Хуссар Иры ӕфсӕддонтӕ

Хуссар Иры Хъахъхъӕнынады министр басгӕрста ӕфсӕддонты мобилизацион цӕттӕкӕнынад

0
(ранӕуӕггонд 14:24 19.05.2020)
Хуссар Ирыстоны ӕфсӕддонты мобилизацион цӕттӕкӕнынады фарстытыл ӕрдзырдтой республикӕйы Гарзджын тыхты къухдариуӕгады фембӕлды рӕстӕджы

ЦХИНВАЛ, 19 мая -  Sputnik. Хуссар Ирыстоны хъахъхъӕнынады министр, инӕлар-лейтенант Гассеты Ибрагим радта хӕслӕвӕрдтӕ ӕфсады дӕлхайӕдты активон ӕмархайды фӕдыл, кӕцытӕ дзуапп дӕттынц республикӕйы Гарзджын тыхты мобилизацион цӕттӕкӕнынадӕн.

Хъахъхъӕнынады министрады пресс-службӕ куыд хъусын кӕны, афтӕмӕй, уагдоны сӕргълӕууӕг ногӕй фехъусын кодта сӕйраг мадзӕлтты тыххӕй, кӕцытӕ нывӕндынц ауадзын ахуырты сӕрдыгон периоды.

"Куысты рӕстӕджы сбӕрӕг кодтой ӕмбӕстӕгты хыгъдыл ӕвӕрыны процедурӕты фӕдыл архайды дарддӕры здӕхтытӕ, афтӕ ма горӕты ӕмӕ районон администрацитимӕ ӕмархайд ацы фарсты фӕдыл", - дзырдӕуы хъусинаджы.

Хъахъхъӕнынадон уагдоны бафтыдтой, зӕгъгӕ, Гарзджын тыхты къухдариуӕгад стыр хъусдард здахы мобилизацион цӕттӕкӕнынады фарстытӕм, сӕйраджыдӕр, националон ӕфсады реформӕ ауадзыны фӕстӕ.

0
Коронавирус

Югосетпотребнадзоры фехъусын кодтой коронавирусы фӕдыл ног бӕрӕггӕнӕнтӕ

0
(ранӕуӕггонд 11:52 28.05.2020)
Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы – иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл

ЦХИНВАЛ, 28 май - Sputnik, Козаты Диана. Хуссар Ирыстоны коронавирусы апарахаты уавӕр у стабилон. Ӕртыццӕджы цы тесттӕ ауагътой, уыдонӕй иу дӕр нӕ равдыста вирусы уӕвынад, загъта Sputnik Югосетпотребнадзоры комитеты сӕрдары хӕдивӕг Гаглойты Анна.

Республикон бирӕпрофилон медицинон центры хоскӕнынад нырма цӕуынц аст адӕймаджы, кӕцытӕн уый размӕ сбӕрӕг кодтой коронавирус.

"COVID-19 диагнозимӕ нӕм ис 8 адӕймаджы. Медицинон хъусдарды бын сты 70 адӕймаджы, уыдонӕй 53 – медицинон организациты", - загъта Гаглойты Анна.

Уый банысан кодта, цы дыууӕ медицинон кусӕджы фӕрынчын сты, уыдонӕн сӕ уавӕр у хуыздӕр ӕмӕ сӕ тагъд рӕстӕджы рафысдзысты рынчындонӕй.

Иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл.

Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы, уӕдӕй фӕстӕмӕ сбӕрӕг кодтой коронавирусӕй 37 рынчыны. Уыцы пациенттӕй иуӕн коронавирусы диагноз не сфидар кодтой.

0

КТ

Компьютерон томограф Цхинвалы скусдзӕн цыппӕрӕмы

0
(ранӕуӕггонд 11:43 28.05.2020)
Компьютерон томографы куысты згъуыдтытӕ фӕзынд январы. Ӕхсӕнад, рынчындоны ифтонгад кӕй нӕ кусы ӕмбӕлон уагыл, уый тыххӕй базыдта коронавирусы апарахаты фӕстӕ. Ацы низы диагностикӕйӕн ӕнӕмӕнг хъӕуы КТ

ЦХИНВАЛ, 28 май - Sputnik, Козаты Диана. Хуссар Ирыстоны Республикон бирӕпрофилон медицинон центры компьютерон томограф сараздзысты цыппӕрӕмы, загъта хицауады рабадты Ӕнӕниздзинад хъахъхъӕнынады министр Тотчиты Георгий.

Компьютерон томографы куысты згъуыдтытӕ фӕзынд январы. Ӕхсӕнад, рынчындоны ифтонгад кӕй нӕ кусы ӕмбӕлон уагыл, уый тыххӕй базыдта коронавирусы апарахаты фӕстӕ. Ацы низы диагностикӕйӕн ӕнӕмӕнг хъӕуы КТ. 

"Аппараты цалцӕджы куыстытӕ балхынцъ уыдзысты абон. Уый фӕстӕ кусдзысты гемодиализы аппаратыл", - загъта министр.

Хуссар Ирыстоны РБМЦ дохтыр, анестезиолог - реаниматолог Плиты Александр радзырдта Sputnik, ӕртыццӕджы республикӕмӕ кӕй ӕрцыдысты ӕртӕ специалисты ӕхсӕнадӕмон фирмӕйӕ, кӕцытӕ кусынц бӕрзондтехнологион ифтонгадимӕ. Уыдон рахастой, КТ-йӕн цы хъуаг кодта, уыцы деталь.

"Донецкаг фирмӕйы минӕвӕрттӕ, кӕцытӕ сӕхимӕ ӕмӕ ӕппӕт Уӕрӕсейы сӕ хъус дарынц 150 КТ-йы аппаратмӕ, рацыдысты Цхинвалмӕ знон. Уыдон рахастой, цы деталь нӕ фаг кодта КТ-йӕн, уый. Мӕ хъуыдымӕ гӕсгӕ йӕ абон сцалцӕг кӕндзысты", - загъта Плиты Александр.

0