Социалон кусджытӕ ӕххуыс кӕнынц хистӕр кары адӕмӕн

Бибылты Анатолий: Хуссар Иры социалон кусджытӕ дӕттынц ирд сомбоны ныфс

7
(ранӕуӕггонд 11:20 08.06.2020)
Бибылты Анатолий раарфӕ кодта социалон кусджытӕн сӕ профессионалон бӕрӕгбоны цытӕн ӕмӕ банысан кодта, пандемийы уавӕр хынцгӕйӕ, сӕ куыст ссис ноджы хъӕугӕ дӕр

ЦХИНВАЛ, 8 июн - Sputnik. Социалон хъахъхъӕнынады фадыджы сӕ бон у кусын ӕрмӕстдӕр ӕргом ӕмӕ хӕларзӕрдӕ адӕмӕн. Сӕ куысты руаджы ӕххуыс райсынц хистӕр кары адӕм, инвалидтӕ, бирӕсывӕллонджын бинонтӕ ӕмӕ сабитӕ, кӕцытӕ баззадысты ӕнӕ хъусдардӕй. Уый тыххӕй дзырдӕуы Бибылты Анатолий арфӕйы Социалон кусӕджы боны цытӕн.

Президент бахахх кодта, ног коронавирусон инфекцийы пандемийы уавӕр хынцгӕйӕ, социалон кусджыты мисси ссис ноджы хъӕугӕдӕр ӕмӕ дӕтты ирд сомбоны ныфс.

"Республикӕ Хуссар Ирыстоны къухдариуӕгад алцыдӕр аразы, цӕмӕй баххуыс кӕна социалон проекттӕн, кӕцытӕ здӕхт сты хӕрзаудӕн акцитӕм ӕмӕ ӕнӕниздзинад хъахъхъӕнынад, культурӕ, спорт ӕмӕ ӕндӕр фадгуыты райрӕзтмӕ. Тынг ахсджиаг у, нӕ ӕмархайды руаджы кӕй фылдӕр кӕны адӕмы царды ӕмвӕзад", - хъусын кӕны президенты ныхӕстӕ йӕ пресс-службӕ.

Бибылты Анатолий загъта бузныг социалон кусджытӕн сӕ хорздзинад ӕмӕ хӕларзӕрдӕйы тыххӕй. Президенты цӕст сын бауарзта фидар ӕнӕниздзинад, амонд ӕмӕ хӕрзӕбон сӕ хиуӕттӕн.

7
Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

2
(ранӕуӕггонд 12:31 28.10.2020)
Республикӕйы бирӕ ӕмбӕстӕгтӕм, кӕцытӕ цӕрынц хъӕуты, ис хӕцӕнгӕрзтӕ, цӕмӕй сӕхи бахъахъхъӕной сырдтӕй

ЦХИНВАЛ, 28 окт - Sputnik. Хуссар Ирыстоны барадхъахъхъӕнӕг органтӕ уадзынц мадзӕлттӕ республикӕйы ӕмбӕстӕгты регистрацигонд хӕцӕнгарз дарыны уавӕртӕ басгарыны фӕдыл.

Мидхъуыддӕгты министрады (МХМ) пресс-службӕ куыд хъусын кӕны, афтӕмӕй Знауыры районы мидхъуыддӕгты хайады рейдты фӕстиуджытӕм гӕсгӕ, фехӕлдтӕ не сбӕрӕг кодтой.

"Знауыры районы ис адӕм, кӕцытӕн ис бар дарын хӕцӕнгарз. Хӕцӕнгарз ӕдасӕй дарыны нысанӕн, ӕрдӕг аз иу хатт мах уадзӕм профилактикон басгӕрст. Кӕд искӕмӕн барлӕвӕрды документы ӕмгъуыд фӕвӕййы, уӕд ын йӕ хӕцӕнгарз байсӕм, цалынмӕ ног документ сараза. Барлӕвӕрды ӕмгъуыд у фондз азы", - радзырдта Знауыры районы мидхъуыддӕгты хайады фадыгон Къозонты Зураб.

Знауыры поселочы цӕрӕг Дзӕгъиаты Махарбег банысан кодта, хъӕуты зын кӕй у ӕнӕ хӕцӕнгарзӕй, уымӕн ӕмӕ фӕстаг рӕстӕджы фӕфылдӕр тугдзых сырдты нымӕц цӕрӕг пунктты цур.

МХМ бафтыдтой, зӕгъгӕ, хӕцӕнгарз дарыны уавӕртӕ басгарыны фӕдыл рейдтӕ уагъд цӕуынц иудадзыг. Хӕцӕнгарзы хицаумӕ хъуамӕ ӕнӕмӕнг уа сейф кӕнӕ згъӕрӕй скъапп, ӕмӕ йӕ дӕгъӕлтӕ хъуамӕ уой ӕрмӕстдӕр хӕцӕнгарзы хицаумӕ.

2
Сырх зонӕ

Хуссар Ирыстоны коронавирусӕй амард ноджы иу адӕймаг

4
(ранӕуӕггонд 11:43 28.10.2020)
Вирусон пневмонийӕ республикӕйы амардысты ӕхсӕз адӕймаджы – уыдонӕй алкӕмӕн коронавирус нӕ рабӕрӕг

ЦХИНВАЛ, 27 окт — Sputnik. Хуссар Ирыстоны коронавирусӕй амард ноджы иу нӕлгоймаг, фехъусын кодтой Sputnik  республикон бирӕпрофилон медцентры.

Знон ма фехъусын кодтой ноджы дыууӕ адӕймаджы фӕзианы тыххӕй – уыдон уыдысты 65-аздзыд нӕлгоймаг ӕмӕ 81-аздзыд сылгоймаг.

"Коронавирусӕй амард 52-аздзыд нӕлгоймаг. Иннӕ амӕттӕгтау уымӕн дӕр сытынг ис пневмони ӕмӕ йӕ организм не сфӕрӕзта", - загъта агентады ныхасӕмбал.

Республикӕмӕ дысон изӕр ӕрхӕццӕ сты уӕрӕсейаг ӕфсӕддон медиктӕ. Цхинвалы уыдон бакӕндзысты быдырон госпиталь, кӕцыйы бон уыдзӕн райсын коронавирусӕй 150 рынчыны.

4