ЦХИНВАЛ, 20 май – Sputnik, Плиты Фатимæ. Хуссар Иры минӕвӕр Дыгъуызты Уырызмӕг райста Уӕрӕсӕйы фӕсивӕды хъуыддӕгты фӕдыл федералон агентад Росмолодежы фӕсаууонмӕ конкурсы грант. Райсгӕ фӕрӕзты фӕлгӕтты конд ӕрцӕудзӕн сайт, цы ран дунейӕн равдисдзысты ӕндӕр рӕсугъд, сабыр ӕмӕ цымыдисон Кавказ, фехъусын Sputnik автор.
Проект "Ӕндӕр Кавказ" старт нысангонд у ацы азмӕ.
"Фӕсаууонмӕ конкурсӕй ӕрцыд ӕвӕццӕгӕн дзуапп, цӕттӕ кӕнӕм гӕххӕтыты фӕрӕзтӕ райсынмӕ. Уый фӕстӕ бавналдзыстӕм проекты реализацимӕ, фыццаг рады хъӕуы ифтонгад балхӕнын ӕмӕ командӕ ӕрӕмбырд кӕнын", - загъта проекты къухдариуӕггӕнӕг.
"Ӕндӕр Кавказ" конд у цалдӕр хайӕ, уыдонӕй сӕйраг у сайт саразын, фӕлӕ ма уыимӕ иумӕ арӕзт цӕудзысты тренингтӕ журналистикӕмӕ цы фӕсивӕд цымыдис кӕны, уыдонӕн.
"Сайтыл мах дунейӕн бавдисдзыстӕм ӕмткӕй ӕндӕр Кавказ ӕмӕ ӕндӕр Хуссар Ирыстон. Ацы регион хъуамӕ ӕнӕстабилондзинад ӕмӕ хӕстимӕ ма бӕттой, фӕлӕ йӕ зоной куыд фендтаг бынӕтты, цымыдисон традициты, хъӕздыг историйы къуым. Сайтыл бавдыстгонд ӕрмӕг ивд цӕудзӕн англисаг ӕвзагмӕ дӕр. Социалон хызӕгты къордты руаджы парахат цӕудзӕн нӕ информаци",- бафтыдта уый.
Дыгъуызты Уырызмӕджы ныхӕстӕм гӕсгӕ, кӕд коронавирусы апарахатимӕ уавӕр ӕрнывыл уа, уӕд уыдон фӕнд кӕнынц проекты фӕлгӕтты саразын балц журналисттӕн, сӕ нымӕцы фӕсарӕйнӕгтӕн дӕр, Хуссар Ирыстоны фендтаг бынӕттӕм.
