Цхинвал, фонтан

Ӕнхъӕлмӕ кӕсӕм специалисттӕм: кӕд скусдзӕн Цхинвалы сӕйраг фонтан

18
(ранӕуӕггонд 12:16 19.05.2020)
Цхинвалы Театралон фӕзуаты сӕйраг фонтаны арӕзтадон куыстытӕ фесты, йе скуыст лӕууы, специалисттӕн сӕ бон ӕрцӕуынц кӕй нӕу арӕны ӕхгӕды тыххӕй, уый аххосагӕй 

ЦХИНВАЛ, 19 май — Sputnik, Плиты Фатимæ. Цхинвалы Театралон фæзуаты сцӕттӕ ис столицæйы сæйраг фонтан. Егъау гидротехникон объекты скусынӕн ма хъӕуы ӕрхонгӕ специалистты ӕххуыс, уыдон ӕрцыд та фӕстиад кӕнынц пандемиийы фӕдыл тобӕтӕ, фехъусын кодта Sputnik арæзтады министрады пресс-секретарь Тедеты Алена.

Традицион ӕгъдауӕй фонтантӕ скусын кӕнынц апрелы кӕрон. Цхинвалы Ногдзауты парчы фонтаны ӕхсӕрдзӕнтӕ ныр къуырийы бӕрц рухс кӕнынц улӕфджыты зӕрдӕтӕ.

"Ӕппӕт арӕзтадон куыстытӕ дӕр конд фесты. Фонтанӕн хъӕуы ауадзын фӕлварӕн скуыст, фӕлӕ уый саразӕн ис ӕрмӕстдӕр специалистты ӕххуысӕй, уыдон та хъуамӕ ӕрцӕуой фӕсарӕнтӕй. Специалисттӕн сӕ бон нӕу ӕрцӕуын ӕхгӕд арӕнтӕ ӕмӕ коронавирусы аххосӕй", - загъта уый.

Фонтаны арæзтадон куыстытæн хицæнгонд æрцыд 23 милуан сомы. Куыстытæ сӕххӕст кодта нардуатон фирмæ "Про-Микс".

Цхинвалы сæйраг фонтаны арæзтадæн ис дæргъвæтин истори - йæ алыварс ныхас æхсæнады æмæ социалон хызæджы цыд бирæ æзты дæргъы – иутæ æнхъардтой бахъахъхъæнын фонтан йæ раздæры хуызы. Фæстагмæ æрлæууыдысты нырыккон "сур" фонтаныл. 

2016 азы кæронмæ Цхинвалæн ныфс дæттой саразын Цæгат Кавказы иууыл рæсугъддæр фонтан. Арæзтад бахæс кодтой цæгатирыстойнаг фирмӕ "Промикс"-æн. Фæлæ та фæстæдæр йæ арæзтад фестад татарстайнаг фирмæйы дæлбар, фонтан та кусгæйæ федтой æрмæстдæр фæлварæны рæстæджы.
Цхинвалы театралон фæзуат сæрибар никуы уыд — ам ивгъуыд рӕстӕджыты уыд цыртытæ советон фæтæгтæ Ленин æмæ Сталинæн, фæстæдæр та дзы арӕзт ӕрцыд фонтан.

Ивгъуыд ӕнусы 90-ӕм æзтӕй фæстæмæ фонтан стæм хатт рухс кодта цӕрджыты зæрдæтæ йе 'хсæрдзæнтæй — фонтан-иу баиу кодтой ӕрмӕстдӕр паддзахадон бæрæгбонты рæстæджы, сабитæ-иу систой йæ разы къамтæ æмæ та-иу изæрмæ фонтан басур. 2006 азæй фæстæмæ та хæлд фонтан сыгъд театры бæстыхайимӕ иумæ раууаты хуыз дæттой горæты центрæн.

18
Рауагъдон бал

Хуссар Ирыстоны равзӕрстой фӕстаг дзӕнгӕрӕг ӕмӕ рауагъдон балы датӕтӕ

139
(ранӕуӕггонд 21:26 02.06.2020)
Хуссар Иры рауагъдонты сӕйраг бӕрӕгбонон мадзӕлтты датӕтӕ не 'нтыст сбӕлвырд кӕнын коронавирусы апарахаты тасӕй тобӕтӕ хынцгӕйӕ

ЦХИНВАЛ, 2 июн - Sputnik, Плиты Фатимӕ. Хуссар Ирыстоны ахуырады министрады равзӕрстой фӕстаг дзӕнгӕрӕг ӕмӕ рауагъдон балы датӕтӕ, фехъусын кодтой Sputnik уагдоны пресс-службӕйы.

