Пухаты Эрик басгӕрста арӕзтадон ӕрмӕджыты заводы куыст

Пухаты Эрик басгӕрста арӕзтадон ӕрмӕджыты заводы куыст

10
(ранӕуӕггонд 12:08 02.06.2020)
Хуссар Ирыстоны премьер-министр банысан кодта, арӕзтадон организацитӕн кӕй хъуамӕ ма уа арӕзтадон ӕрмӕджыты цухдзинад Инвестпрограммӕйы реализацийы райдайӕнмӕ

ЦХИНВАЛ, 2 июн - Sputnik. Хуссар Ирыстоны хицауады сӕрдар Пухаты Эрик ӕмӕ йӕ хӕдивӕг, экономикон райрӕзты министр Бекъойты Геннадий бабӕрӕг кодтой куыстуат "Арӕзтадон ӕрмӕджыты завод".

Премьер Южной Осетии проинспектировал Завод строительных материалов
Пресс-служба правительства РЮО
Пухаты Эрик басгӕрста арӕзтадон ӕрмӕджыты заводы куыст

Заводы директор Тедеты Сосланы ныхӕстӕм гӕсгӕ, заводы кусынц 22 адӕймаджы. Афтӕ ма уый радзырдта йӕ продукцийы хуызтӕ ӕмӕ бӕрцуаты тыххӕй.

"Мах уадзӕм тротуарон плиткӕ, арӕзтадон блоктӕ, бордюртӕ, быцӕутӕ электрохызӕгтӕн, афтӕ ма нывӕндӕм сног кӕны цӕджындзты рауагъдад. Мах кусӕм нӕхи ӕрмӕджытӕй. Нӕ бордюртӕ ӕмӕ плиткӕйӕ пайда кӕнынц уынгты хӕрарӕзтады рӕстӕджы", - загъта заводы директор.

Премьер Южной Осетии проинспектировал Завод строительных материалов
Пресс-служба правительства РЮО
Пухаты Эрик басгӕрста арӕзтадон ӕрмӕджыты заводы куыст

Куыстуаты разамонӕг бафтыдта, зӕгъгӕ, заводы цӕттӕ продукци балхӕныны фадат ис куыд арӕзтадон организацитӕн, афтӕ сӕрмагонд гоймӕгтӕн дӕр.

Хицауады сӕрдар куыд банысан кодта, афтӕмӕй арӕзтад ӕмгъуыдмӕ балхынцъ кӕнынӕн хъӕуы рӕстӕгыл ифтонг кӕнын арӕзтадон организациты ӕнӕмӕнгхъӕуӕг ӕрмӕджытӕй, уый фӕдыл рауагъдады бӕрцуат хъӕуы развӕлгъау зонын.

"Мах абон басгӕрстам завод ӕмӕ рауадзгӕ продукцийы бӕрцуат. Арӕзтадон ӕрмӕджытӕй иудадзыг куы ифтонг кӕной, уӕд куыстытӕ рӕстӕгыл балхынцъ кӕндзысты Инвестпрограммӕйы фӕлгӕтты объекттыл", - бахахх кодта Пухаты Эрик.

Бекъойты Геннадий банысан кодта, заводы куыстӕн кӕй ис хорз динамикӕ, ӕмӕ куыстуаты ис алцыдӕр ӕххӕст куыстӕн.

10
Чамоков Азӕмӕт

Бибылты Анатолий снысан кодта Хуссар Иры хицауады аппараты ног сӕргълӕууӕджы

1
(ранӕуӕггонд 11:47 20.01.2021)
Уый размӕ ацы бынаты авд азы дӕргъы куыста Гаглойты Олег, президент ӕй ссӕрибар кодта йӕ бынатӕй ивгъуыд аз декабры

ЦХИНВАЛ, 20 янв – Sputnik, Козаты Диана. Хуссар Ирыстоны хицауады аппараты ног сӕргълӕууӕг ссис Чамоков Азӕмӕт. Уый раивта ацы бынаты Гаглойты Олегы.

Хицауады рабадтыл президент Бибылты Анатолий фехъусын кодта, кӕй бафыста барамынд Чамоков Азӕмӕты снысан кӕныны фӕдыл.

