Сывӕллӕтты хъахъхъӕныны бон

Куыд нысан кӕнынц Цхинвалы Сывӕллӕтты хъахъхъӕныны бон

10
(ранӕуӕггонд 13:09 01.06.2020)
Бӕрӕгбон уагъд цӕуы арӕнӕвӕрдты уавӕрты, кӕцытӕ баст сты республикӕйы коронавирусон инфекцийы апарахат ма ‘руадзынимӕ

ЦХИНВАЛ, 1 июн - Sputnik, Гӕбӕраты Элина. Июны фыццаг бонты дунейы бирӕ бӕстӕты нысан кӕнынц Сывӕллӕтты хъахъхъӕныны ӕхсӕнадӕмон бон. Хуссар Ирыстоны ацы бон уагъд цыдысты бӕрӕгбонон мадзӕлттӕ Театралон фӕзуатыл. Ацы аз арӕнӕвӕрдон мадзӕлтты тыххӕй столицӕйы фӕзуатыл бӕрӕгбон нӕ уыдзӕн.

Горӕт Цхинвалы культурӕйы хайады хистӕр Тасойты Игорь куыд радзырдта Sputnik, афтӕмӕй бӕрӕгбонон мадзӕлттӕ аргъӕвтой хуыздӕр рӕстӕгмӕ.

"Мах абон дӕр цӕттӕ стӕм сорганизаци кӕнын бӕрӕгбон, фӕлӕ ацы уавӕры тыххӕй нӕ рауайдзӕн. Сывӕллӕтты ӕрӕмбырд кӕнын нырма нӕй гӕнӕн, хъӕуы хъуыды кӕнын се 'нӕниздзинадыл", - загъта Тасойты Игорь.

Уый банысан кодта, фыццаг кӕй нывӕндысты ауадзын онлайн-бӕрӕгбон, фӕлӕ Хайадӕн уыййас техникон фӕрӕзтӕ нӕй.

Массон бӕрӕгбон кӕй нӕ уыдзӕн, уымӕ ӕнӕкӕсгӕйӕ бирӕ ныййарджытӕ аразынц чысыл бӕрӕгбонтӕ сӕ сабитӕн.

Аниматор Зарина Соколова радзырдта, кӕй йӕ фӕхуыдтой столицӕйы микрорайонтӕй иумӕ бӕрӕгбонмӕ.

"Фӕдзырдтой мӕм мадзалмӕ. Загътой, кӕй сӕ фӕнды саразын сюрприз сабитӕн. Бӕрӕгбон уыдзӕн анимациимӕ. Ӕз аскъуыддзаг кодтой, кӕй сӕм ӕрбацӕудзӕн мультик "Фиксики"-йы хъайтартӕй иу, уымӕн ӕмӕ бӕрӕгбоны уыдзысты лӕппутӕ ӕмӕ чызджытӕ дӕр", - бахахх кодта уый.

Ӕндӕр ныййарджытӕ та сӕхӕдӕг сорганизаци кӕндзысты бӕрӕгбон сӕ сывӕллӕттӕн. Дыууы чызджы мад Тедеты Алина радзырдта Sputnik, бӕрӕгбон кӕй банысан кӕндзысты балцӕй хиирхӕфсӕн центрмӕ.

Сывӕллӕтты хъахъхъӕныны ӕхсӕнадӕмон бон нысан кӕнынц ӕппӕт дунейы 1950 азӕй фӕстӕмӕ Сылгоймӕгты ӕхсӕнадӕмон демократион федерацийы скъуыддзагмӕ гӕсгӕ.

Коронавирусы пандемийы тыххӕй ацы бӕрӕгбон Уӕрӕсейы горӕтты нысан кӕнынц онлайн хъӕзтытӕ ӕмӕ конкурстӕй.

Амӕйразмӕ Хуссар Ирыстоны къухдариуӕгад райста мадзӕлттӕ республикӕйы коронавирусон инфекцийы апарахат ма ‘руадзыны нысанӕн: марты кӕрӕттӕй ӕхгӕд сты карантиныл ахуырадон уагдӕттӕ, тобӕ сӕвӕрдтой адӕмы массон ӕмбырдтыл ӕмӕ култьтурон-массон мадзӕлттӕ уадзыныл.

Афтӕ ма тобӕ сӕвӕрдтой Уӕрӕсеимӕ арӕны уылты хизыныл 30 июны онг, кӕронмӕ ӕхгӕд у Гуырдзыстонимӕ арӕн дӕр.

10
Хуссар Ир нысан кӕны Паддзахадон тырысайы бон

Хуссар Ир нысан кӕны Паддзахадон тырысайы бон

16
(ранӕуӕггонд 10:16 18.09.2020)
Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы

ЦХИНВАЛ, 19 сен — Sputnik, Плиты Фатимæ. Хуссар Ирыстоны сабаты, 19 сентябры, нысан кӕнынц Паддзахадон тырысайы бон. Бӕрӕгбонӕн бындур ӕвӕрд ӕрцыд 31 азы размӕ.

Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы.

"Развæлгъау столицæйы административон бæстыхæйтты сфæлыстой паддзахаон тырысатæй. Къуырийы кæрон Хуссар Ирыстон нысан кæны дыууæ бæрæгбон – Тырысайы бон æмæ Республикæ расидыны бон, дыууæ нысаниуæгджын датæйы цытæн Цхинвалы бакодтой ног баннертæ æмбæлон тематикæйыл", - загъта Sputnik культурæйы министрады кусæг Остъаты Мæдинæ.

