Цхинвалы цур трассӕйыл афӕлдӕхт бӕлас

УУМ кусджытӕ ссыгъдӕг кодтой трассӕ Цхинвалы районы ӕрдзон бӕллӕхы фӕстиуджытӕй

10
(ранӕуӕггонд 16:16 25.05.2020)
Ленингоры районмӕ трассӕйыл тыхдымгӕйы фӕстиуӕгӕн бӕлас афӕлдӕхт фӕндагыл

ЦХИНВАЛ, 25 май – Sputnik, Гӕбӕраты Элина. Тӕркъӕвдайы рӕстӕджы тыхдымгӕты фӕстиуӕгӕн Цхинвал – Ленингор трассӕйыл афӕлдӕхт бӕлас, кӕцы бахъыгдӕрдта фӕндагон змӕлд.

Упавшее дерево на трассе близ Цхинвала
© Sputnik / Эльбрус Тигиев
Упавшее дерево на трассе близ Цхинвала

Хуссар Ирыстоны Уӕлвӕткон уавӕрты министрады (УУМ) кусджытӕ ӕрбацыдысты цауы бынатмӕ ӕмӕ ссыгъдӕг кодтой фӕндаг.

"Радгӕсон хайадмӕ бадзырдтой, уый фӕстӕ цауы бынатмӕ уайтагъд ацыдысты ирвӕзынгӕнджытӕ. Бӕлас алыг кодтой ӕмӕ йӕ айстой фӕндагӕй", - банысан кодтой уагдоны радгӕсон хайады.

Ӕрхаугӕ бӕлас аскъуыдта электрондыхы хызӕгтӕ, уый фӕдыл ӕввахс хӕдзӕрттӕ баззадысты ӕнӕ рухсӕй.

Паддзахадон унитарон куыстуат "Энергоресурс"-ы радгӕсон хайады банысан кодтой, энергетиктӕ кӕй кусынц проблемӕ аиуварс кӕныныл.

  • Цхинвалы цур трассӕйыл афӕлдӕхт бӕлас
    Цхинвалы цур трассӕйыл афӕлдӕхт бӕлас
    © Sputnik / Natalia Airiyan
  • Цхинвалы цур трассӕйыл афӕлдӕхт бӕлас
    Цхинвалы цур трассӕйыл афӕлдӕхт бӕлас
    © Sputnik / Natalia Airiyan
1 / 2
© Sputnik / Natalia Airiyan
Цхинвалы цур трассӕйыл афӕлдӕхт бӕлас
10
Хуссар Ир нысан кӕны Паддзахадон тырысайы бон

Хуссар Ир нысан кӕны Паддзахадон тырысайы бон

3
(ранӕуӕггонд 10:16 18.09.2020)
Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы

ЦХИНВАЛ, 19 сен — Sputnik, Плиты Фатимæ. Хуссар Ирыстоны сабаты, 19 сентябры, нысан кӕнынц Паддзахадон тырысайы бон. Бӕрӕгбонӕн бындур ӕвӕрд ӕрцыд 31 азы размӕ.

Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы.

"Развæлгъау столицæйы административон бæстыхæйтты сфæлыстой паддзахаон тырысатæй. Къуырийы кæрон Хуссар Ирыстон нысан кæны дыууæ бæрæгбон – Тырысайы бон æмæ Республикæ расидыны бон, дыууæ нысаниуæгджын датæйы цытæн Цхинвалы бакодтой ног баннертæ æмбæлон тематикæйыл", - загъта Sputnik культурæйы министрады кусæг Остъаты Мæдинæ.

Уый ма банысан кодта, æхсæнады цытджын рабадт "Прописано в сердце Осетии" аргъæвтой 18-æм сентябрæй 20-мæ.

Паддзахадон тырысайы бон Хуссар Ирыстоны фыццаг хатт банысан кодтой 2013 азы, фæлæ националон символ ссис 1989 азæй фæстæмæ. 1990 азы ноябры республикæйы парламент сфидар кодта ирон триколор, куыд паддзахаддзинады символ.

Ирон тырыса у хæдбар æмæ сæрибар бæстæйы символ. Тырыса у ӕртӕхуызон, конд у урс, сырх ӕмӕ бур кӕттагӕй. Ацы ӕртӕ хуыз дӕр иттӕг хорз зындгонд сты суанг рагон Аланийы дугӕй. Урс хуыз нысан кӕны монондзинад, сыгъдӕгдзинад, зонд. Сырх — ӕхсар, хъӕбатырдзинад, рӕстдзинад. Бур — бӕркад, фарн, мулк. Тырыса разæнгард кæны ирон адӕмы ног цард аразынмæ, дидинæфтаугæ фидæны фæндæгтыл цæуынмæ.

3
Транскам

Фылдӕр адӕм фылдӕр рейстӕ: куыд фӕивта Цхинвалӕй Дзӕуджыхъӕумӕ автобусты график

3
(ранӕуӕггонд 15:18 18.09.2020)
Ӕхсӕнадон транспорт цӕуы уадзӕн пункт "Дӕллаг Зӕрӕмӕг"-ы уылты ӕнӕ зындзинӕдтӕй, уый фӕдыл дзы бирӕ адӕм пайда кӕнынц Уӕрӕсемӕ ацӕуынӕн

ЦХИНВАЛ, 18 сен — Sputnik, Гӕбӕраты Элина. Цхинвалӕй Дзӕуджыхъӕумӕ рейсон автобусты нымӕц фӕфылдӕр Уӕрӕсеимӕ паддзахадон арӕны баконды фӕстӕ, фехъусын кодта Sputnik Хуссар Ирыстоны автомобилон транспорты хайады сӕргълӕууӕг Дудайты Альберт.

Хуссар Ирыстон ӕмӕ Уӕрӕсе систой арӕны сӕрты хизыныл тобӕ дыццӕджы, 15 сентябры. Арӕн уыд ӕхгӕд фондз мӕйы дӕргъы, ныр уадзӕн пункт "Дӕллаг Зӕрӕмӕг"-ы ӕрмӕбырд сты километрон радтӕ.

Уыимӕ иумӕ, республикӕйӕ автобустӕ хизынц уадзӕн пункты уылты ӕнӕ зындзинӕдтӕй, уый фӕдыл бирӕ адӕм пайда кӕнынц ӕхсӕнадон транспортӕй Уӕрӕсемӕ ацӕуынӕн.

"Бирӕ адӕм дзы вӕййы, автобустӕ райдайынц цӕуын райсом раджы. Хӕдтулгӕты бирӕ бынат нӕй, ӕмӕ уайтагъд йедзаг кӕнынц. Ӕндӕрӕбон мах арвыстам рейсы ӕхсӕз автобусы, хуымӕтӕг рӕстӕджы та иу ӕрвыстам дыууӕ кӕнӕ ӕртӕ автобусы Цӕгат Ирыстонмӕ", - радзырдта Дудайты Альберт.

Дудайты Альберты хъуыдымӕ гӕсгӕ, ӕхсӕнадон транспортмӕ ажиотаж тагъд рӕстӕджы фӕкъаддӕр уыдзӕн ӕмӕ рейсон автобустӕ рахиздзысты куысты хуымӕтӕг режиммӕ.

3