Хуссар Иры эпидемиологтæн снысан кодтой уæлæмхас фиддонтæ

18
(ранӕуӕггонд 14:37 05.06.2020)
Фиддонтæ ма райсдзысты медицинон уагдæтты кусджытæ коронавирусы тыххæй уæлдай тасы зонæйы куысты тыххæй

ЦХИНВАЛ, 5 июн – Sputnik, Козаты Диана. Хуссар Ирыстоны хицауад снысан кодта Югосетпотребнадзор æмæ "Центр гигиены и эпидемиологии"-йы кусджытæн уæлæмхас фиддонты бæрц. Уыдон фæрæзтæ райсдзысты ахсджиаг куысты тыххæй COVID-19 парахаты фæдыл вазыгджын эпидемиологон уавæр хынцгæйæ.

Уынаффæ рахастæуыд майрæмбоны хицауады рабадты, кæцы ауагъта президент Бибылты Анатолий. Фиддонтæ фидар æрцыдысты 1 апрелæй 30 июньмæ. 

Фæрæзтæ райсдзысты медиктӕ, кӕцытӕ ӕххуыс кодтой ӕмбӕстӕгтӕн коронавирусы апарахаты тасы фӕдыл, сӕ нымӕцы кусджытӕ, кӕцытӕ истой биоматериал, ӕххӕст кодтой эвакуаци, уагътой дезинфекцион мадзӕлттӕ, ластой хӕринаг, ӕххӕст кодтой электро ӕмӕ донифтонагады системӕты куыст, афтӕ ма медиктӕ, кӕцытӕ ӕххӕст кодтой медицинон ӕххуыс ӕмӕ сӕ цӕст дардтой карантиныл уӕвӕг ӕмӕ коронавирусӕй фӕрынчынуӕвӕг ӕмбӕстӕгтӕм.

Дохтыртæ райсдзысты мин сомы бон, фæлæ фиддонты гуырахст нæ ахидзæн 30 минæй, астæуккаг æмæ кæстæр медперсонал та фæйнæ 500 сомы.

Дезинфектортæм та æмбæлы 500 сомы бон.

Цæугæ бригадæ (фæйнæ дыууæ адæймаджы), кæцытæ æххæст кодтой санитарон æмæ эпидемиологион мадзæлттæ коронавирусы апарахат æмæ æрбахызт ма руадзыныл райсдзысты фæйнæ иу мин сомы иу радгæсы тыххæй, фæлæ сæ иумæйаг бæрц хъуамæ ма ахиза 30 мин сомæй.

Ӕндæр кусджытæ (шофыртæ æмæ специалисттæ) уæлæмхас куысты тыххæй райсдзысты фæйнæ 500 сомы бон, иууыл фылдæр мæйы мидæг 10 мины.

Медицинон кусыджытæн фиддонтæ ист æрцæудзысты хицауады фæсауæрцон фондæй.

Хуссар Иры рынчынты нымæц схызт 57-мæ, уыдонæй 31 рафыстой рынчындонæй.

18
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

2
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

2
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2