"Чамоков Азӕмӕт бирӕ рӕстӕг кусы ацы фадыджы. Уый у хорз ахуырадимӕ адӕймаг", - загъта президент.

Чамоков Азӕмӕт загъта бузныг паддзахады сӕргълӕууӕгӕн ӕууӕнчы тыххӕй ӕмӕ банысан кодта, алцыдӕр кӕй араздзӕн йӕ хӕслӕвӕрдтӕ эффективонӕй ӕххӕст кӕныны тыххӕй.

Чамоков Азӕмӕт райгуырд 1986 азы Дзӕуджыхъӕуы. Иттӕг хорз нысӕнттимӕ каст фӕцис гимнази "Альбион" Цхинвалы.

2009 азы фӕцис Паддзахадон хӕххон аграрон университеты юриспруденцийы факультут.

2013 азӕй фӕстӕмӕ кусы Хуссар Ирыстоны хицауады аппараты. Уыд хицауады аппараты барадон хайады консультант, уый фӕстӕ та хъусдарды хайады хистӕр.

1
Коронавирус Хуссар Иры

Хуссар Иры хицауад рахицӕн кодта 6 милуан сомӕй фылдӕр медиктӕн фиддонтӕн

2
(ранӕуӕггонд 10:58 20.01.2021)
Фӕрӕзтӕ рахицӕн кодтой хицауад ӕмӕ президенты фӕстауӕрцон фондтӕй

ЦХИНВАЛ, 20 янв – Sputnik, Козаты Диана. Хуссар Ирыстоны хицауад аскъуыддзаг кодта рахицӕн кӕнын ӕхцайы фӕрӕзтӕ хицауады фӕстауӕрцон фондӕй РБМЦ кусджытӕн фиддонтӕ бафидыны фӕдыл коронавирусы ныхмӕ тохы тыххӕй.

Ӕнӕниздзинад хъахъхъӕнынады министрады бӕрӕггӕнӕнтӕм гӕсгӕ, медиктӕн фиддонтӕн хъӕуы рахицӕн кӕнын 6,5 милуан сомы. Фӕлӕ финансты министры хӕдивӕг Тыбылты Марина хицауады рабадтыл банысан кодта, бюджеты фӕдыл закон йӕ тыхы кӕй нӕ бацыд, уый фӕдыл ацы суммӕ нӕй гӕнӕн сисын уагдоны бюджетӕй.

"Уый фӕдыл мах банхъардтам рахицӕн кӕнын ацы суммӕйы хай хицауады фӕстауӕрцон фондӕй. Иннӕ хай та – президенты фондӕй. Хицауады фонды 12-ӕм хай – 5,7 милуан сомы, уыдонӕй хъӕуы рахицӕн кӕнын 5,5 милуан сомы, иннӕ хай та президенты фондӕй", - загъта Тыбылты Марина.

Президент Бибылты Анатолий йӕ хъус ӕрдардта къахдзӕфтӕм, кӕцытӕ хицауад хъуамӕ ӕххӕст кӕна, уымӕн ӕмӕ парламент нӕ ӕххӕст кӕны йӕ хӕслӕвӕрдтӕ.

"Мах бузныг дзурӕм медиктӕн сӕ хъайтардзинады тыххӕй. Ацы фиддонтӕ дӕр цъус сты, цӕмӕй сын саргъ кӕнӕм сӕ куыстӕн. Махӕн ацы ӕхцатӕ дӕр нӕ бон нӕу рахицӕн кӕнын, уымӕн ӕмӕ парламент нӕ райста ивындзинӕдтӕ фарон азы бюджетмӕ ӕмӕ ацы азы бюджет", - загъта президент.

Афтӕ ма, Бибылты Анатолий зӕрдыл ӕрбалӕууын кодта йӕ дзырдлӕвӕрд ссарын фӕрӕзтӕ медиктӕн фиддонтӕн, ӕмӕ банысан кодта, ахӕм фадат кӕй ис ӕрмӕстдӕр хицауад ӕмӕ президенты фӕстауӕрцон фондты руаджы.

Хуссар Ирыстоны парламент нӕ кусы 2020 азы сентябрӕй фӕстӕмӕ бойкоты тыххӕй, кӕцы расидтысты депутатты къорд, кӕцытӕ домынц генералон прокурор Дзӕгъиаты Уырызмӕджы отставкӕ.

2