Центр Лидер-ы сапертæ

Центр "Лидер"-ы сапертæ не 'рцæудзысты Хуссар Ирмæ пандемийы тыххæй

6
(ранӕуӕггонд 10:54 22.05.2020)
Уæрæсейаг сапертæ 2016 азæй фæстæмæ æххуыс кодтой респуьликæйы территори минæтæй ссыгъдæг кæныны хъуыддаджы. Хуссар Иры УУМ радзырдтой, цæмæннæ ацæудзæн мадзалы фæндзæм этап

ЦХИНВАЛ, 22 май — Sputnik, Гæбæраты Элина. Уæлдай тæссагдæр ирвæзынгæнæн операцитæ уадзыны фæдыл уæрæсейаг Центр "Лидер"-ы саперты бон не суыдзæн 2020 азы æрцæуын Хуссар Ирыстонмæ пандемийы тыххæй, фехъусын кодта Sputnik республикæйы Уæлвæткон уавæрты министры фыццаг хæдивæг Бестауты Ацæмæз.

Ацы аз хъуамæ уагъд æрцыдаид республикæйы территори гуырдзиаг-ирон хæстæй баззайæг минæтæй ссыгъдæг кæныны фæндзæм этап.

Фыццаг хатт  "Лидеры" сапертæ æрцыдысты республикæмæ 2016 азы. Уыдон асыгъдæг кодтой сæдæйæ фылдæр гектары - куыстыты фæстиуæгæн ссардтой æмæ сæнæзианхъом кодтой минæй фылдæр рæмудзæн æрмæджы.

"Сапертæ Хуссар Иры территори минæтæй сыгъдæг кодтой цыппар азы фæд-фæдыл. Ацы аз куыстытæ хъуамæ адарддæр уыдаиккой Зары бæрзæндыл. Минæтæ баззадысты æфсæддон базæты бынæтты æмæ сты тынг тæссаг", - загъта Бестауты Ацæмæз.

Кæй минæтæй тæссаг бынæтты лæууынц сæрмагонд нысæнттæ, уæддæр УУМ уæлæмхасæй сиды цæрджытæм, цæмæй сæхи хъахъхъæной æмæ ма цæуой тæссаг территоритæм.

 

6
Рауагъдон бал

Хуссар Ирыстоны равзӕрстой фӕстаг дзӕнгӕрӕг ӕмӕ рауагъдон балы датӕтӕ

139
(ранӕуӕггонд 21:26 02.06.2020)
Хуссар Иры рауагъдонты сӕйраг бӕрӕгбонон мадзӕлтты датӕтӕ не 'нтыст сбӕлвырд кӕнын коронавирусы апарахаты тасӕй тобӕтӕ хынцгӕйӕ

ЦХИНВАЛ, 2 июн - Sputnik, Плиты Фатимӕ. Хуссар Ирыстоны ахуырады министрады равзӕрстой фӕстаг дзӕнгӕрӕг ӕмӕ рауагъдон балы датӕтӕ, фехъусын кодтой Sputnik уагдоны пресс-службӕйы.

Хуссар Иры рауагъдонты сӕйраг бӕрӕгбонон мадзӕлтты датӕтӕ не 'нтыст сбӕлвырд кӕнын коронавирусы апарахаты тасӕй тобӕтӕ хынцгӕйӕ.

"Развӕлгъау сбӕлвырд кодтам 17 июны ауадзын фӕстаг дзӕнгӕрӕг ӕмӕ 18 июны та рауагъдон бал. Раздӕрау та йӕ организаци фӕнд кӕнӕм бакӕнын сывӕллӕтты сфӕлдыстадон галуаны бӕрны. Фӕлӕ уыдон дырыс датӕтӕ не сты ӕмӕ сӕ ауадзын баст уыдзӕн коронавирусы фӕдыл уавӕримӕ", - загътой пресс-службӕйы.

Рауагъдон бал хицӕнӕй ауадзынц ӕрвылаз Дзауы районы дӕр.

"Дзауы районы ахуырдзаутӕн сӕ бал республикӕйы скъолатимӕ иумӕ Цхинвалы банхъардзысты ауадзын, фӕлӕ ацы фарст нырма скъуыддзаг нӕу", - загътой ахуырады министрады.

Хуссар Ирыстоны ацы аз скъолайӕн хӕрзбон зӕгъдзысты 468 ахуырдзауы, уыдонӕй цыппар иттӕг хорз нысӕнттыл. Иу чызг у сызгъӕрин майданмӕ претендент. Цыппар иууыл хуыздӕр бӕрӕггӕнӕнтимӕ ахуырдзауы сты гимназитӕ "Рухс" ӕмӕ "Альбион"-ӕй.

139
МСНК кусджытӕ

МХМ къордтӕ райдыдтой цӕттӕ кӕнын Уӕлахизы парадмӕ Цхинвалы

7
(ранӕуӕггонд 16:00 02.06.2020)
Хуссар Ирыстоны Мидхъуыддӕгты министрады кусджытӕ райдыдтой рӕнхъон тренировкӕтӕ Милицийы сӕрмагонд нысаниуӕджы къорды бӕстыхайы

ЦХИНВАЛ, 2 июн - Sputnik. Хуссар Ирыстоны Мидхъуыддӕгты министрады (МХМ) парадон къордтӕ, кӕцытӕ хайад райсдзысты бӕрӕгбонон маршы Цхинвалы центры, райдыдтой рӕнхъон цӕттӕкӕнынад, хъусын кӕны МХМ пресс-службӕ.

Амӕйразмӕ республикӕйы президент Бибылты Анатолий фехъусын кодта, Стыр Фыдбӕстон хӕсты Уӕлахизы 75 азы юбилейы цытӕн бӕрӕгбонон парад кӕй ацӕудзӕн Хуссар Ирыстоны столицӕйы 24 июны. Майы республикӕйы ацыдысты сӕрмагонд парадтӕ Стыр Фыдыбӕстон хӕсты ветерантӕн.

"Ныртӕккӕ парадон къордтӕ кусынц рӕнхъон цӕттӕкӕнынадыл. Парады хайад райсынмӕ цӕттӕ кӕнынц мидхъуыддӕгты органты 200-мӕ ӕввахс кусӕджы – сылгоймӕгты парадон къорд, милицийы сӕрмагонд нысаниуӕджы къорды кусджытӕ, афтӕ ма Хуссар Ирыстоны МХМ курсанттӕ, кӕцытӕ ахуыр кӕнынц УФ МХМ профилон ахуырадон уагдӕтты", - радзырдтой уагдоны.

Афтӕ ма парады рацӕудзӕн милицийы сӕрмагонд нысаниуӕджы къорды (МСНК) бронетехникӕ дӕр – цыппар БТР-80. Нырма репетицитӕ цӕуынц МСНК бӕстыхайы, уый фӕстӕ уыдон адарддӕр уыдзысты республикӕйы Хъахъхъӕнынады министрады ӕмӕ УФ 4-ӕм ӕфсӕддон базӕйы плацыл. Уӕлахизы парады генералон репетицитӕ уагъд цӕудзысты Театралон фӕзуатыл 19-22 июны.

7