Уырыссаг ӕвзаджы бон банысан кодтой Хуссар Иры

Уырыссаг ӕвзаджы бон банысан кодтой Хуссар Иры

22
(ранӕуӕггонд 14:33 05.06.2020)
Бӕрӕгбоны кастысты уырыссаг литературӕйы стыр классик Александр Пушкины уацмыстӕ – уый райгуырӕн боны нысан цӕуы Уырыссаг ӕвзаджы бон

ЦХИНВАЛ, 5 июн – Sputnik, Гӕбӕраты Элина. Уырыссаг ӕвзаджы бон ӕмӕ стыр уӕрӕсейаг поэт Алесканд Пушкины райгуырӕн бон банысан кодтой Хуссар Ирыстоны. Цхинвалы поэты номыл сквермӕ ӕрбамбырд сты республикӕйы къухдариуӕгад ӕмӕ ӕхсӕнад.

Пушкинский день в Цхинвале
© Sputnik / Natalia Airiyan
Уырыссаг ӕвзаджы бон банысан кодтой Хуссар Иры

Уырыссаг ӕвзаг ӕмӕ литературӕйы ахуыргӕнджыты ассоциацийы президент Тедеты Зӕлинӕ банысан кодта, Пушкин тынг бирӕ кӕй уарзта ӕмӕ цыт кодта уырыссаг адӕмон ныхасӕн.

"Уый у уырыссаг литературон ӕвзаджы саразӕг. Уый гениалон ӕгъдауӕй рафӕлгъаудта уырыссаг ӕвзаджы райрӕзты фӕндаг – ӕрбангом кӕнын чиныджы ӕвзаг ӕппӕтадӕмон, дзургӕ ӕвзагмӕ", - загъта уый.

Республикӕйы президент Бибылты Анатолий бахахх кодта,  Пушкин кӕй уыд алыварсон гоймаг, бирӕ ахуыргӕндтӕ кӕй кусынц йе сфӕлдыстад кӕронмӕ раиртасыныл, фӕлӕныры онг уый никӕй къухы ма бафтыд.

Пушкинский день в Цхинвале
© Sputnik / Natalia Airiyan
Уырыссаг ӕвзаджы бон банысан кодтой Хуссар Иры

"Алы адӕймаг дӕр та ногӕй бакӕны йӕхицӕн Александр Сергейы фырты. Афтӕ зӕгъӕн нӕй, ӕмӕ Пушкин ӕнӕмӕт цард фӕкодта. Йӕ хъысмӕт уыд тынг ирд ӕмӕ уыимӕ иумӕ тынг трагикон. Уӕрӕсе хъуамӕ ма фесафтаид ахӕм ӕвзонг генийы", - загъта президент.

Пушкинский день в Цхинвале
© Sputnik / Natalia Airiyan
Уырыссаг ӕвзаджы бон банысан кодтой Хуссар Иры

Бӕстӕйы сӕргълӕууӕг ма банысан кодта, ирон классиктӕ иууылдӕр стыр аргъ кӕй кодтой уырыссаг фысджытӕн, уыдонӕн сӕ фылдӕр фыстой уацмыстӕ уырыссагау дӕр. Дӕнцӕгӕн уый ӕрхаста Хетӕгкаты къостайы, кӕцы уырыссаг ӕвзагыл ныффыста тынг бирӕ уацмыстӕ.

Бӕрӕгбоны кастысты уырыссаг литературӕйы стыр классикы уацмыстӕ, ӕрӕмбырдуӕвджытӕ сӕвӕрдтой дидинтӕ йӕ цыртмӕ.

6 июны Уӕрӕсейы нысан цӕуы Пушкины бон, уагъд фӕцӕуынц уырыссаг генийы сфӕлдыстадӕн нывонд мадзӕлттӕ ӕмӕ акцитӕ.

22
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

2
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

2
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2