Волонтертӕ сифтонг кодтой медицинон маскӕтӕй Къуайсайы рынчындоны

Волонтертӕ сифтонг кодтой медицинон маскӕтӕй Къуайсайы рынчындоны

45
(ранӕуӕггонд 11:13 01.06.2020)
Коронавирус Хуссар Ирыстоны арӕнтӕм куы ӕрбаввахс, уӕдӕй фӕстӕмӕ Бекъойыты Хох йе 'рмадз ракодта маскӕтӕ хуыйны фӕзуатмӕ

ЦХИНВАЛ, 1 июн — Sputnik, Плиты Фатимӕ. Волонтертӕ сифтонг кодтой медицинон маскӕтӕй Дзауы районы горӕт Къуайсайы рынчындоны медперсонал. Хӕрзгӕджытӕ ацы къуыри фӕнд кӕнынц байуарын се 'рмӕджы фӕстаг гуырахст Цхинвалы ӕмӕ уымӕй балхынцъ кӕнын сӕ хӕрзаудӕн куыст, фехъусын кодта Sputnik волонтертӕй иу Хъуылымбегты Елена.

Волонтеры передали медперсоналу больницы города  Квайса защитные маски
Из архива Елены Кулумбеговой
Волонтертӕ сифтонг кодтой медицинон маскӕтӕй Къуайсайы рынчындоны

Хъахъхъӕнӕн ӕрмӕг хуыд ӕрцыд хуссарирыстойнаг дизайнер Бекъойты Хохы ӕрмадзы.

"Маскӕтӕ радтам Къуайсайы рынчындоны ӕппӕт медперсоналӕн. Рынчындоны сӕйраг дохтыр нӕ тынг фӕбузныг ис, кӕд сӕм тӕссаг низ нӕй, уӕддӕр маскӕтӕ сӕ куысты сты хъӕугӕ. Цы ма нӕм ис цӕттӕ, уыдон та ацы бонты ауадздзыстӕм акци ӕмӕ сӕ байуардзыстӕм Цхинвалы", - загъта Елена.

Волонтер ма банысан кодта, ӕмткӕй кӕй бахуыдтой цалдӕр мин маскӕйы.

"Маскӕты дизайн Бекъойты Хох йӕхӕдӕг ӕрымысыд китайаг маскӕты бындурыл. Ис дзы пайда кӕнӕн цалдӕр хатты. Хъуымац ӕвзӕрст цад ахӕм, цӕмӕй дзы ӕнцон уа улӕфын", - банысан кодта уый.

Волонтеры передали медперсоналу больницы города  Квайса защитные маски
Из архива Елены Кулумбеговой
Волонтертӕ сифтонг кодтой медицинон маскӕтӕй Къуайсайы рынчындоны

Волонтертӕм се 'ххуысы къух фӕдардтой президент Бибылты Анатолий, парти "Иугонд Ирыстон", куыстуат "Дорэкспострой", фӕнагарӕзтадон комитет.

Коронавирус Хуссар Ирыстоны арӕнтӕм куы ӕрбаввахс, уӕдӕй фӕстӕмӕ Бекъойыты Хох йӕ ӕрмадз ракодта маскӕтӕ хуыйны фӕзуатмӕ. Хӕрзгӕджытӕ Мамиты Лиана, Дочиты Джулия, Хъуылымбегты Елена ӕмӕ дизайнер йӕхӕдӕг бахуыдтой фондз мин маскӕйӕ фылдӕр, вирусы апарахаты дуджы ӕнӕмӕнгхъӕуӕг ӕрмӕг уӕрст ӕрцыд Хуссар Ирыстоны ӕппӕт рынчындӕтыл ӕмӕ ФАП-ыл. Маскӕтӕ райстой МСНК кусджытӕ, кӕцытӕ кусынц фӕсарӕнтӕй ӕрцӕуӕг адӕмимӕ, стӕй ма фӕнагон службӕты кусджытӕ, кӕцытӕ не урӕдтой сӕ куыст пандемиимӕ ӕнӕкӕсгӕйӕ.

