Коронавирус

Цыппар сӕнӕнизуӕвӕджы, нӕй ног рынчынтӕ: COVID-19-ы уавӕр Хуссар Иры

13
(ранӕуӕггонд 11:00 22.05.2020)
Хуссар Ирыстоны ногӕй не сбӕрӕг кодтой коронавирусӕй фӕрынчынуӕвджыты, цифрӕтӕ нӕ ивынц ивгъуыд хуыцаубонӕй фӕстӕмӕ

ЦХИНВАЛ, 22 май - Sputnik. Ноджы цыппар адӕймагӕн коронавирусы диагнозимӕ схос кодтой ӕмӕ сӕ рафыстой медицинон уагдонӕй, загъта Югосетпотребнадзоры комитеты сӕрдарды хӕдивӕг Гаглойты Анна. Уый ма бафтыдта, знон кӕй ауагътой 70 тесты – уыдонӕй иу дӕр нӕ равдыста вирусы уӕвынад.

COVID-19-ӕй фӕстаг цыппар фӕрынчынуӕвӕджы республикӕйы сбӕрӕг кодтой 16 майы. Иумӕйагӕй республикӕйы ауагътой коронавирус сбӕрӕг кӕныны фӕдыл 1071 тесты.

Амӕйразмӕ Хуссар Ирыстоны сбӕрӕг кодтой коронавирусон инфекцийӕ 34 рынчыны, ӕртыццӕджы рынчындонӕй рафыстой дыууӕ пациенты, кӕцытӕн схос кодтой COVID-19-ӕй.

Фӕстаг цыппар боны карантинӕй рахызтысты ӕмбӕстӕгты цалдӕр къорды, сӕ нымӕцы УФ ӕфсӕддон ахуырадон уагдӕтты курсанттӕ. Медикты хъусдарды бын сты 213 адӕймаджы, уыдонӕй 146 рынчындоны.

Хуссар Ирыстон 6 майы онг ӕнтыстджынӕй тох кодта республикӕмӕ коронавирусон инфекцийы ӕрбахызтимӕ. Марты кӕрӕттӕй ӕхгӕд сты ахуырадон уагдӕттӕ, тобӕ сӕвӕрдтой адӕмы массон ӕмбырдтыл ӕмӕ автотранспорты змӕлдыл.

Уӕрӕсеимӕ арӕны уылты хизыныл тобӕ сӕвӕрдтой 5 апрелы ӕмӕ адарддӕр уыдзӕн 31 майы онг, кӕронмӕ ӕхгӕд у республикӕйы арӕн Гуырдзыстонимӕ.

13

КТ

Компьютерон томограф Цхинвалы скусдзӕн цыппӕрӕмы

0
(ранӕуӕггонд 11:43 28.05.2020)
Компьютерон томографы куысты згъуыдтытӕ фӕзынд январы. Ӕхсӕнад, рынчындоны ифтонгад кӕй нӕ кусы ӕмбӕлон уагыл, уый тыххӕй базыдта коронавирусы апарахаты фӕстӕ. Ацы низы диагностикӕйӕн ӕнӕмӕнг хъӕуы КТ

ЦХИНВАЛ, 28 май - Sputnik, Козаты Диана. Хуссар Ирыстоны Республикон бирӕпрофилон медицинон центры компьютерон томограф сараздзысты цыппӕрӕмы, загъта хицауады рабадты Ӕнӕниздзинад хъахъхъӕнынады министр Тотчиты Георгий.

Компьютерон томографы куысты згъуыдтытӕ фӕзынд январы. Ӕхсӕнад, рынчындоны ифтонгад кӕй нӕ кусы ӕмбӕлон уагыл, уый тыххӕй базыдта коронавирусы апарахаты фӕстӕ. Ацы низы диагностикӕйӕн ӕнӕмӕнг хъӕуы КТ. 

"Аппараты цалцӕджы куыстытӕ балхынцъ уыдзысты абон. Уый фӕстӕ кусдзысты гемодиализы аппаратыл", - загъта министр.

Хуссар Ирыстоны РБМЦ дохтыр, анестезиолог - реаниматолог Плиты Александр радзырдта Sputnik, ӕртыццӕджы республикӕмӕ кӕй ӕрцыдысты ӕртӕ специалисты ӕхсӕнадӕмон фирмӕйӕ, кӕцытӕ кусынц бӕрзондтехнологион ифтонгадимӕ. Уыдон рахастой, КТ-йӕн цы хъуаг кодта, уыцы деталь.

"Донецкаг фирмӕйы минӕвӕрттӕ, кӕцытӕ сӕхимӕ ӕмӕ ӕппӕт Уӕрӕсейы сӕ хъус дарынц 150 КТ-йы аппаратмӕ, рацыдысты Цхинвалмӕ знон. Уыдон рахастой, цы деталь нӕ фаг кодта КТ-йӕн, уый. Мӕ хъуыдымӕ гӕсгӕ йӕ абон сцалцӕг кӕндзысты", - загъта Плиты Александр.

0
Уӕлахизы бон

Бибылты Анатолий фехъусын кодта, кӕд рацӕудзӕн Хуссар Иры Ӕнӕмӕлгӕ полк

6
(ранӕуӕггонд 11:46 28.05.2020)
Амӕйразмӕ паддзахады сӕргълӕууӕг фехъусын кодта, Цхинвалы Уӕлахизы парад кӕй ацӕудзӕн уӕрӕсейаг столицӕйы парадимӕ иу бон – 24 июны

ЦХИНВАЛ, 28 май - Sputnik, Козаты Диана. Хуссар Ирыстоны президент Бибылты Анатолий фехъусын кодта, акци "Ӕнӕмӕлгӕ полк" республикӕйы кӕй ацӕудзӕн 26 июны.

Паддзахады сӕргълӕууӕг бахӕс кодта хъахъхъӕнынад ӕмӕ культурӕйы министртӕн бакусын организацион фарстытыл.

"Нӕ фыдтӕ ӕмӕ фыды фыдтӕ сӕхи иттӕг хорз равдыстой, ӕмӕ махӕн бар нӕй, цӕмӕй ма банысан кӕнӕм ацы бӕрӕгбон. Мах хъуамӕ бузныг зӕгъӕм, ацы бӕрӕгбон нын чи ӕрхаста, уыдонӕн", - загъта президент.

Амӕйразмӕ фехъусын кодтой Уӕлахизы парад ауадзыны датӕ дӕр, кӕцы аргъӕвтой коронавирусы пандемийы тыххӕй. Цхинвалы Уӕлахизы парад ацӕудзӕн Мӕскуыйы Сырх Фӕзуатыл парадимӕ иу бон – 24 июны.

6