Цхинвал

Цхинвалы ЦКХ иуварс кæны уынгтыл фæндагаразджыты рæдыдтытæ

13
(ранӕуӕггонд 12:17 19.05.2020)
Инвестицион программæйы фæлгæтты Цхинвалы сæндидзыдтой уынгтæн сæ фылдæр. Фæлæ сæ иуæй-иуты арæзтады рæстæджы æруагъдæуыд згъуыдтытæ

ЦХИНВАЛ, 19 май – Sputnik, Дриаты Лейла. Цхинвалы администрацийы црæнуатон-коммуналон хæдзарады кусджытæ иуварс кæнынц, ивгъуыд ӕзты фæндагараздæжытæ уынгты хæрзарæзтады рæстæджы цы цухдзинæдтæ æруагътой, уыдон.

Фæстаг азты, зæгъæн ис, Хуссар Ирыстоны сӕйраг горӕт йæ хуыз скалдта. Инвестицион программæйы фæлгæтты æндидзыд æрцыдысты горæты уынгтæн сæ фылдæр. Фæлæ уынгтæй иуæй-иуты арæзтады рæстæджы æруагъдæуыд рæдыдтытæ. Зæгъæм, Джиоты Аланы уынджы 2-æм астæуккаг скъолайы комкоммæ цæмæй фистæгæйцæуæг тротуармæ бахиза, уый тыххæй хъуамæ ацæуа газоныл.

"Газоныл ахизын растыл чи нæ нымайы, уый та хъуамæ цалдæр метр ацæуа машинæвæндагыл. Куыд зонæм, афтæмæй уый æвзӕрын кæны аварион ситуаци. Раст ахæм уавæрæн фенæн ис Мæскуыйы уынгыл дæр", - загъта горæты администрацийы ЦКХ сæргълæууæджы хæдивæг Джиоты Юрий.

Уый ма бафтыдта, зӕгъгӕ, иуæй-иу уынгты асфальт раст кӕй нæ сæвæрдтой, уый аххосæй къæвдадæдтæ канализацитæм нæ фæцæуынц, фæлæ дзыхъхъыты сцад вæййынц, æмæ дзы ахизæн нал вæййы.

Зымæгон уазал бонты ахæм бынæтты дон ныссæлы æмæ æвзæрын кæны тæссагдзинад цæуджытæн.

"Хъайтарты æмæ Тæболты Сергейы уынгтӕ кæм иу кæнынц, уым уыйбæрц дон æрæмбырд вæййы æмæ дзы къæвдабон фистæгæй цæуæг нæ ахиздзæнис. Харебаты Исахъ æмæ Лужковы уынгыл дæр фенæн ис ахæм ныв. Мах хъавæм уыцы проблемон фадгуытæ ногæй асфальтæй бамбæрзын æмæ сæ фæндаджы иннæ уæлцъармæ сраст кæнын", - радзырдта Джиоты Юрий.

Йæ хъуыдымæ гӕсгӕ, уынгтæ эксплуатацимæ дæттыны рæстæджы хъуамæ хъусдард цæуид ахæм хъуыддæгтæм æмæ цалынмæ арæзтадон организаци згъуыдтытæ аиуварс кæна, уæдмæ сæ райсын нæ хъæуы, цæмæй уый фæстæ уæлдай фыдæбæттæ æмæ финансон хæрдзтæ дæр ма цæуа.

13
Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

Энергетиктӕ иуварс кӕнынц Хуссар Иры электроифтонгадимӕ проблемӕйы аххосаг

2
(ранӕуӕггонд 15:51 19.04.2021)
Республикӕйы рухс ахицӕн къуырисӕры цалдӕр сахаты размӕ. Специалисттӕ банысан кодтой, авари ауиварс кӕныныл куыстытӕ нырма дӕр кӕй цӕуынц

ЦХИНВАЛ, 19 апр - Sputnik, Хъуылымбегты Зӕлинӕ. Хуссар Ирыстоны сӕндидзын кодтой электроифтонгад, фӕлӕ энергетикӕйы куджытӕ нырма дӕр кусынц аварийы аххосӕгтӕ аиуварс кӕныныл.

Хуссар Ирыстоны электроэнерги ахицӕн къуырисӕры ӕмбисбон электрохызӕгтыл аварийы тыххӕй.

"Энергетиктӕ ссардтой аварийы бынат ӕмӕ кусынц проблемӕ аиуварс кӕныныл, ӕввахс рӕстӕджы рухс нырма гӕнӕн ис ахицӕн уа цыбыр ӕмгъуыдмӕ", - радзырдта Sputnik "Энергоресурс"-ы генералон директоры хӕдивӕг Гӕбӕраты Анатолий.

Гендиректоры хӕдивӕджы ныхӕстӕм гӕсгӕ, республикӕйы ӕввахс цалдӕр сахаты гӕнӕн ис хицӕн кӕна рухс цыбыр ӕмгъуыдмӕ.

2
Коронавирус

"Югосетпотребнадзор"-ы радзырдтой коронавирусæй ног рынчынты тыххæй

2
(ранӕуӕггонд 15:53 19.04.2021)
Республикӕйы пандемийы райдианӕй коронавирусон инфекцийæ ӕдӕппӕт фæрынчын сты 3292 адæймаджы, сæнæнизуæвджыты нымæц та у 2931

ЦХИНВАЛ, 19 апр — Sputnik, Хъуылымбегты Зæлинæ. Хуссар Ирыстоны ивгъуыд майрæмбоны рабæрæг кодтой фондз ног фæрынчынуæвæджы коронавирусæй, æрхаста тестыты бæрæггæнæнтæ санитарон уагдоны сӕргълӕууӕг Коцты Марина. Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры иртæстты тыххæй та фехъусын кæндзысты сом райсом.

"Майрæмбоны саразгæ 124 иртæстæй COVID-19 рабӕрӕг кодтой фондз адæймагæн", - загъта сæйраг санитарон дохтыр.

Коцты Марина бафтыдта, медицинон хыгъдӕй кӕй систой фараст адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 2 931 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 361 адӕймаджы.

Республикӕйы пандемийы рӕстӕджы ӕдӕппӕт сарӕзтой 21 396 тесты коронавирусон инфекци рабӕрӕг кӕныны фӕдыл, уыдонӕй 3 292 радтой ӕвӕрццаг фӕстиуӕг.

2
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

0
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

0
Темӕтӕ:
Радио иронау