Георгиаг лентӕ

Хуссар Иры йӕ цардӕй ахицӕн ноджы иу фронтовик

20
(ранӕуӕггонд 14:51 18.05.2020)
Арболишвили ацыд ӕнӕхъӕн хӕст ӕмӕ фӕцис йӕ хӕстон фӕндаг Берлины. Сгуыхтдзинӕдтӕ ӕмӕ хъӕбатырдзинады тыххӕй уый схорзӕхджын кодтой бӕрзонд паддзахадон хорзӕхтӕй

ЦХИНВАЛ, 18 май — Sputnik, Гӕбӕраты Элина. Цхинвалы 99-аздзыдӕй амард Стыр Фыдыбӕстон хӕсты ветеран Александр Арболишвили, фехъусын кодта Sputnik Хуссар Ирыстоны Ветеранты цӕдисы сӕрдары хӕдивӕг Уалыты Гайоз.

9 майы размӕ ӕхсӕв республикӕйы амардысты дыууӕ фронтовикы – Кокойты Григорий ӕмӕ Джергаты Василий.

"Уый у цыппӕрӕм мӕлӕт майы. Дыууӕ ветераны амардысты Уӕлахизы боны хӕдразмӕ. Хӕстон архӕйдтыты ноджы иу хайадисӕджы амӕйразмӕ ӕрластой Санкт-Петербургӕй, ныр та Александр Арболишвили. Ветераныл январы сӕххӕст 98 азы", - загъта Уалыты Гайоз.

Арболишвили ацыд ӕнӕхъӕн хӕст, хайад иста Берлиныл тохты, уый размӕ автивон хайад иста Харьков ссӕрибар кӕныны. Ӕрыздӕхт йӕ фыдыбӕстӕмӕ 1947 азы.

"Хӕсты фӕстӕ Александр бирӕ ӕзты дӕргъы куыста скъолайы, уыд йӕ директор дӕр. Хуымӕтӕджы лӕг уыд, хӕсты тыххӕй дзурын нӕ уарзта. Фӕстаг ӕзты уыд рынчын ӕмӕ хӕдзарӕй ӕддӕмӕ нӕ хызт. Арболишвилийы схорзӕхджын кодтой Кады орденӕй ӕмӕ "Сырх Стъалыйы" орденӕй. Афтӕ ма йын радтой сӕрмагонд грамотӕ Сталинӕй. Ахӕм бӕрзонд хорзӕхтӕ ӕндӕр хуссарирыстойнаг ветерантӕн нӕй", - загъта Уалыты Гайоз.

Ветеранӕн фӕстаг хӕрзбон зӕгъдзысты сом, 19 майы, Цхинвалы.

20
Коронавирус

Югосетпотребнадзоры фехъусын кодтой коронавирусы фӕдыл ног бӕрӕггӕнӕнтӕ

7
(ранӕуӕггонд 11:52 28.05.2020)
Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы – иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл

ЦХИНВАЛ, 28 май - Sputnik, Козаты Диана. Хуссар Ирыстоны коронавирусы апарахаты уавӕр у стабилон. Ӕртыццӕджы цы тесттӕ ауагътой, уыдонӕй иу дӕр нӕ равдыста вирусы уӕвынад, загъта Sputnik Югосетпотребнадзоры комитеты сӕрдары хӕдивӕг Гаглойты Анна.

Республикон бирӕпрофилон медицинон центры хоскӕнынад нырма цӕуынц аст адӕймаджы, кӕцытӕн уый размӕ сбӕрӕг кодтой коронавирус.

"COVID-19 диагнозимӕ нӕм ис 8 адӕймаджы. Медицинон хъусдарды бын сты 70 адӕймаджы, уыдонӕй 53 – медицинон организациты", - загъта Гаглойты Анна.

Уый банысан кодта, цы дыууӕ медицинон кусӕджы фӕрынчын сты, уыдонӕн сӕ уавӕр у хуыздӕр ӕмӕ сӕ тагъд рӕстӕджы рафысдзысты рынчындонӕй.

Иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл.

Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы, уӕдӕй фӕстӕмӕ сбӕрӕг кодтой коронавирусӕй 37 рынчыны. Уыцы пациенттӕй иуӕн коронавирусы диагноз не сфидар кодтой.

7

КТ

Компьютерон томограф Цхинвалы скусдзӕн цыппӕрӕмы

3
(ранӕуӕггонд 11:43 28.05.2020)
Компьютерон томографы куысты згъуыдтытӕ фӕзынд январы. Ӕхсӕнад, рынчындоны ифтонгад кӕй нӕ кусы ӕмбӕлон уагыл, уый тыххӕй базыдта коронавирусы апарахаты фӕстӕ. Ацы низы диагностикӕйӕн ӕнӕмӕнг хъӕуы КТ

ЦХИНВАЛ, 28 май - Sputnik, Козаты Диана. Хуссар Ирыстоны Республикон бирӕпрофилон медицинон центры компьютерон томограф сараздзысты цыппӕрӕмы, загъта хицауады рабадты Ӕнӕниздзинад хъахъхъӕнынады министр Тотчиты Георгий.

Компьютерон томографы куысты згъуыдтытӕ фӕзынд январы. Ӕхсӕнад, рынчындоны ифтонгад кӕй нӕ кусы ӕмбӕлон уагыл, уый тыххӕй базыдта коронавирусы апарахаты фӕстӕ. Ацы низы диагностикӕйӕн ӕнӕмӕнг хъӕуы КТ. 

"Аппараты цалцӕджы куыстытӕ балхынцъ уыдзысты абон. Уый фӕстӕ кусдзысты гемодиализы аппаратыл", - загъта министр.

Хуссар Ирыстоны РБМЦ дохтыр, анестезиолог - реаниматолог Плиты Александр радзырдта Sputnik, ӕртыццӕджы республикӕмӕ кӕй ӕрцыдысты ӕртӕ специалисты ӕхсӕнадӕмон фирмӕйӕ, кӕцытӕ кусынц бӕрзондтехнологион ифтонгадимӕ. Уыдон рахастой, КТ-йӕн цы хъуаг кодта, уыцы деталь.

"Донецкаг фирмӕйы минӕвӕрттӕ, кӕцытӕ сӕхимӕ ӕмӕ ӕппӕт Уӕрӕсейы сӕ хъус дарынц 150 КТ-йы аппаратмӕ, рацыдысты Цхинвалмӕ знон. Уыдон рахастой, цы деталь нӕ фаг кодта КТ-йӕн, уый. Мӕ хъуыдымӕ гӕсгӕ йӕ абон сцалцӕг кӕндзысты", - загъта Плиты Александр.

3