Хуссар Иры рауагъдонты иу къорд ратдзӕн ИПФ Уӕрӕсейы

© Sputnik / Denis Abramov /  Ахизын медиабанкмæИумӕйаг паддзахадон фӕлварӕн
Иумӕйаг паддзахадон фӕлварӕн - Sputnik Хуссар Ирыстон
Рафыссын
Иумӕйаг паддзахадон фӕлварӕн раттын кӕй фӕнды, уыдон развӕлгъау ныффыстой куырдиӕттӕ Хуссар Ирыстоны ахуырады министрадмӕ

ЦХИНВАЛ, 19 май – Sputnik, Плиты Фатимæ. Хуссар Ирыстоны рауагъдонты иу къорд ратдзӕн иумӕйаг паддзахадон фӕлварӕнтӕ Уӕрӕсейы. Дырысӕй экзаменты датӕтӕ нырма бӕрӕг не сты, фӕхъусын кодтой Sputnik Ахуырады министрады пресс-службӕйы.

УФ уӕлдӕр ахуырадон уагдӕттӕм бацӕуыны фӕнд чи кӕны ӕнӕ лимитты руаджы, уыдон ӕрвылаз дӕр фӕдӕттынц фӕлварӕнтӕ Уӕрӕсейы.

"Фӕстаг информацимӕ гӕсгӕ иумӕйаг паддзахадон фӕлварӕн ацӕудзӕн 8 июны, фӕлӕ уый дырыс датӕ нӕу. Уӕрӕсейы ӕнӕниздзинад хъахъхъӕнынады министрад рухсады министрадӕн рекомендаци кӕны фӕфӕстӕдӕр кӕнын фӕлварӕнтӕ", - загътой пресс-службӕйы.

Уым ма банысан кодтой, зӕгъгӕ, иумӕйаг паддзахадон фӕлварӕн раттын кӕй фӕнды, уыдон развӕлгъау ныффыстой куырдиӕттӕ Хуссар Ирыстоны ахуырады министрадмӕ.

Гасситы Натали  - Sputnik Хуссар Ирыстон
Гасситы Натали радзырдта ахуыры азы кӕрон ӕмӕ рауагъдон фӕлварӕнты тыххӕй

"Махмӕ ӕрбацыд 48 куырдиаты рауагъдонтӕй, кӕцыты фӕнды раттын иумӕйаг паддзахадон фӕлварӕн", - бафтыдтой уагдоны.

Хуссар Ирыстоны, куыд ӕппӕт дунейы, афтӕ коронавирусы пандемиийӕ хи бахизыны фӕдыл тобӕтӕ ӕмӕ фӕдзӕхсты мадзӕлттӕ ивындзинӕдтӕ бахастой цардмӕ. Ахуырады министрады уынаффӕмӕ гӕсгӕ фӕстаг рӕстӕг ахуыр цӕуы дистанцион форматы, рауагъдон ӕмӕ хизӕн фӕлварӕнтӕ ӕрцыдысты ивд, фӕфӕстиат  уыдзысты рауагъдон бал ӕмӕ фӕстаг дзӕнгӕрӕг.

Ног хабӕртты лентӕ
0