Уӕлахизы Парад Хуссар Иры ацӕудзӕн Сырх Фӕзуатыл парадимӕ иу бон

© Sputnik / Наталья АйриянУӕлахизы парад Цхинвалы
Уӕлахизы парад Цхинвалы - Sputnik Хуссар Ирыстон
Рафыссын
Стыр Фыдыбӕстон хӕсты Уӕлахизыл 75 азы сӕххӕты цытӕн парад Мӕскуыйы ацӕудзӕн 24 июны – уыцы бон цытджын марш ацӕудзӕн Цхинвалы дӕр

ЦХИНВАЛ, 27 май - Sputnik. Стыр Фыдыбӕстон хӕсты Уӕлахизыл 75 азы сӕххӕсты цытӕн ӕфсӕддон парад Хуссар Ирыстоны ацӕудзӕн иу бон Мӕскуыйы Сырх фӕзуатыл маршимӕ, фехъусын кодта Sputnik республикӕйы президенты пресс-секретарь Гасситы Дина.

Цхинвал: Уӕлахизы бон - Sputnik Хуссар Ирыстон
Хуссар Ирыстоны аргъӕвтой Уӕлахизы парад

Дыццӕджы уӕрӕсейаг президент Владимир Путин фехъусын кодта, Уӕлахизы Парад Сырх Фӕзуатыл кӕй ацӕудзӕн 24 июны, Ӕнӕмӕлгӕ полк та рацӕудзӕн 26 июлы.

Хуссар Иры Ӕнӕмӕлгӕ полчы цыды тыххӕй Гасситы Дина банысан кодта, йӕ ауадзыны датӕ кӕй аскъуыддзаг кӕндзысты июны кӕрӕтты, республикӕйы коронавирусимӕ уавӕр ӕмӕ эпидемиологон уавӕр хынцгӕйӕ.

Апрелы кӕрӕтты президент Бибылты Анатолий Бибилов фехъусын кодта, Хуссар Ирыстоны Уӕлахизы Парад кӕй ахастой фӕстӕдӕрмӕ к4оронавирусы апарахаты тасӕй. Уымӕ ӕнӕкӕсгӕйӕ, хъахъхъӕнынады министрад сорганизаци кодта алы ветеранӕн дӕр хисӕрмагонд парад йӕ хӕдзары раз.

Ног хабӕртты лентӕ
0