Цхинвал

Штатон режимы: Цхинвалы скуыста ӕхсӕнадон транспорт

11
(ранӕуӕггонд 15:41 25.05.2020)
Карантинон режимы рӕстӕджы автотранспорты дӕлхайад фӕкъаддӕр кодта ӕхсӕнадон транспорты рейсты нымӕц хъӕутӕм ӕмӕ ӕрурӕдта йӕ куыст горӕты. Ныр та ацы арӕнӕвӕрдтӕ систой

ЦХИНВАЛ, 25 мая – Sputnik, Гӕбӕраты Элина. Цхинвалы ӕхсӕнадон транспорт къуырисӕрӕй райдыдта кусын штатон режимы, фехъусын кодта Sputnik Хуссар Ирыстоны автомобилон транспорты хайады хистӕр Дудайты Альберт.

Амӕйразмӕ коронавирусон инфекциимӕ тох кӕныны фӕлгӕтты республикӕйы территорийыл рӕстӕгмӕ ӕрурӕдтой ӕхсӕнадон транспорты куыст, горӕты автобустӕ цыдысты ӕрмӕстдӕр микрорайонтӕ "Хурзӕрин" ӕмӕ "Цӕгаттагмӕ".

"Цхинвалы райсомӕй фӕстӕмӕ цӕуынц автобустӕ ӕппӕт районтӕм. Алкӕцы маршруты дӕр архайы иу хӕдтулгӕ. Хъӕутӕм та ӕхсӕнадон транспорт цыд арӕнӕвӕрдты рӕстӕджы дӕр", - загъта Дудайты Альберт ӕмӕ банысан кодта, фӕстаг мӕйты районтӕм рейсты нымӕц кӕй фӕкъаддӕр кодтой.

Хайады хистӕр бафтыдта, зӕгъгӕ, амӕйразмӕ фӕкъаддӕр кодтой рейсты нымӕц хъӕутӕм – къуыри ӕртӕйӕ дыууӕмӕ. Ӕхсӕнадон транспорт ӕрвылкъуыри цыд хъӕутӕм, Знауыр, Дзауы районон центртӕ ӕмӕ горӕт Къуаисамӕ – ӕрвылбон, Чысангомы хъӕутӕм та къуыри дыууӕ хатты.

Хуссар Ирыстоны къухдариуӕгад 25 майӕ фӕстӕмӕ систа ӕхсӕнадон бынӕттӕ ӕмӕ транспорты куыстыл тобӕ.

Къуырисӕрӕй байгом уыдзысты кафетӕ, ресторантӕ, сывӕллӕтты хирхӕфсӕн центртӕ, спортивон объекттӕ, библиотекӕтӕ, уазӕгдӕттӕ ӕмӕ санаторитӕ. Афтӕ ма йӕ куыст сног кӕндзӕн ӕхсӕнадон транспорт дӕр.

Уӕрӕсеимӕ арӕны уылты хизыныл тобӕ адарддӕр кодтой 30 июны онг, афтӕ ма республикӕмӕ ӕрцӕууӕгаг ӕмбӕстӕгтӕн уыдзӕн ӕнӕмӕнг дыууӕкъуырион карантин. Амӕйразмӕ президент Бибылты Анатолий фехъусын кодта, фӕндаг кӕй байгом уыдзӕн Цӕгат Ирыстоны уавӕр куы фӕхуыздӕр уа, уый фӕстӕ.

11
Теннис

Хуссарирыстойнаг теннисисттæ хайад исынц Уæрæсейы чемпионаты сахъатты хсæн

0
Арæнæвæрд уавæртимæ спортсменты хсæн уæлыстол теннисæй ерыстæ уагъд цæуынц 25-æй 30-æм сентябрьмæ Чебоксарты

ЦХИНВАЛ, 28 сен - Sputnik. Хуссар Ирыстоны минæвæрттæ хайад исынц Уæрæсейы чемпионаты уæлыстол столы теннисæй, кæцы уагъд цæуы арæнæвæрд уавæртимæ спорсменты хсæн. Ерыстæ райдыдтой Чебоксарты 25 сентябры æмæ адарддæр уыдзысты 30 сентябры онг, хъусын кæны РХИ фæсивæдон политикæ æмæ спорты комитеты пресс-службæ.

Хуссар Иры уæлыстол теннисы федерацийы сæргълæууæг Джиоты Мириан куыд радзырдта, афтæмæй ерысты хайад исынц Куыдзеты Игорь æмæ Козаты Олег.

"Куыдзеты Игорь у фæлтæрдджын спортсмен æмæ хауы йæ классы уæрæсейы 15 хуыздæр теннисистты номхыгъды. Козаты Олег та фыццаг хатт архайы Уæрæсейы чемпионаты. Уый у ерысты иууыл æвзонгдæр спортсмен, цæуы йыл æрмæстдæр 14 азы", - загъта тренер.

Уый бафтыдта, зæгъгæ, йæ кармæ æнæкæсгæйæ, Козаты лæппу хъазы Уæрæсейы хуыздæр теннисисты æмрæнхъ. Олег, йæ къухдариуæггæнæджы ныхæстæм гæсгæ, тынг фæцыд Уæрæсейы æмбырдгонды эксперттæ æмæ тренерты зæрдæмæ.

0
Цхинвал

Хуссар Иры ивгъуыд къуырийы авариты бахъыгдард сты ӕртӕ адӕймаджы

3
(ранӕуӕггонд 15:08 28.09.2020)
Барадхъахъхъӕнӕг органты кусджытӕ радзырдтой ивгъуыд къуырийы республикӕйы фӕндӕгтыл уавӕры тыххӕй

ЦХИНВАЛ, 28 сен - Sputnik. Хуссар Ирыстоны ивгъуыд къуырийы ӕрцыд ӕрӕ фӕндагон-транспортон цауы, уыдон фӕстиуӕгӕн ӕртӕ адӕймаджы бахаудтой республикӕйы бирӕпрофилон медцентрмӕ алыгъуызон цӕфтимӕ. Уый тыххӕй къуырисӕры хъусын кӕны республикӕйы МХМ пресс-службӕ.

Хуссар Ирыстоны фӕндӕгтыл 21-28 сентябры ӕдӕппӕт банысан кодтой фӕндагон змӕлды 187 фӕткхӕлды. Се хсӕн разынд аст шофыры, кӕцытӕ хӕдтулгӕтӕ скъӕрдтой нозтджынӕй.

Ивгъуыд къуыри барадхъахъхъӕнӕг органты кусджытӕ нӕ рабӕрӕг кодтой фыдракӕндтӕ, ӕрмӕст иу адӕймаджы ӕрурӕдта Цхинвалы районы милици ӕхсӕнадон фӕтк фехалыны тыххӕй.

3