"Медалисттӕ ӕрвылаз цӕуынц министрады фӕлварӕнтӕ, уыдонӕй ацы аз ауагътой ӕрмӕст дыууӕ. Фӕлӕ уымӕ ӕнӕкӕсгӕйӕ, сӕ дыууӕ фӕлварӕн ӕмӕ 10-ӕм къласы контролон куыстыты хатдзӕгтӕ хынцгӕйӕ, мах уадзӕм цыппар медалисты", - бафтыдта Гасситы Натали.

Министрады сӕргълӕууӕг ма банысан кодта, Хуссар Ирыстоны ахуырадон уагдӕтты 70 проценты кӕй срӕвдз кодтой дистанцион ахуырад.

183
Рауагъдон бал

Хуссар Ирыстоны равзӕрстой фӕстаг дзӕнгӕрӕг ӕмӕ рауагъдон балы датӕтӕ

137
(ранӕуӕггонд 21:26 02.06.2020)
Хуссар Иры рауагъдонты сӕйраг бӕрӕгбонон мадзӕлтты датӕтӕ не 'нтыст сбӕлвырд кӕнын коронавирусы апарахаты тасӕй тобӕтӕ хынцгӕйӕ

ЦХИНВАЛ, 2 июн - Sputnik, Плиты Фатимӕ. Хуссар Ирыстоны ахуырады министрады равзӕрстой фӕстаг дзӕнгӕрӕг ӕмӕ рауагъдон балы датӕтӕ, фехъусын кодтой Sputnik уагдоны пресс-службӕйы.

Хуссар Иры рауагъдонты сӕйраг бӕрӕгбонон мадзӕлтты датӕтӕ не 'нтыст сбӕлвырд кӕнын коронавирусы апарахаты тасӕй тобӕтӕ хынцгӕйӕ.

"Развӕлгъау сбӕлвырд кодтам 17 июны ауадзын фӕстаг дзӕнгӕрӕг ӕмӕ 18 июны та рауагъдон бал. Раздӕрау та йӕ организаци фӕнд кӕнӕм бакӕнын сывӕллӕтты сфӕлдыстадон галуаны бӕрны. Фӕлӕ уыдон дырыс датӕтӕ не сты ӕмӕ сӕ ауадзын баст уыдзӕн коронавирусы фӕдыл уавӕримӕ", - загътой пресс-службӕйы.

Рауагъдон бал хицӕнӕй ауадзынц ӕрвылаз Дзауы районы дӕр.

"Дзауы районы ахуырдзаутӕн сӕ бал республикӕйы скъолатимӕ иумӕ Цхинвалы банхъардзысты ауадзын, фӕлӕ ацы фарст нырма скъуыддзаг нӕу", - загътой ахуырады министрады.

Хуссар Ирыстоны ацы аз скъолайӕн хӕрзбон зӕгъдзысты 468 ахуырдзауы, уыдонӕй цыппар иттӕг хорз нысӕнттыл. Иу чызг у сызгъӕрин майданмӕ претендент. Цыппар иууыл хуыздӕр бӕрӕггӕнӕнтимӕ ахуырдзауы сты гимназитӕ "Рухс" ӕмӕ "Альбион"-ӕй.

137
МСНК кусджытӕ

МХМ къордтӕ райдыдтой цӕттӕ кӕнын Уӕлахизы парадмӕ Цхинвалы

7
(ранӕуӕггонд 16:00 02.06.2020)
Хуссар Ирыстоны Мидхъуыддӕгты министрады кусджытӕ райдыдтой рӕнхъон тренировкӕтӕ Милицийы сӕрмагонд нысаниуӕджы къорды бӕстыхайы

ЦХИНВАЛ, 2 июн - Sputnik. Хуссар Ирыстоны Мидхъуыддӕгты министрады (МХМ) парадон къордтӕ, кӕцытӕ хайад райсдзысты бӕрӕгбонон маршы Цхинвалы центры, райдыдтой рӕнхъон цӕттӕкӕнынад, хъусын кӕны МХМ пресс-службӕ.

Амӕйразмӕ республикӕйы президент Бибылты Анатолий фехъусын кодта, Стыр Фыдбӕстон хӕсты Уӕлахизы 75 азы юбилейы цытӕн бӕрӕгбонон парад кӕй ацӕудзӕн Хуссар Ирыстоны столицӕйы 24 июны. Майы республикӕйы ацыдысты сӕрмагонд парадтӕ Стыр Фыдыбӕстон хӕсты ветерантӕн.

"Ныртӕккӕ парадон къордтӕ кусынц рӕнхъон цӕттӕкӕнынадыл. Парады хайад райсынмӕ цӕттӕ кӕнынц мидхъуыддӕгты органты 200-мӕ ӕввахс кусӕджы – сылгоймӕгты парадон къорд, милицийы сӕрмагонд нысаниуӕджы къорды кусджытӕ, афтӕ ма Хуссар Ирыстоны МХМ курсанттӕ, кӕцытӕ ахуыр кӕнынц УФ МХМ профилон ахуырадон уагдӕтты", - радзырдтой уагдоны.

Афтӕ ма парады рацӕудзӕн милицийы сӕрмагонд нысаниуӕджы къорды (МСНК) бронетехникӕ дӕр – цыппар БТР-80. Нырма репетицитӕ цӕуынц МСНК бӕстыхайы, уый фӕстӕ уыдон адарддӕр уыдзысты республикӕйы Хъахъхъӕнынады министрады ӕмӕ УФ 4-ӕм ӕфсӕддон базӕйы плацыл. Уӕлахизы парады генералон репетицитӕ уагъд цӕудзысты Театралон фӕзуатыл 19-22 июны.

7