Волонтеры передали медперсоналу больницы города  Квайса защитные маски
Из архива Елены Кулумбеговой
Волонтертӕ сифтонг кодтой медицинон маскӕтӕй Къуайсайы рынчындоны
45
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы Хъорсеуы хъӕумӕ цалцӕг кӕнынц фӕндаг

8
(ранӕуӕггонд 14:22 18.09.2020)
Афтӕ ма цалцӕг кӕнынц фӕндаг, кӕцы цӕуы Хъорсеуы Дзуармӕ. Ныртӕккӕ фӕндӕгтӕ уӕрӕх кӕнынц, фӕстӕдӕр дзы ныккалдзысты хуыр

ЦХИНВАЛ, 18 сен — Sputnik, Хъуылымбегты Азӕмӕт. Дзауы районы Хъорсеуы хъӕумӕ фӕндаг нӕ цалцӕг кодтой цалдӕр азы. Ныридӕгӕн цалдӕр боны Дзауы районы Цӕрӕнуатон-коммуналон хӕдзарады (ЦКХ) кусджытӕ цалцӕг кӕнынц фӕндаг. Уыдон уӕрӕх кӕнынц фӕндаг ӕмӕ дзы калынц хуыр, фехъусын кодтой Sputnik Дзауы районы администрацийы пресс-службӕйы.

В селе Хъорсеу Дзауского района ремонтируют дорогу
Пресс-служба администрации Дзауского района
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы ЦКХ хистӕр Цхуырбаты Тамерланы ныхӕстӕм гӕсгӕ, цалцӕг кӕнынц Хъорсеуы Дзуармӕ фӕндаг дӕр, кӕцы ис кӕлӕтдзаг уавӕры.

Амӕй размӕ Дзауы районы администрацийы сӕргълӕууӕг Джиоты Андрей радзырдта районы фӕндӕгты цалцӕггӕнӕн куыстыты тыххӕй.

8
Цхинвалы рынчындон

Уӕрӕсейаг дохтыртӕ баххуыс кӕндзысты сӕ коллегӕтӕн Цхинвалы COVID-19-ы ныхмӕ тохы

9
Хуссар Ирыстон ӕмӕ Уӕрӕсе систой тобӕ арӕны сӕрты хизыныл дыццӕджы, 15 сентябры. Уый фӕдыл фӕфылдӕр коронавирусон инфекцийы апарахаты тас республикӕйы

ЦХИНВАЛ, 18 сен — Sputnik, Гӕбӕраты Элина. Уӕрӕсейаг специалисттӕ ӕрцӕудзысты Цхинвалмӕ, цӕмӕй саргъ кӕной коронавирусимӕ уавӕрӕн республикӕйы, афтӕ ма сорганизаци кӕной низы апарахаты профилактикӕ ӕмӕ куы бахъӕуа, уӕд медицинон ӕххуыс бакӕной. Уый тыххӕй Sputnik радзырдта Ӕнӕниздзинад хъахъхъӕнынад ӕмӕ социалон райрӕзты министрады пресс-секретарь Битеты Ирина.

Фӕндагон бастдзинад Хуссар Ирыстон ӕмӕ Уӕрӕсейы хсӕн скуыста хуымӕтӕг режимы 15 сентябрӕй, уый размӕ уыд арӕнӕвӕрдтӕ, сӕ нымӕцы ӕнӕмӕнг дыууӕкъуырион карантин республикӕмӕ ӕрцӕуӕггӕгтӕн.

Уӕрӕсеимӕ арӕны баконды фӕдыл Югосетпотребнадзор фӕтыхджындӕр кодта профилактикон мадзӕлттӕ республикӕйы, медицинон уагдӕттӕ та рахызтысты рынчынты райсынмӕ цӕттӕдзинады режиммӕ.

"Хуссар Ирыстонмӕ ӕрцӕудзысты ӕртӕ специалисты Цӕгат Ирыстонӕй, цӕмӕй равдисой сӕ фӕлтӕрддзинад бынӕттон дохтыртӕн. Уыдон куыстой пандемийы рӕстӕджы ӕмӕ бацӕттӕ кодтой пациенттӕн хоскӕнынады алгоритмтӕ", - загъта Битеты Ирина.

Уӕрӕсейаг медиктӕ ӕрцӕудзысты республикӕмӕ майрӕмбоны, 18 сентябры.

Уӕрӕсеимӕ арӕны уылты хизыныл тобӕ сӕвӕрдтой 13 апрелы ӕмӕ йӕ уый фӕстӕ цалдӕр хатт адарддӕр кодтой – фӕстаг хатт августы кӕронмӕ. Республикӕмӕ ӕрцӕуӕггӕгтӕн уыд ӕнӕмӕнг дыууӕкъуырион карантин. Фӕстӕдӕр изоляцийӕ ссӕрибар кодтой коронавирусӕй уый размӕ чи фӕрынчын, уыдоны. Уый тыххӕй уыдон хъуамӕ радтой анализтӕ Цӕгат Ирыстоны ӕмӕ бавдисой уый фӕдыл справкӕтӕ.

9