Дистанцион ахуыр

Хуссар Иры Национ банк балӕвар кодта телефонтӕ интернаты хъомылгӕнинӕгтӕн

43
(ранӕуӕггонд 14:50 18.05.2020)
Национ банчы разамынад аскъуыддзаг кодта ахуырдзауты къух саразын ӕмӕ сывӕллӕттӕн дистанцион ахуырӕн ӕнӕмӕнгхъӕуӕг смартфонтӕ балхӕнынӕн рахицӕн кодта 137 мин сомы

ЦХИНВАЛ, 18 май – Sputnik, Плиты Фатимӕ. Хуссар Ирыстоны Национ банк сывӕллӕтты фонды куырдиатмӕ гӕсгӕ Цхинвалы скъола-интернеты хъомылгӕнинӕгтӕй 19-ӕн рахицӕн кодта финансон фӕрӕзтӕ смартфонтӕ балхӕнынӕн, фехъусын кодта Sputnik банчы хистӕр Зассеты Феликс.

Хуссар Ирыстоны коронавирусы апарахаты тасӕй марты кӕрон бакодтой карантин, уый фӕстӕ скъолаты цадӕггай райдыдтой нывыл кӕнын дистанцион ахуырад. Фӕлӕ республикӕйы ис интернетимӕ проблемӕтӕ, кӕцыдӕр сывӕллӕттӕн та нӕй ӕмбӕлон ӕууӕлтимӕ телефонтӕ.

"Ивгъуыд мӕйы нӕм ӕрбахатыд сывӕллӕтты фонды хистӕр Тедеты Роланд, цӕмӕй Цхинвалы скъола-интернаты хъомылгӕнинӕгтӕй 19-ӕн самал кӕнӕм смартфонтӕ. Национ банчы разамынад аскъуыддзаг кодта ахуырдзауты къух саразын. Сывӕллӕттӕн рахицӕн кодтам 137 мин сомы", - загъта Зассеты Феликс.

Банысан кӕнын ӕмбӕлы, Национ банкӕн уый йӕ фыццаг ӕххуыс кӕй нӕу сидзӕр сывӕллӕттӕн.

43
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

9
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

9
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

12
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

12