Бибылты Анатолий ӕмӕ Сергей Шойгу

Намысджын адӕймаг: Бибылты Анатолий УФ хъахъхъӕнынады министры тыххӕй

5
(ранӕуӕггонд 12:07 21.05.2020)
Хуссар Ирыстоны президент Бибылты Анатолий раарфӕ кодта УФ Хъахъхъӕнынады министрады сӕрглӕууӕг Сергей Шойгуйӕн йӕ юбилейы цытӕн

ЦХИНВАЛ, 21 май -  Sputnik. Хуссар Ирыстон стыр аргъ кӕны Сергей Шойгуйы хайбавӕрдӕн республикӕйы паддзахаддзинады арӕзтад ӕмӕ райрӕзтмӕ. Уый тыххӕй дзырдӕуы Хуссар Ирыстоны президент Бибылты Анатолийы арфӕйы Уӕрӕсейы хъахъхъӕнынады министрмӕ йӕ 65 азы юбилейы цытӕн.

Президент бахахх кодта, республикӕйы цӕрджытӕ алыхатт дӕр бузныг кӕй уыдзысты Сергей Шойгуйӕн 1991 азы зӕххӕнкъуысты фӕстиуджытӕ аиуварс кӕнынӕн баххуыс кӕныны тыххӕй, афтӕ ма гуырдзиаг-ирон конфликт 1992 азы ӕрбиноныг кӕнынмӕ хайбавӕрд бахӕссын ӕмӕ гуманитарон миссийы реализацийы тыххӕй 2008 азы.

"Ацы нысаниуӕгджын бон мӕ фӕнды сцыт кӕнын намысджын адӕймагӕн, кӕцыйӕн йӕ Фыдыбӕстӕйӕн лӕггад кӕнын у царды сӕйраг хӕс. Алыгъуызон бӕрнон паддзахадон бынӕтты кусгӕйӕ, Ды, стыр профессиналон ӕмӕ фӕлтӕрд разамонӕг, алыхатт дӕр истай бӕрзонд фӕстиуджытӕ ӕмӕ ӕнтыстджынӕй ӕххӕст кодтой паддзахадон хӕслӕвӕрдтӕ", - дзырдӕуы арфӕйы тексты.

Паддзахады сӕргълӕууӕджы цӕст бауарзта Сергей Шойгуйӕн фидар ӕнӕниздзинад, хорздзинад, йӕ нывӕзтыты реализаци ӕмӕ ног ӕнтыстытӕ йӕ куысты.

5
Коронавирус

Югосетпотребнадзоры фехъусын кодтой коронавирусы фӕдыл ног бӕрӕггӕнӕнтӕ

0
(ранӕуӕггонд 11:52 28.05.2020)
Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы – иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл

ЦХИНВАЛ, 28 май - Sputnik, Козаты Диана. Хуссар Ирыстоны коронавирусы апарахаты уавӕр у стабилон. Ӕртыццӕджы цы тесттӕ ауагътой, уыдонӕй иу дӕр нӕ равдыста вирусы уӕвынад, загъта Sputnik Югосетпотребнадзоры комитеты сӕрдары хӕдивӕг Гаглойты Анна.

Республикон бирӕпрофилон медицинон центры хоскӕнынад нырма цӕуынц аст адӕймаджы, кӕцытӕн уый размӕ сбӕрӕг кодтой коронавирус.

"COVID-19 диагнозимӕ нӕм ис 8 адӕймаджы. Медицинон хъусдарды бын сты 70 адӕймаджы, уыдонӕй 53 – медицинон организациты", - загъта Гаглойты Анна.

Уый банысан кодта, цы дыууӕ медицинон кусӕджы фӕрынчын сты, уыдонӕн сӕ уавӕр у хуыздӕр ӕмӕ сӕ тагъд рӕстӕджы рафысдзысты рынчындонӕй.

Иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл.

Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы, уӕдӕй фӕстӕмӕ сбӕрӕг кодтой коронавирусӕй 37 рынчыны. Уыцы пациенттӕй иуӕн коронавирусы диагноз не сфидар кодтой.

0

КТ

Компьютерон томограф Цхинвалы скусдзӕн цыппӕрӕмы

2
(ранӕуӕггонд 11:43 28.05.2020)
Компьютерон томографы куысты згъуыдтытӕ фӕзынд январы. Ӕхсӕнад, рынчындоны ифтонгад кӕй нӕ кусы ӕмбӕлон уагыл, уый тыххӕй базыдта коронавирусы апарахаты фӕстӕ. Ацы низы диагностикӕйӕн ӕнӕмӕнг хъӕуы КТ

ЦХИНВАЛ, 28 май - Sputnik, Козаты Диана. Хуссар Ирыстоны Республикон бирӕпрофилон медицинон центры компьютерон томограф сараздзысты цыппӕрӕмы, загъта хицауады рабадты Ӕнӕниздзинад хъахъхъӕнынады министр Тотчиты Георгий.

Компьютерон томографы куысты згъуыдтытӕ фӕзынд январы. Ӕхсӕнад, рынчындоны ифтонгад кӕй нӕ кусы ӕмбӕлон уагыл, уый тыххӕй базыдта коронавирусы апарахаты фӕстӕ. Ацы низы диагностикӕйӕн ӕнӕмӕнг хъӕуы КТ. 

"Аппараты цалцӕджы куыстытӕ балхынцъ уыдзысты абон. Уый фӕстӕ кусдзысты гемодиализы аппаратыл", - загъта министр.

Хуссар Ирыстоны РБМЦ дохтыр, анестезиолог - реаниматолог Плиты Александр радзырдта Sputnik, ӕртыццӕджы республикӕмӕ кӕй ӕрцыдысты ӕртӕ специалисты ӕхсӕнадӕмон фирмӕйӕ, кӕцытӕ кусынц бӕрзондтехнологион ифтонгадимӕ. Уыдон рахастой, КТ-йӕн цы хъуаг кодта, уыцы деталь.

"Донецкаг фирмӕйы минӕвӕрттӕ, кӕцытӕ сӕхимӕ ӕмӕ ӕппӕт Уӕрӕсейы сӕ хъус дарынц 150 КТ-йы аппаратмӕ, рацыдысты Цхинвалмӕ знон. Уыдон рахастой, цы деталь нӕ фаг кодта КТ-йӕн, уый. Мӕ хъуыдымӕ гӕсгӕ йӕ абон сцалцӕг кӕндзысты", - загъта Плиты Александр.

2