Уый ма банысан кодта, æхсæнады цытджын рабадт "Прописано в сердце Осетии" аргъæвтой 18-æм сентябрæй 20-мæ.

Паддзахадон тырысайы бон Хуссар Ирыстоны фыццаг хатт банысан кодтой 2013 азы, фæлæ националон символ ссис 1989 азæй фæстæмæ. 1990 азы ноябры республикæйы парламент сфидар кодта ирон триколор, куыд паддзахаддзинады символ.

Ирон тырыса у хæдбар æмæ сæрибар бæстæйы символ. Тырыса у ӕртӕхуызон, конд у урс, сырх ӕмӕ бур кӕттагӕй. Ацы ӕртӕ хуыз дӕр иттӕг хорз зындгонд сты суанг рагон Аланийы дугӕй. Урс хуыз нысан кӕны монондзинад, сыгъдӕгдзинад, зонд. Сырх — ӕхсар, хъӕбатырдзинад, рӕстдзинад. Бур — бӕркад, фарн, мулк. Тырыса разæнгард кæны ирон адӕмы ног цард аразынмæ, дидинæфтаугæ фидæны фæндæгтыл цæуынмæ.

16
Транскам

Фылдӕр адӕм фылдӕр рейстӕ: куыд фӕивта Цхинвалӕй Дзӕуджыхъӕумӕ автобусты график

5
(ранӕуӕггонд 15:18 18.09.2020)
Ӕхсӕнадон транспорт цӕуы уадзӕн пункт "Дӕллаг Зӕрӕмӕг"-ы уылты ӕнӕ зындзинӕдтӕй, уый фӕдыл дзы бирӕ адӕм пайда кӕнынц Уӕрӕсемӕ ацӕуынӕн

ЦХИНВАЛ, 18 сен — Sputnik, Гӕбӕраты Элина. Цхинвалӕй Дзӕуджыхъӕумӕ рейсон автобусты нымӕц фӕфылдӕр Уӕрӕсеимӕ паддзахадон арӕны баконды фӕстӕ, фехъусын кодта Sputnik Хуссар Ирыстоны автомобилон транспорты хайады сӕргълӕууӕг Дудайты Альберт.

Хуссар Ирыстон ӕмӕ Уӕрӕсе систой арӕны сӕрты хизыныл тобӕ дыццӕджы, 15 сентябры. Арӕн уыд ӕхгӕд фондз мӕйы дӕргъы, ныр уадзӕн пункт "Дӕллаг Зӕрӕмӕг"-ы ӕрмӕбырд сты километрон радтӕ.

Уыимӕ иумӕ, республикӕйӕ автобустӕ хизынц уадзӕн пункты уылты ӕнӕ зындзинӕдтӕй, уый фӕдыл бирӕ адӕм пайда кӕнынц ӕхсӕнадон транспортӕй Уӕрӕсемӕ ацӕуынӕн.

"Бирӕ адӕм дзы вӕййы, автобустӕ райдайынц цӕуын райсом раджы. Хӕдтулгӕты бирӕ бынат нӕй, ӕмӕ уайтагъд йедзаг кӕнынц. Ӕндӕрӕбон мах арвыстам рейсы ӕхсӕз автобусы, хуымӕтӕг рӕстӕджы та иу ӕрвыстам дыууӕ кӕнӕ ӕртӕ автобусы Цӕгат Ирыстонмӕ", - радзырдта Дудайты Альберт.

Дудайты Альберты хъуыдымӕ гӕсгӕ, ӕхсӕнадон транспортмӕ ажиотаж тагъд рӕстӕджы фӕкъаддӕр уыдзӕн ӕмӕ рейсон автобустӕ рахиздзысты куысты хуымӕтӕг режиммӕ.

5
Дзиццойты Юрий

Хуссар Ирыстоны паддзахад сæвзæрыны рæстæг нымайæн ис 1920 азæй Дзиццойты Юрий

0
(ранӕуӕггонд 19:43 19.09.2020)
Филологон зонæдты кандидат Дзиццойты Юрий радио Sputnik Хуссар Ирыстонæн интервьюйы радзырдта республикæйы расидыны боны тыххæй
Хуссар Ирыстоны паддзахад сывзæрыны рæстæг нымайæн ис 1920 азæй – Дзиццойты Юрий

Хуссар Ирыстоны республикæйыл 30 аз сæххæст ацы аз 20 сентябры. Дзиццойты Юрий куыд радзырдта, уымæ гæсгæ нæ паддзахад у æлхæд тугæй.

"Нæ паддзахаддзинад 1920 азæй куы нымаиккам, уæд раст дæр у. Уый нын радта фадат, цæмæй 1990 азы автономон областæн йæ статус фæбæрзонддæр кодтаиккам", - загъта Юрий.

Дзиццойты Юрийы ныхæстæм гæсгæ, республикæ расидын фадат лæвæрдта, цæмæй ирон адæм сæхæдæг æвзарой сæ дарддæры фæндаг.

"Гуырдзыстон хицæнкæныны фæндагыл ныллæуыд, æмæ цæмæй мах дæр семæ ма акодтаиккой, уый тыххæй нын хъуамæ уыдаид конституци, фæлæ автономон областæн уый нæ уыд", - бафиппайта Дзиццойты Юрий.

Юрий ма куыд радзырдта, уымæ гæсгæ уыцы рæстæджы цы къахдзæфтæ арæзт æрцыдысты, уыдон уыдысты хæдбар паддзахады бындуртæ.

0
Темӕтӕ:
Радио иронау