Цхинвал

Хуссар Иры ӕнхъӕлмӕ кӕсынц УФ МХМ ахуыргӕнӕндӕтты курсантты радон къордмӕ

6
(ранӕуӕггонд 11:35 03.06.2020)
Амӕйразмӕ республикӕмӕ ӕрцыдысты Уӕрӕсейы Мидхъуыддӕгты министрады ахуырадон уагдӕтты ӕрдӕг сӕдӕйӕ фылдӕр курсанты

ЦХИНВАЛ, 3 июн - Sputnik. Ӕртыккаг къорд 16 курсанты скондӕй, кӕцытӕ ахуыр кӕнынц Уӕрӕсейы Мидхъуыддӕгты министрады (МХМ) ахуырадон уагдӕтты, ӕрцӕудзысты Хуссар Ирыстонмӕ ӕввахс бонты, хъусын кӕны респбуликӕйы МХМ пресс-службӕ.

Амӕйразмӕ Уӕрӕсейӕ ӕрцыд Хуссар Ирыстоны МХМ курсантты дыууӕ къорды – иумӕйагӕй 58 адӕймаджы. Уыдоны иууылдӕр бакодтой дыууӕкъуырион карантины Дзау ӕмӕ Знауыры рынчындӕтты, афтӕ ма уазӕгдон "Алан"-ы Цхинвалы.

"Курсанттӕн райдыдта сесси ӕмӕ цӕмӕй сӕ ахуырадон процесс ма 'рлӕууа, уый тыххӕй сӕ мидхъуыддӕгты министрад сифтонг кодта интернетӕй", - радзырдтой уагдоны.

Оперативон рабадты рӕстӕджы дыццӕджы МХМ сӕргълӕууӕг Наниты Игорь бахӕс кодта райсын ӕдасдзинады фӕтыхджындӕргонд мадзӕлттӕ курсантты сӕ фыдыбӕстӕмӕ ласыны рӕстӕджы.

Иумӕйагӕй МХМ хаххыл Хуссар Ирыстонмӕ хъуамӕ ӕрыздӕхой 80 курсанты. Уыдонӕй цалдӕрӕн нырма фадат нӕй ӕрцӕуын организацион къордты сконды сӕ ахуырадон уагдӕтты фӕлварӕнтӕ дӕттыны тыххӕй – уыдон бадзурдзысты ФХМ консулон хайадмӕ Дзӕуджыхъӕуы ӕмӕ афтӕмӕй ӕрыздӕхдзысты сӕ фыдыбӕстӕмӕ.

Амӕйразмӕ хъусын кодтой, ахуырадон аз ӕмгъуыдӕй раздӕр кӕй фӕцис, уый тыххӕй Хуссар Ирыстонмӕ кӕй ӕрыздӕхтысты уӕрӕсейаг ӕфсӕддон ахуырадон уагдӕтты 250 курсанты, афтӕ ма ӕхсӕз курсанты, кӕцытӕ ахуыр кӕнынц УУМ хаххыл. Сӕ фыдыбӕстӕмӕ куы ‘рцыдысты, уӕд сӕ бакодтой дыууӕкъуырион карантины.

Хуссар Ирыстоны коронавирусӕй фыццаг рынчынты сбӕрӕг кодтой 6 майы, уӕдӕй фӕстӕмӕ вирусӕй фӕрынчын сты 45 адӕймаджы, сӕ фылдӕр хайӕн сын схос кодтой.

6
Цхинвал

Хуссар Иры ивгъуыд къуырийы авариты бахъыгдард сты ӕртӕ адӕймаджы

3
(ранӕуӕггонд 12:16 28.09.2020)
Барадхъахъхъӕнӕг органты кусджытӕ радзырдтой ивгъуыд къуырийы республикӕйы фӕндӕгтыл уавӕры тыххӕй

ЦХИНВАЛ, 28 сен - Sputnik. Хуссар Ирыстоны ивгъуыд къуырийы ӕрцыд ӕрӕ фӕндагон-транспортон цауы, уыдон фӕстиуӕгӕн ӕртӕ адӕймаджы бахаудтой республикӕйы бирӕпрофилон медцентрмӕ алыгъуызон цӕфтимӕ. Уый тыххӕй къуырисӕры хъусын кӕны республикӕйы МХМ пресс-службӕ.

Хуссар Ирыстоны фӕндӕгтыл 21-28 сентябры ӕдӕппӕт банысан кодтой фӕндагон змӕлды 187 фӕткхӕлды. Се хсӕн разынд астшофыры, кӕцытӕ хӕдтулгӕтӕ скъӕрдтой нозтджынӕй.

Ивгъуыд къуыри барадхъахъхъӕнӕг органты кусджытӕ нӕ рабӕрӕг кодтой фыдракӕндтӕ, ӕрмӕст иу адӕймаджы ӕрурӕдта Цхинвалы районы милици ӕхсӕнадон фӕтк фехалыны тыххӕй.

