Рейдтӕ улӕфӕн бынӕтты

Сезон байгом: Хуссар Иры райдайдзысты рейдтӕ улӕфӕн бынӕтты

16
(ранӕуӕггонд 16:13 03.06.2020)
Милици ӕмӕ УУМ кусджытӕ сӕ цӕст дардзысты улӕфджты ӕдасдзинадмӕ ӕмӕ коронавирусы ныхмӕ мадзӕлттӕ ӕххӕст кӕнынмӕ

ЦХИНВАЛ, 3 июн - Sputnik. Хуссар Ирыстоны найӕн сезоны баконды тыххӕй райдайдзысты милици ӕмӕ Уӕлвӕткон уавӕрты министрады (УУМ) кусджыты иумӕйаг рейдтӕ донбылгӕрӕтты ӕмӕ улӕфӕн бынӕтты.

"Милицийы фадыгонтӕ, Паддзахадон автоинспекци ӕмӕ УУМ кусджытӕ уадздзысты профилактикон ныхас улӕфджытимӕ, хъусын сын кӕндзысты найыны рӕстӕджы ӕдасдзинад ӕмӕ коронавирусы профилактикӕйы фӕдыл мадзӕлттӕ ӕххӕст кӕныны тыххӕй. Афтӕ ма сын радзурдзысты, кӕй нӕй гӕнӕн гом арт скӕнын хъӕды цур ӕмӕ чъиззи кӕнын ӕрдз", - дзырдӕуы хъусинаджы.

Афтӕ ма рабадты рӕстӕджы мидхъуыддӕгты министр бахӕс кодта хъахъхъӕнын ӕхсӕнадон фӕтк рауагъдон мадзӕлтты рӕстӕджы республикӕйы скъолаты. Фадыгонтӕ ноджы иу хатт фехъусын кӕндзысты кафетӕ ӕмӕ ресторанты хицӕуттӕн, карантинон мадзӕлтты тыххӕй кӕй нӕй гӕнӕн уадзын массон мадзӕлттӕ, ПАИ та фӕтыхджындӕр кӕндзӕн хъусдард ӕдасдзинадмӕ фӕндӕгтыл.

Ахуырадон аз республикӕйы фӕцис 20 майы. Амӕйразмӕ хъусын кодтой, Хуссар Ирыстоны фӕстаг дзӕнгӕрӕг кӕй нывӕндынц ауадзын 17 июны, рауагъдон бал та 18 июны.

Хуссар Ирыстоны коронавирусӕй фыццаг рынчынты сбӕрӕг кодтой 6 майы, уӕдӕй фӕстӕмӕ вирусӕй фӕрынчын сты 45 адӕймаджы, сӕ фылдӕр хайӕн сын схос кодтой.

16
Теннис

Хуссарирыстойнаг теннисисттæ хайад исынц Уæрæсейы чемпионаты сахъатты хсæн

2
(ранӕуӕггонд 15:10 28.09.2020)
Арæнæвæрд уавæртимæ спортсменты хсæн уæлыстол теннисæй ерыстæ уагъд цæуынц 25-æй 30-æм сентябрьмæ Чебоксарты

ЦХИНВАЛ, 28 сен - Sputnik. Хуссар Ирыстоны минæвæрттæ хайад исынц Уæрæсейы чемпионаты уæлыстол столы теннисæй, кæцы уагъд цæуы арæнæвæрд уавæртимæ спорсменты хсæн. Ерыстæ райдыдтой Чебоксарты 25 сентябры æмæ адарддæр уыдзысты 30 сентябры онг, хъусын кæны РХИ фæсивæдон политикæ æмæ спорты комитеты пресс-службæ.

Хуссар Иры уæлыстол теннисы федерацийы сæргълæууæг Джиоты Мириан куыд радзырдта, афтæмæй ерысты хайад исынц Куыдзеты Игорь æмæ Козаты Олег.

"Куыдзеты Игорь у фæлтæрдджын спортсмен æмæ хауы йæ классы уæрæсейы 15 хуыздæр теннисистты номхыгъды. Козаты Олег та фыццаг хатт архайы Уæрæсейы чемпионаты. Уый у ерысты иууыл æвзонгдæр спортсмен, цæуы йыл æрмæстдæр 14 азы", - загъта тренер.

Уый бафтыдта, зæгъгæ, йæ кармæ æнæкæсгæйæ, Козаты лæппу хъазы Уæрæсейы хуыздæр теннисисты æмрæнхъ. Олег, йæ къухдариуæггæнæджы ныхæстæм гæсгæ, тынг фæцыд Уæрæсейы æмбырдгонды эксперттæ æмæ тренерты зæрдæмæ.

2
Цхинвал

Хуссар Иры ивгъуыд къуырийы авариты бахъыгдард сты ӕртӕ адӕймаджы

3
(ранӕуӕггонд 15:08 28.09.2020)
Барадхъахъхъӕнӕг органты кусджытӕ радзырдтой ивгъуыд къуырийы республикӕйы фӕндӕгтыл уавӕры тыххӕй

ЦХИНВАЛ, 28 сен - Sputnik. Хуссар Ирыстоны ивгъуыд къуырийы ӕрцыд ӕрӕ фӕндагон-транспортон цауы, уыдон фӕстиуӕгӕн ӕртӕ адӕймаджы бахаудтой республикӕйы бирӕпрофилон медцентрмӕ алыгъуызон цӕфтимӕ. Уый тыххӕй къуырисӕры хъусын кӕны республикӕйы МХМ пресс-службӕ.

Хуссар Ирыстоны фӕндӕгтыл 21-28 сентябры ӕдӕппӕт банысан кодтой фӕндагон змӕлды 187 фӕткхӕлды. Се хсӕн разынд аст шофыры, кӕцытӕ хӕдтулгӕтӕ скъӕрдтой нозтджынӕй.

Ивгъуыд къуыри барадхъахъхъӕнӕг органты кусджытӕ нӕ рабӕрӕг кодтой фыдракӕндтӕ, ӕрмӕст иу адӕймаджы ӕрурӕдта Цхинвалы районы милици ӕхсӕнадон фӕтк фехалыны тыххӕй.

3