Хуссар Иры рауагъдонты сӕйраг бӕрӕгбонон мадзӕлтты датӕтӕ не 'нтыст сбӕлвырд кӕнын коронавирусы апарахаты тасӕй тобӕтӕ хынцгӕйӕ.

"Развӕлгъау сбӕлвырд кодтам 17 июны ауадзын фӕстаг дзӕнгӕрӕг ӕмӕ 18 июны та рауагъдон бал. Раздӕрау та йӕ организаци фӕнд кӕнӕм бакӕнын сывӕллӕтты сфӕлдыстадон галуаны бӕрны. Фӕлӕ уыдон дырыс датӕтӕ не сты ӕмӕ сӕ ауадзын баст уыдзӕн коронавирусы фӕдыл уавӕримӕ", - загътой пресс-службӕйы.

Рауагъдон бал хицӕнӕй ауадзынц ӕрвылаз Дзауы районы дӕр.

"Дзауы районы ахуырдзаутӕн сӕ бал республикӕйы скъолатимӕ иумӕ Цхинвалы банхъардзысты ауадзын, фӕлӕ ацы фарст нырма скъуыддзаг нӕу", - загътой ахуырады министрады.

Хуссар Ирыстоны ацы аз скъолайӕн хӕрзбон зӕгъдзысты 468 ахуырдзауы, уыдонӕй цыппар иттӕг хорз нысӕнттыл. Иу чызг у сызгъӕрин майданмӕ претендент. Цыппар иууыл хуыздӕр бӕрӕггӕнӕнтимӕ ахуырдзауы сты гимназитӕ "Рухс" ӕмӕ "Альбион"-ӕй.

139
МСНК кусджытӕ

МХМ къордтӕ райдыдтой цӕттӕ кӕнын Уӕлахизы парадмӕ Цхинвалы

7
(ранӕуӕггонд 16:00 02.06.2020)
Хуссар Ирыстоны Мидхъуыддӕгты министрады кусджытӕ райдыдтой рӕнхъон тренировкӕтӕ Милицийы сӕрмагонд нысаниуӕджы къорды бӕстыхайы

ЦХИНВАЛ, 2 июн - Sputnik. Хуссар Ирыстоны Мидхъуыддӕгты министрады (МХМ) парадон къордтӕ, кӕцытӕ хайад райсдзысты бӕрӕгбонон маршы Цхинвалы центры, райдыдтой рӕнхъон цӕттӕкӕнынад, хъусын кӕны МХМ пресс-службӕ.

Амӕйразмӕ республикӕйы президент Бибылты Анатолий фехъусын кодта, Стыр Фыдбӕстон хӕсты Уӕлахизы 75 азы юбилейы цытӕн бӕрӕгбонон парад кӕй ацӕудзӕн Хуссар Ирыстоны столицӕйы 24 июны. Майы республикӕйы ацыдысты сӕрмагонд парадтӕ Стыр Фыдыбӕстон хӕсты ветерантӕн.

"Ныртӕккӕ парадон къордтӕ кусынц рӕнхъон цӕттӕкӕнынадыл. Парады хайад райсынмӕ цӕттӕ кӕнынц мидхъуыддӕгты органты 200-мӕ ӕввахс кусӕджы – сылгоймӕгты парадон къорд, милицийы сӕрмагонд нысаниуӕджы къорды кусджытӕ, афтӕ ма Хуссар Ирыстоны МХМ курсанттӕ, кӕцытӕ ахуыр кӕнынц УФ МХМ профилон ахуырадон уагдӕтты", - радзырдтой уагдоны.

Афтӕ ма парады рацӕудзӕн милицийы сӕрмагонд нысаниуӕджы къорды (МСНК) бронетехникӕ дӕр – цыппар БТР-80. Нырма репетицитӕ цӕуынц МСНК бӕстыхайы, уый фӕстӕ уыдон адарддӕр уыдзысты республикӕйы Хъахъхъӕнынады министрады ӕмӕ УФ 4-ӕм ӕфсӕддон базӕйы плацыл. Уӕлахизы парады генералон репетицитӕ уагъд цӕудзысты Театралон фӕзуатыл 19-22 июны.

7