3
Столицæйы быронкалæн полигоны фарсмæ райдыдта хъæбæр коммуналон хауæддзæгты фæзуаты арæзтад

Столицæйы быронкалæн полигоны фарсмæ аразынц хъæбæр коммуналон æвзарæнты фæзуат

5
(ранӕуӕггонд 14:07 28.09.2020)
Ныртæккæ ам зæхх къахынц ангары бындурæн. Арæзт цæудзæн цæттæ конструкцитæй. Æдæппæт фæзуат уыдзæнис 1500 квадратон метры.

ЦХИНВАЛ, 28 сен — Sputnik, Дриаты Лейла. Цхинвалы районы Ирыхъæуы быронкалæн полигоны фарсмæ райдыдта, хъæбæр коммуналон хауæддзæгтæ кæм æвзардзысты æмæ хицæн кæндзысты, ахæм фæзуаты арӕзтад.

Строительство полигона твердых бытовых отходов
© Sputnik / Лейла Дриаева
Столицæйы быронкалæн полигоны фарсмæ аразынц хъæбæр коммуналон æвзарæнты фæзуат

Генералон подрядон организаци у Цхинвалы хæдзарадон хайад, уымæн æмæ горæты администрацийы ацы структурон дæлхай йæхæдæг эксплуатаци кæндзæн объекттæ. Ныртæккæ ам зæхх къахынц ангары бындурæн. Арæзт цæудзæн цæттæ конструкцитæй. Æдæппæт фæзуат уыдзæнис 1500 квадратон метры. Æвæрд дзы уыдзысты сæрмагонд ифтонггæрзтæ.

"Бырæтты пресс кæндзысты æмæ сæ араздзысты сæ уæз тоннæйы бæрц кæмæн уыдзæн, ахæм тюктæ. Афтæмæй сæ ныгæндзыстæм цы стыр уæрм скъахтам, уым", - зæгъы арæзтады прораб Æрсойты Инал.

Æппæт куыстытæ дæр ам хъуамæ фæуой фидæн азмæ. Уымæн æмæ йæ арæзтадæн проектмæ гæсгæ лæвæрд цæуы афæдзы бæрц.

Ивгъуыд аз, ацы хъæуы ног полигонæн рахицæн æрцыд æмæ уæрм скъахтæуыд 3,5 гектары фæзуатыл. Арæзт ма дзы æрцыдис модулон конструкцитæй лæггадгæнæг персоналæн административон цардуагон комплекс, афтæ ма объектмæ арæзт æрцыд фæндæгтæ дæр. Сæмбонд ын кодтой йæ алыварс иууылдæр, сæвæрдтой дзы трансформатор. Полигон кусын райдайдзæн йæ фарсмæ бырæттæ пресс кæнын æмæ æвзарынæн фæзуат арæзт куы æрцæуа, уæд, цæмæй экологийæн зиан ма хæсса.

Бырондонæн йæ эксплуатацийы æмгъуыд у 25 азы. Фæлæ бырæтты кæй æвзардзысты æмæ пресс кæндзысты, уымæ гæсгæ уыцы æмгъуыд зынгæ фæфылдæр уыдзæн.

Ныр арæзтцæуæг объект аскъуыддзаг кæндзæнис республикæйы кондадон æмæ цардуагон бырæттæ утилизаци кæныны хъæуæг домæнтæн дзуапп чи дæтдзæнис, ахæм бронкалæны, проблемæ.

Арæзтадон куыстытæ æххæст кодта арæнгонд бæрндзинады æхсæнад "Цхинвалы арæзтадон компани". Объект арæзт цыдис 2018-2019 азтæн РХИ-

5
Бокс

Ирыстойнаг боксертӕ ссисты ӕппӕтуӕрӕсейон ерысты призертӕ

0
(ранӕуӕггонд 12:11 28.09.2020)
Дыууӕ хатты олимпиаг чемпион Борис Лагутины призтыл турнир 15-16 азы кары фӕсивӕды хсӕн балхынцъ ис Мӕскуыйы ивгъуыд улӕфт бонты

ЦХИНВАЛ, 28 сен — Sputnik. Цӕгат Ирыстоны боксы олимпиаг резервы спортивон скъолайы хъомылгӕнинӕгтӕ Золойты Станислав ӕмӕ Дойаты Хетӕг ссисты Ӕппӕтуӕрӕсейон ерысты призертӕ боксӕй, хъусын кӕны республикӕйы спорты министрад.

Дыууӕ хатты олимпиаг чемпион Борис Лагутины призтыл турнир 15-16 азы кары фӕсивӕды хсӕн балхынцъ ис Мӕскуыйы ивгъуыд улӕфт бонты.

"Золойты Станислав 60 килограммы уӕзы категорийы рамбылдта ӕртӕ тохы, фӕлӕ финалы фембӕлд боксерӕн Свердловскы областӕй. Дойаты Хетӕг архайдта 75 килограммы уӕзы категорийы ӕмӕ рамбылдта ӕртӕ тохы, уыдонӕй дыууӕ нокаутӕй. Финалы уый фембылд Европӕйы фыццагады уӕлахиздзауӕн Ростовы областӕй", - дзырдӕуы хъусинаджы.

Уагдоны бафтыдтой, спортсментӕ кӕй цӕттӕ кодтой ерыстӕм Цӕлойты Георгийы къухдариуӕгады бын.

0