Парадмӕ цӕттӕкӕнынад

Хуссар Иры цӕттӕ кӕнынц Стыр уӕлахизы 75 азы юбилейы цытӕн парадмӕ

9
(ранӕуӕггонд 11:57 03.06.2020)
Генералон репетицитӕ, цы ран хайад исдзӕн ӕфсӕддон техникӕ, нывӕндынц ауадзын 19 ӕмӕ 20 июны Цхинвалы централон фӕзуатыл

ЦХИНВАЛ, 3 июн - Sputnik. Хуссар Ирыстоны цӕттӕ кӕнынц ӕфсӕддон парадмӕ Стыр Фыдыбӕстон хӕсты уӕлахизыл 75 азы сӕххӕсты цытӕн. Тренировкӕтӕ уагъд цӕуынц Хъахъхъӕнынады министрады ӕфсӕддон горӕты территорийыл Хуссар Ирыстоны Гарзджын тыхты генералон штабы хистӕр, инӕлар-майор Виктор Федоровы къухдариуӕгады бын.

"Тренировкӕты, кӕцытӕ уагъд цӕуынц РХИ Гарзджын тыхты генералон штабы хистӕр, инӕлар-майор Виктор Федоровы къухдариуӕгады бын, хайад исынц Хъахъхъӕнынады министрады, МХМ, УУМ ӕмӕ Юстицийы министрады дӕлхайӕдты парадон къордтӕ", - дзырдӕуы республикӕйы Хъахъхъӕнынады министрады хъусинаджы.

Фыццаг хатт парады хайад райсдзысты хуссарирыстойнаг курсанттӕ, кӕцытӕ ахуыр кӕнынц уӕрӕсейаг ӕфсӕддон ахуырадон уагдӕтты.

Рӕнхъон тренировкӕтӕ уагъд цӕуынц Хуссар Ирыстоны Хъахъхъӕнынады министрады Гарнизонон медицинон пункты кусджыты хъусдарды бын.

Республикӕйы президент Бибылты Анатолийы скъуыддзагмӕ гӕсгӕ, Стыр Фыдбӕстон хӕсты Уӕлахизы 75 азы юбилейы цытӕн парад ацӕудзӕн Хуссар Ирыстоны столицӕйы 24 июны Мӕскуыйы Сырх Фӕзуатыл парадимӕ иу бон.

Юбилейон бӕрӕгбонон мадзалмӕ цӕттӕкӕнынад райдайдзӕн 1 июны Хъахъхъӕнынады министрады ӕфсӕддон горӕты плацыл. Парадмӕ цӕттӕкӕнынад 8-18 июны адарддӕр кӕндзысты УФ 4-ӕм ӕфсӕддон базӕйы плацыл. Генералон репетицитӕ, цы ран хайад исдзӕн ӕфсӕддон техникӕ, нывӕндынц ауадзын 19 ӕмӕ 20 июны Цхинвалы централон фӕзуатыл.

9
Фӕсарӕйнаг хӕдтулгӕ сӕмбӕлд фӕндаггӕрон цӕджындзыл Цхинвалы

Фӕсарӕйнаг хӕдтулгӕ сӕмбӕлд фӕндаггӕрон цӕджындзыл Цхинвалы

4
(ранӕуӕггонд 16:09 23.09.2020)
Авари ӕрцыд ӕртыццӕджы сихорафон Дзау-Цхинвал фӕндагыл. Развӕлгъау бӕрӕггӕнӕнтӕм гӕсгӕ, машинӕйы шофыр уӕззау цӕфтӕ нӕ фӕцис

ЦХИНВАЛ, 23 сен — Sputnik, Хъуылымбегты Азӕмӕт. Хуссар Ирыстоны столицӕйы цӕгаттаг фарс ӕртыццӕджы ӕрцыд фӕндагон-транспортон цау - рог хӕдтулгӕ "Volkswagen Jetta-йы шофыр сӕмбӕлд фӕндагон нысаны цӕджындзыл ӕртагкӕнӕн станцмӕ базилӕны. Мидхъуыддӕгты министрады пресс-службӕйы кусӕг Джиоты Алик куыд фехъусын кодта, афтӕмӕй автоинспекцийы кусджытӕ бӕрӕг кӕнынц цауы ӕууӕлтӕ.

"Развӕлгъау бӕрӕггӕнӕнтӕм гӕсгӕ, аварийы фӕстиуӕгӕн зианбаййафджытӕ нӕй, - загъта уый.

