Ӕнӕмӕлгӕ полк

УФ минӕварад Хуссар Иры: бацахс дӕ бынат "Ӕнӕмӕлгӕ полк"-ы рӕнхъы

4
(ранӕуӕггонд 12:18 19.05.2020)
Конкурс "Ӕнӕмӕлгӕ полк – ӕнӕ арӕнтӕй"-мӕ куыстытӕ исдзысты 2020 азы 31 майы онг. Организатортӕ уӕлахиздзаутӕн балӕвар кӕндзысты Мӕскуымӕ балц

ЦХИНВАЛ, 19 май — Sputnik. Уӕрӕсейы минӕварад Хуссар Ирыстоны ӕрсидт ӕмбӕстӕгтӕм, кӕцытӕ цӕрынц республикӕйы, цӕмӕй ӕрбаиу уой конкурс "Ӕнӕмӕлгӕ полк – ӕнӕ арӕнтӕй"-мӕ.

Конкурсон куыстыты хуызы ист цӕудзысты къамтӕ, видеотӕ, текстон ӕрмӕджытӕ (ӕртӕ номинацийы), кӕцытӕ баст сты Стыр Уӕлахизы 75 азы юбилейы бӕрӕгбон уӕрӕсейаг ӕмбӕстӕгтӕ фӕсарӕнты куыд нысан кӕнынц, уыйимӕ.

Куыстыты ӕнӕмӕнг хъӕуы фехъусын кӕнын "Ӕнӕмӕлгӕ полк" акцийы тыххӕй, ныффыссын авторы ном, къам кӕнӕ видео сисыны датӕ ӕмӕ бынат, бавдисын информаци ӕрмӕджы фӕдыл. Алкӕцы номинацийы дӕр уӕлахиздзауы ӕвзардзӕн жюри. Организатортӕ уӕлахиздзаутӕн балӕвар кӕндзысты Мӕскуымӕ балц.

Ӕрмӕджытӕ хъӕуы бавдисын социалон хызӕгты, сӕ нымӕцы, "Facebook" –ы къорд "Россия и соотечественники: фотоконкурс"-ы. Конкурсы хайад райсыны тыххӕй куыстыты бын хъуамӕ уой хэштегтӕ #vksrs #marc #alumnirussia #бессмертныйполкбезграниц.

Конкурс уадзы Уӕрӕсейаг ӕмбӕстӕгты ӕппӕтдунейон координацион совет Интернет журналисттӕ ӕмӕ блогерты ӕхсӕнадӕмон ассоциаци ӕмӕ Уӕрӕсейаг советон ахуыргӕнӕндӕтты рауагъдонты ӕппӕтдунейон ассоциацийы ӕмархайдӕй

4
Рауагъдон бал

Хуссар Ирыстоны равзӕрстой фӕстаг дзӕнгӕрӕг ӕмӕ рауагъдон балы датӕтӕ

133
(ранӕуӕггонд 21:26 02.06.2020)
Хуссар Иры рауагъдонты сӕйраг бӕрӕгбонон мадзӕлтты датӕтӕ не 'нтыст сбӕлвырд кӕнын коронавирусы апарахаты тасӕй тобӕтӕ хынцгӕйӕ

ЦХИНВАЛ, 2 июн - Sputnik, Плиты Фатимӕ. Хуссар Ирыстоны ахуырады министрады равзӕрстой фӕстаг дзӕнгӕрӕг ӕмӕ рауагъдон балы датӕтӕ, фехъусын кодтой Sputnik уагдоны пресс-службӕйы.

Хуссар Иры рауагъдонты сӕйраг бӕрӕгбонон мадзӕлтты датӕтӕ не 'нтыст сбӕлвырд кӕнын коронавирусы апарахаты тасӕй тобӕтӕ хынцгӕйӕ.

"Развӕлгъау сбӕлвырд кодтам 17 июны ауадзын фӕстаг дзӕнгӕрӕг ӕмӕ 18 июны та рауагъдон бал. Раздӕрау та йӕ организаци фӕнд кӕнӕм бакӕнын сывӕллӕтты сфӕлдыстадон галуаны бӕрны. Фӕлӕ уыдон дырыс датӕтӕ не сты ӕмӕ сӕ ауадзын баст уыдзӕн коронавирусы фӕдыл уавӕримӕ", - загътой пресс-службӕйы.

Рауагъдон бал хицӕнӕй ауадзынц ӕрвылаз Дзауы районы дӕр.

"Дзауы районы ахуырдзаутӕн сӕ бал республикӕйы скъолатимӕ иумӕ Цхинвалы банхъардзысты ауадзын, фӕлӕ ацы фарст нырма скъуыддзаг нӕу", - загътой ахуырады министрады.

Хуссар Ирыстоны ацы аз скъолайӕн хӕрзбон зӕгъдзысты 468 ахуырдзауы, уыдонӕй цыппар иттӕг хорз нысӕнттыл. Иу чызг у сызгъӕрин майданмӕ претендент. Цыппар иууыл хуыздӕр бӕрӕггӕнӕнтимӕ ахуырдзауы сты гимназитӕ "Рухс" ӕмӕ "Альбион"-ӕй.

133
МСНК кусджытӕ

МХМ къордтӕ райдыдтой цӕттӕ кӕнын Уӕлахизы парадмӕ Цхинвалы

7
(ранӕуӕггонд 16:00 02.06.2020)
Хуссар Ирыстоны Мидхъуыддӕгты министрады кусджытӕ райдыдтой рӕнхъон тренировкӕтӕ Милицийы сӕрмагонд нысаниуӕджы къорды бӕстыхайы

ЦХИНВАЛ, 2 июн - Sputnik. Хуссар Ирыстоны Мидхъуыддӕгты министрады (МХМ) парадон къордтӕ, кӕцытӕ хайад райсдзысты бӕрӕгбонон маршы Цхинвалы центры, райдыдтой рӕнхъон цӕттӕкӕнынад, хъусын кӕны МХМ пресс-службӕ.

Амӕйразмӕ республикӕйы президент Бибылты Анатолий фехъусын кодта, Стыр Фыдбӕстон хӕсты Уӕлахизы 75 азы юбилейы цытӕн бӕрӕгбонон парад кӕй ацӕудзӕн Хуссар Ирыстоны столицӕйы 24 июны. Майы республикӕйы ацыдысты сӕрмагонд парадтӕ Стыр Фыдыбӕстон хӕсты ветерантӕн.

"Ныртӕккӕ парадон къордтӕ кусынц рӕнхъон цӕттӕкӕнынадыл. Парады хайад райсынмӕ цӕттӕ кӕнынц мидхъуыддӕгты органты 200-мӕ ӕввахс кусӕджы – сылгоймӕгты парадон къорд, милицийы сӕрмагонд нысаниуӕджы къорды кусджытӕ, афтӕ ма Хуссар Ирыстоны МХМ курсанттӕ, кӕцытӕ ахуыр кӕнынц УФ МХМ профилон ахуырадон уагдӕтты", - радзырдтой уагдоны.

Афтӕ ма парады рацӕудзӕн милицийы сӕрмагонд нысаниуӕджы къорды (МСНК) бронетехникӕ дӕр – цыппар БТР-80. Нырма репетицитӕ цӕуынц МСНК бӕстыхайы, уый фӕстӕ уыдон адарддӕр уыдзысты республикӕйы Хъахъхъӕнынады министрады ӕмӕ УФ 4-ӕм ӕфсӕддон базӕйы плацыл. Уӕлахизы парады генералон репетицитӕ уагъд цӕудзысты Театралон фӕзуатыл 19-22 июны.

7