Донхӕры хахх

Цхинвалгӕрон хъӕуы сыгъдӕг кӕнынц донхӕры хахх

58
(ранӕуӕггонд 16:13 03.06.2020)
Ацы хахх бирӕ ӕзты дӕргъы уыд ӕнӕхъусдард, Дӕллаг Гудзабары 160 хӕдзары бӕрц тыхстысты доны цухдзинад ӕмӕ хаххы ӕвзӕр тӕфӕй

ЦХИНВАЛ, 3 июн - Sputnik, Плиты Фатимӕ. Хуссар Ирыстоны столицӕгӕрон хъӕу Дӕллаг Гудзабары донхӕры канал сыгъдӕг кӕны паддзахадон унитарон куыстуат "Мелиорация", фехъусын кодта Sputnik Цхинвалы районы администрацийы сӕрдар Мамытаты Вахтанг.

Цхинвалы районы Дӕллаг Гудзабары хъӕуы донхӕры хахх бирӕ ӕзты дӕргъы сыгъдӕг нӕ уыд, уымӕ гӕсгӕ дзы иуӕй ӕвзӕр цыд дон, аннӕмӕй та тӕвд рӕстӕг ӕвзӕр тӕф кодта. Ардӕм сӕ цардуагон бырон калдтой хъӕуы цӕрджытӕй кӕцыдӕртӕ сӕхӕдӕг дӕр. Донцӕуӕн ссыгъдӕг кӕныныл Гудзабары цӕрджытӕ дзырдтой рагӕй, сӕ проблемӕйы тыххӕй ныффыстой суанг президентмӕ дӕр.

"Президенты хӕслӕвӕрдммӕ гӕсгӕ, паддзахадон унитарон куыстуат "Мелиорация" бавнӕлдта донхӕры хахх сыгъдӕг кӕнынмӕ", - загъта районы разамонӕг.

Цхинвайлы районы Дӕллаг Гудзабары хъӕуы цӕры 160 хӕдзары бӕрц, уыдонӕн, фылдӕр бӕрцӕй, ис цӕхӕрадӕттӕ ӕмӕ дыргъдӕттӕ ӕмӕ сын дон нырмӕ нӕ фаг кодта.

58
Симд

Ансамблы ног сконд: "Симд" ратдзæн концерттæ Цхинвалы

0
(ранӕуӕггонд 15:18 28.09.2020)
Концертон нывæзты ис Кавказы адæмты кафтытæ. Алы номыры дæр архайдзæн 12 æмæ уымæй фылдæр къайы - се ʻхсæн ис артисттæ, кæцытæ стыр сценæмæ хизынц фыццаг хатт

ЦХИНВАЛ, 28 сен — Sputnik, Плиты Фатимæ. Галаты Борисы номыл Хуссар Ирыстоны кафт æмæ зарды паддзахадон ансамбль "Симд" дæргъвæтин фæстиаты фæстæ ратдзæн концерттæ Цхинвалы, фехъусын кодта Sputnik ансамблы директор Гаглойты Кристина.

Уый банысан кодта, сфæлдыстадон къорды ралæудтæ кæй ацæудзысты столицæйы 24 æмæ 25 декабры.

"Сæйраг кафты коллективы ног сконд бавдисдзæн ирон аивады уарзджытæн ног нывæзт. Концертон нывæзты ис 19 номыры. Коллективы раз цы зындзинæдтæ ис, уыдон баст уыдысты карантинимæ. Артисттæн хуыд цæуынц костюмтæ фæсарæнты æмæ сын ныр фадат фæцис ныццæуын æмæ сæ фенын", - загъта директор.

Ансамбль, Гаглойты Кристинæйы ныхæстæм гæсгæ, активонæй йæхи цæттæ кæны ног скондæй кæсæджы раз фыццаг фæлварæнмæ.

"Бон фондз сахаты бæрц цæуынц репетицитæ. Концертон нывæзты ис Кавказы адæмты кафтытæ. Алы номыры дæр архайдзæн 12  æмæ уымæй фылдæр къайы. Се ʻхсæн ис артисттæ, кæцытæ стыр сценæмæ хизынц фыццаг хатт", - бафтыдта Гаглойты Кристина.

Галаты Борисы номыл Хуссар Ирыстоны кафт æмæ зарды паддзахадон ансамбль "Симд" ивгъуыд аз фехъусын кодта реорганизацийы тыххæй. Уый фæлгæтты коллектив ногæй иста кафджыты, ивта хор æмæ оркестры сконд. Фæстæдæр къордæн фæзынд ног аивадон къухдариуæггæнæг дæр.

0
Теннис

Хуссарирыстойнаг теннисисттæ хайад исынц Уæрæсейы чемпионаты сахъатты хсæн

2
(ранӕуӕггонд 15:10 28.09.2020)
Арæнæвæрд уавæртимæ спортсменты хсæн уæлыстол теннисæй ерыстæ уагъд цæуынц 25-æй 30-æм сентябрьмæ Чебоксарты

ЦХИНВАЛ, 28 сен - Sputnik. Хуссар Ирыстоны минæвæрттæ хайад исынц Уæрæсейы чемпионаты уæлыстол столы теннисæй, кæцы уагъд цæуы арæнæвæрд уавæртимæ спорсменты хсæн. Ерыстæ райдыдтой Чебоксарты 25 сентябры æмæ адарддæр уыдзысты 30 сентябры онг, хъусын кæны РХИ фæсивæдон политикæ æмæ спорты комитеты пресс-службæ.

Хуссар Иры уæлыстол теннисы федерацийы сæргълæууæг Джиоты Мириан куыд радзырдта, афтæмæй ерысты хайад исынц Куыдзеты Игорь æмæ Козаты Олег.

"Куыдзеты Игорь у фæлтæрдджын спортсмен æмæ хауы йæ классы уæрæсейы 15 хуыздæр теннисистты номхыгъды. Козаты Олег та фыццаг хатт архайы Уæрæсейы чемпионаты. Уый у ерысты иууыл æвзонгдæр спортсмен, цæуы йыл æрмæстдæр 14 азы", - загъта тренер.

Уый бафтыдта, зæгъгæ, йæ кармæ æнæкæсгæйæ, Козаты лæппу хъазы Уæрæсейы хуыздæр теннисисты æмрæнхъ. Олег, йæ къухдариуæггæнæджы ныхæстæм гæсгæ, тынг фæцыд Уæрæсейы æмбырдгонды эксперттæ æмæ тренерты зæрдæмæ.

2