Хӕдтулгӕ, бафтыдта пресс-службӕйы кусӕг, дзӕвгар ныппырхытӕ ис, уый сэвакуаци кодтой цауы бынатӕй.

4
РХИ парламент

Парламент радон хатт не ‘ркаст Хуссар Иры премьеры кандидатурӕмӕ

4
(ранӕуӕггонд 15:30 23.09.2020)
Ӕртыццӕджы фӕуд кӕны закондӕттӕг органы ӕркасты ӕмгъуыд президенты æнхърæнмæ Хуссар Ирыстоны хицауады сӕрдар снысан кӕнынӕн. Профилон комитеты рабадт нӕ ацыд ӕртыккаг хатт

ЦХИНВАЛ, 23 сен - Sputnik. Кворум кӕй нӕ ӕрымбырд, уый тыххӕй нӕ ацыд парламенты законад ӕмӕ бынӕттон хӕдразамынады комитеты рабадт, кӕцыйы рӕстӕджы хъуамӕ ӕркастаиккой Бекъойты Геннадийы кандидатурӕмӕ бӕстӕйы премьер-министры бынатмӕ. Уый тыххӕй хъусын кӕны парламенты пресс-службӕ.

16 сентябры президент Бибылты Анатолий парламенты ӕркастмӕ бавдыста Бекъойты Геннадийы кандидатурӕ премьер-министры бынатмӕ. Конституцимӕ гӕсгӕ, фарстмæ сессийы агъоммӕ ӕркӕсынц комитет æмæ президиумы. Закондӕттӕг органӕн уыд иу къуыри хицауады сӕрдары кандидатурӕмӕ ӕркӕсынмӕ, ӕмгъуыд фӕуд кӕны ӕртыццӕджы. Уый размӕ комитеты дыууӕ рабадты дӕр нӕ ацыдысты кворум кӕй нӕ ӕрӕмбырд, уый тыххӕй.

"Нӕ комитеты уӕнгтӕ – депутаттӕ Гаглойты Алан ӕмӕ Диакъонты Амиран – не ‘рбацыдысты рабадтмӕ. Уыдон ӕртыккаг хатт нӕ исынц хайад комитеты рабадты, уый фӕдыл ӕй нӕй фадат ауадзын ацы фарстмӕ ӕркӕсыны тыххӕй. Абон ӕз ныффысдзӕн службӕйон фыстӕг парламенты сӕрдармӕ ацы фарсты фӕдыл, цы ран ӕз фехъусын кӕндзӕн, депутаттӕ ӕртыккаг хатт кӕй нӕ ӕрбацыдысты комитеты рабадтмӕ, ӕмӕ уый фӕдыл нӕ фадат ауадзын рабадт ацы фарсты фӕдыл", - банысан кодта комитеты сӕрдар Габатты Алан.

Президенты минӕвар парламенты Куымӕридтаты Анна фехъусын кодта президенты номӕй, депутаттӕ парламенты куысты хайад кӕй нӕ исынц, уымӕн нӕй барадон бындур.

Парламенты спикер Тадтаты Алан схуыдта депутатты позици закондӕттӕг органы куысты ӕргом саботаж.

Раздӕры хицауад ацыд отставкӕйы Цхинвалы митингты фӕстӕ. Столицӕйы адӕм се 'неразыдзинад равдыстой Цхинвалы цӕрӕг Дзабиты Иналы мӕлӕты фӕстӕ, кӕцы амард Мидхъуыддӕгты министрады криминалон милицийы рӕстӕгмӕ дарӕн изоляторы нады фæстиуæгæн.

Уый фæстæ митингты адӕм домдтой МХМ хистӕр ӕмӕ Генералон прокуроры отставкӕтӕ. 16 сентябры президент йӕ пресс-конференцийы комкоммӕ эфиры фехъусын кодта йӕ дзуапп депутаттӕн, генералон прокуроры йӕ бынатӕй ссӕрибар кӕнынӕн кӕй нӕй бындур. Уымӕй размӕ закондӕттӕг органты депутатты ӕмбис сӕ куыст ӕххӕст кӕныныл нал саразы сты, цалынмӕ президент сӕххӕст кӕна сӕ домӕн.

18 сентябры парламентон фракци "Иугонд Ирыстон"-ы скондæй йæ рахызты тыххæй фехъусын кодта депутат Мулдарты Гарри, уымæй уый равдыста йе ʻнæразыдзинад депутатты фылдæр хайы домæн æххæст кæй не ʻрцыд, уый тыххæй.

4